- Ачыу алгъа келсе, акъыл артха къалады.
- Адамны бетине къарама, адетине къара.
- Тюкюрюк баш джармаз, налат кёз чыгъармаз!
- Уллу къашыкъ эрин джыртар.
- Сабийликде юретмесенг, уллу болса – тюзелмез.
- Ёзденликни джайгъан – джокълукъ.
- Баш болса, бёрк табылыр.
- Таш бла ургъанны, аш бла ур.
- Хазыр ашха – терен къашыкъ.
- Эшекге миннген – биринчи айыб, андан джыгъылгъан – экинчи айыб.
- Ариуну – ауруу кёб.
- Онгсузну – джакъла, тенгликни – сакъла.
- Къонагъынгы артмагъын алма да, алгъышын ал.
- Акъылсызны джууукъгъа алма, акъыллыны кенгнге салма.
- Юре билмеген ит, къонакъ келтирир.
- Сютден ауузу кюйген, суугъа юфгюре эди.
- Тура эдим джата, къайдан чыкъды хата?
- Чомартха Тейри да борчлуду.
- Эки итни арасына сюек атма, эки адамны арасында сёз чыгъарма.
- Ашын ашагъанынгы, башын да сыйла.
- Арба аугъандан сора, джол кёргюзтюучю кёб болур.
- Мухардан ач ычхынмаз.
- Сагъыш – къартлыкъгъа сюйюмчю.
- Ёгюзню мюйюзлери ауурлукъ этмейдиле.
- Джарлыны эшигин махтагъан джабар.
- Игилик игилик бла сингдирилиучю затды.
- Чомартха хар кюн да байрамды.
- Хатерли къул болур.
- Адамны адамлыгъы къыйынлыкъда айгъакъланады.
- Къарын къуру болса, джюрек уру болур.
- Адебсиз адам – джюгенсиз ат.
- Игини сыйлагъан адетди.
- Аман киши кеси юйюнде – къонакъ.
- Тил бла келеди джыр да.
- Чомарт джарлы болмаз.
- Билген билмегенни юретген адетди.
- Бюгюн дуния кибик, тамбла ахыратды.
- Ёлген эшек бёрюден къоркъмайды.
- Аман къатын сабий табса, бий болур…
- Босагъа таш юйге кирмей эди, тыбыр таш эшикге чыкъмай эди.
- Джарлы тюеге минсе да, ит къабар.
- Шекер бла туз – бир болмаз, ушамагъан – юй болмаз.
- Байны оноуу, джарлыгъа джарамаз.
- Ёлген аслан – сау чычхан.
- Иги адам абынса да, джангылмаз.
- Душманны тышы – акъ, ичи – къара.
- Билим насыб берир, билим джолну керир.
- Эл элде бирер малынг болгъандан эсе, бирер тенгинг болсун.
- Арбаз къынгырды да, ийнек сауалмайма.
- Элиб деген, элге болушур.
