- Ариу сёз аурууунгу алыр.
- Экиндини кеч къылсанг, чабыб джетер ашхам.
- Ётюрюкню къуйругъу – бир тутум.
- Башы ишлегенни, ауузу да ишлер.
- Чомарт къолда мал къалмаз.
- Керек ташны ауурлугъу джокъ.
- Чабакъгъа акъыл, табагъа тюшсе келеди.
- Билими азны – ауузунда кирит.
- Чомарт къонакъ юй иесин сыйлар.
- Аллахдан тилесенг, кёб тиле.
- Тёрде – темир таякълы, къаяда – чыпчыкъ аякълы.
- Ачыу алгъа келсе, акъыл артха къалады.
- Къарт болгъан джерде, берекет болур, сабий болгъан джерде, оюн болур.
- Ана къолу ачытмаз.
- Таукелге нюр джауар.
- Суугъа – чабакъ, къаягъа – ыргъакъ.
- Къыйынлы джети элге оноу этер.
- Атлыны кёрсе, джаяуну буту талыр.
- Байны къызы баймакъ болса да, юйде къалмаз!
- Ариу джол аджал келтирмез.
- Эки итни арасына сюек атма, эки адамны арасында сёз чыгъарма.
- Тюз сёз баргъан сууну тыяр.
- Келлик заман – къартлыкъ келтирир, кетген заман – джашлыкъ ёлтюрюр.
- Джыйырма къойну юч джыйырма эбзе кюте эди.
- Къобан да къуру да къобханлай турмайды, адам да къуру да патчахлай турмайды.
- Чомартны къолу берекет.
- Хоншуну тауугъу къаз кёрюнюр, келини къыз кёрюнюр.
- Сютден ауузу кюйген, суугъа юфгюре эди.
- Адебсиз адам – джюгенсиз ат.
- Уясында не кёрсе, учханында аны этер.
- Кютгени беш эчки, сызгъыргъаны уа, джерни джарады.
- Таукел адам тау тешер.
- Огъурлуну сёзю – суу, огъурсузну сёзю – уу.
- Окъдан джара эртде-кеч болса да бителир, сёз джара, ёмюрге къалыр.
- Ашхы сёз таш тешер.
- Айтхан сёзюне табылгъан.
- Рысхы – насыбха къор.
- Эки элинги тыйсанг, джети элде махталырса.
- Айырылмаз джууугъунга, унутмаз сёзню айтма.
- Нарт сёз – тилни бети.
- Кёлю джокъну – джолу джокъ.
- Ариу – кёзге, акъыл – джюрекге.
- Тойгъа алгъа да барма, тойда артха да къалма.
- Тик ёргени, тик энгишгеси да болады.
- Ётюрюкчюню шагъаты – къатында.
- Тыш элде солтан болгъандан эсе, кесинги элде олтан болгъан игиди!
- Нарт сёз къарт болмаз.
- Терек ауса, отунчу – кёб.
- Къартны бурнун сюрт да, оноугъа тут.
- Адам къыйынлыгъын кёлтюрюр, зауукълугъун кёлтюрмез.
