- Джауумдан сора, кюн кюйдюрюр, ётюрюкден сора, айыб кюйдюрюр.
- Бичгенде ашыкъма, тикгенде ашыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Юйюнгден чыкъдынг – кюнюнгден чыкъдынг.
- Абынмазлыкъ аякъ джокъ, джангылмазлыкъ джаякъ джокъ.
- Хансыз джомакъ болмаз.
- Баргъанынга кёре болур келгенинг.
- Тёзгеннге, джабылгъан эшик ачылыр.
- Сабийни джумушха джибер да, ызындан бар.
- Къыз келсе, джумуш эте келеди, къатын келсе, ушакъ эте келеди.
- Биреуню эскиси биреуге джангы болмайды.
- Ауузу аманнга «иги», деме.
- Байлыкъ адамны сокъур этер.
- Сакъалы текени да бар, мыйыгъы киштикни да бар.
- Билмегенинги, билгеннге сор.
- Уллу сёлешме да, уллу къаб.
- Къоркъакъны кёзю экили кёрюр.
- Хоншуну тауугъу къаз кёрюнюр, келини къыз кёрюнюр.
- Джарлыны эшигин махтагъан джабар.
- Къарыусузгъа кюлме, онгсузгъа тийме.
- Келинни – келгинчи, бёркню кийгинчи кёр.
- Къарны аманнга къазан такъдырма, къолу аманнга от джакъдырма.
- Сакъ юйюне сау барыр.
- Халкъгъа джарагъан, джарлы къалмаз.
- Ишни ахырын ойламай, аллын башлама.
- Акъыл къартда, джашда тюйюлдю – башдады.
- Адебсиз адам – джюгенсиз ат.
- Гугурук къычырмаса да, тангны атары къалмаз.
- Кёзден кетген, кёлден да кетеди.
- Эртде тургъан джылкъычыны эркек аты тай табар.
- Тас болгъан бычакъны сабы – алтын.
- Къартны бурнун сюрт да, оноугъа тут.
- Тёрени джагъы джокъ.
- Босагъа таш юйге кирмей эди, тыбыр таш эшикге чыкъмай эди.
- Байдан умут эте, джарлыдан ёгюз багъасы къорады.
- Ишин билген, аны сыйын чыгъарады.
- Бюгюн дуния кибик, тамбла ахыратды.
- Окъугъан – асыу, окъумагъан – джарсыу.
- Чыкълы кюнде чыкъмагъан, чыкъса къуру кирмеген.
- Тюзлюк шохлукъну бегитир.
- Келинин тута билмеген, къул этер, къызын тута билмеген, тул этер.
- Джолда аягъынга сакъ бол, ушакъда тилинге сакъ бол.
- Аманнга да, игиге да оноусуз къатышма.
- Сууда джау джокъ, кёб сёзде магъана джокъ.
- Акъыл сабырлыкъ берир.
- Экеу тутушса, биреу джыгъылыр.
- Ариуну – ауруу кёб.
- Ишлерге уял да, ашаргъа табма.
- Гыдай эчки суугъа къараб, мюйюзле кёрмесе, джашма алкъын, дегенди.
- Хантына кёре тузу, юйюне кёре къызы.
