- Ауузу бла къуш тута айланады.
- Адамны аты башхача, акъылы да башхады.
- Джарашыу сюйген – джалынчакъ.
- Байлыкъ келсе, акъыл кетер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эринчекни аурууу – кёб.
- Илму – джашауну джолу.
- Ёнгкюч къууана барыр, джылай келир.
- Джеринден айырылгъан – джети джылар, джуртундан айырылгъан – ёлгюнчю джылар.
- Арба аугъандан сора, джол кёргюзтюучю кёб болур.
- Халкъны джырын джырласанг, халкъ санга эжиу этер.
- Онгсузну – джакъла, тенгликни – сакъла.
- Шапа кёб болса, аш татымсыз болур.
- Аллахдан тилесенг, кёб тиле.
- Билимден уллу байлыкъ джокъду.
- Иги болса, тамадама – махтау, аман болса, меннге – айыб.
- Таула не мийик болсала да, аууш табылыр.
- Кёл – къызбай, къол – батыр.
- Тёзген – тёш ашар!
- Къанны къан бла джуума, аманны аман бла къуума.
- Орну джокъну – сыйы джокъ.
- Этни да ашады, бетни да ашады.
- Ат да турмайды бир териде.
- Дууулдаса – бал чибин, къонса – къара чибин.
- Гугук кесини атын айтыб къычыргъанча, мен, мен деб нек тураса?
- Ышармагъан – кюлмез, кюлмеген – къууанчны билмез.
- Аш хазыр болса, иш харам болур.
- Ач къарным, тынч къулагъым.
- Атлыны кёрсе, джаяуну буту талыр.
- Юйюнг бла джау болгъандан эсе, элинг бла джау бол.
- Ашыкъгъан cуу, тенгизге джетмез.
- Байны оноуу, джарлыгъа джарамаз.
- Узун джолну барсанг, бюгюн келирсе, къысха джолну барсанг, тамбла келирсе.
- Къызбайны юйюне дери сюрсенг, батыр болур.
- Къазанда болса, чолпугъа чыгъар.
- Урама да – ёледи, сатама да – келеди.
- Сакъламагъан затынга джолукъсанг, не бек къууанаса, не бек ачыйса.
- Кёз – сюйген джерде, къол – ауругъан джерде.
- Алтыда кюлмеген, алтмышда кюлмез.
- Аман адам элни бир-бирине джау этер.
- Джуртун къоругъан озар.
- Айран тёгюлсе, джугъусу къалыр.
- Къайтырыкъ эшигинги, къаты уруб чыкъма.
- Тил – кесген бычакъ, сёз – атылгъан окъ.
- Тойчу джашха къарама, къойчу джашха къара.
- Джан саулукъ бермей, сан саулукъ бермезсе.
- Адамны адамлыгъы къыйынлыкъда айгъакъланады.
- Ишлемеген – тишлемез.
- Таугъа чыгъаллыкъ эсенг, тюзде къалма.
- Ауругъаннга – кийик саулукъ, джетген къызгъа – чилле джаулукъ.
