- Хоншуну тауугъу къаз кёрюнюр, келини къыз кёрюнюр.
- Джарлыны тону джаз битер.
- Джаш къарыу бла кючлю, къарт акъыл бла кючлю.
- Къралынгы – душмандан, башынгы от бла суудан сакъла.
- Сютден ауузу кюйген, суугъа юфгюре эди.
- Суу ичген шауданынга тюкюрме.
- Окъуу – билимни ачхычы, окъуу – дунияны бачхычы.
- Ётюрюкчюню шагъаты – къатында.
- Уллу суу бла уллу ауруудан башынгы сакъла.
- Аманны къуугъан, аманлыкъ табар.
- Халкъны джырын джырласанг, халкъ санга эжиу этер.
- Аллахдан тилесенг, кёб тиле.
- Иги сёз – джаннга азыкъ, аман сёз башха – къазыкъ.
- Аман къатын алгъан, арыр, иги къатын алгъан джарыр.
- Акъыллы башны – тили къысха.
- Ашлыкъ – бюртюкден, джюн – тюкден.
- Тёрде – темир таякълы, къаяда – чыпчыкъ аякълы.
- Ач къарынны, токъ билмез
- Ач отунчуну ачыуу – бурнунда.
- Чалманны аллы къалай башланса, арты да алай барады.
- Ауузу бла къуш тута айланады.
- Ишге юренсин къоллары, халкъ бла болсун джоллары.
- Аз сёлеш, кёб ишле.
- Ата – билек, ана – джюрек!
- Адеб базарда сатылмаз.
- Ёзденликни кёбю ётюрюк.
- Къызбайны юйюне дери сюрсенг, батыр болур.
- Иги сеники эсе да, сюйген кесимикин этеме.
- Ойнай-ойнай кёз чыгъар.
- Аш кетер да бет къалыр.
- Кёб джат да, бек чаб.
- Хантына кёре тузу, юйюне кёре къызы.
- Кесине оноу эте билмеген, халкъына да эте билмез.
- Мухардан ач ычхынмаз.
- Тил – миллетни джаны.
- Ётген ёмюр – акъгъан суу.
- Уллу айтханны этмеген – уллаймаз.
- Ётюрюкню къуйругъу – бир тутум.
- Аман къатын сабий табса, бий болур…
- Окъумагъан сокъурду, сокъур ташха абыныр!
- Джашлыкъ этмеген, башлыкъ этмез.
- Ачылгъан эт джабылыр, кёрген кёз унутмаз.
- Экиндини кеч къылсанг, чабыб джетер ашхам.
- Адеби болмагъан къыз – тузсуз хант.
- Тенгинг джокъ эсе – изле, бар эсе – сакъла!
- Гыдай эчки суугъа къараб, мюйюзле кёрмесе, джашма алкъын, дегенди.
- Ач, тоймам, дейди, тойгъан, ач болмам, дейди.
- Нёгерсизни джолу узун.
- Гитче джилтин уллу элни джандырыр.
- Биреуню эскиси биреуге джангы болмайды.
