- Джашны джигитлиги сорулур, къызны джигерлиги сорулур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёбге таш атма.
- Ашына кёре табагъы, балына кёре къалагъы.
- Къарт айтханны этмеген, къартаймаз.
- Кийимни бичсенг, кенг бич, тар этген къыйын тюлдю.
- Джаз бир кюнню джатсанг, къыш талай кюнню абынырса.
- Эте билген, этген этеди, эте билмеген, юретген этеди!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Олтуруб кёрюнмей эди да, ёрге туруб кёрюне эди.
- Акъыл неден да кючлюдю.
- Насыблы элин сюер, насыбсыз кесин сюер.
- Келгинчи, къонакъ уялыр, келгенден сора, къонакъбай уялыр.
- Ата – баланы уясы.
- Ач уят къоймаз.
- Керилген да, ургъан кибикди.
- Танг атмайма десе да, кюн къоярыкъ тюйюлдю.
- Ашхы сёз таш тешер.
- Байлыкъдан саулукъ ашхыды.
- Адамны сыфатына къарама, сёзюне къара.
- Аман киши кеси юйюнде – къонакъ.
- Тамчы таш тешер.
- Ашатыргъа иш – ашхы, ишлетирге аш – ашхы.
- Ач бёрюге мекям джокъ.
- Тил бла келеди джыр да.
- Арба аугъандан сора, джол кёргюзтюучю кёб болур.
- Джети тилни билген джети кишиди.
- Илму – джашауну джолу.
- Джарлыны тону джаз битер.
- Тёгюлген тюгел джыйылмайды.
- Ёнгкюч къууана барыр, джылай келир.
- Чомарт джарлы болмаз.
- Байма, деб да, къууанма, джарлыма, деб да, джылама.
- Тилчи тилден къаныкъмаз.
- Адам къыйынлыгъын кёлтюрюр, зауукълугъун кёлтюрмез.
- Чомарт къолда мал къалмаз.
- Хазыр ашха – терен къашыкъ.
- Кюн кёрмеген, кюн кёрсе, кюндюз чыракъ джандырыр.
- Керек ташны ауурлугъу джокъ.
- Джаралыны джастыгъында сау ёлюр.
- Биреуге кёлтюрген таягъынг, кесинги башынга урур.
- Урама да – ёледи, сатама да – келеди.
- Билими азны – ауузунда кирит.
- Къайтырыкъ эшигинги, къаты уруб чыкъма.
- Оюмсуз атлагъан, аджалсыз ёлюр.
- Билим къая тешер.
- Къонакъны къачан кетерин сорма, къачан келлигин сор.
- Къыз чыгъаргъан – къызыл къымжа.
- Джашынгы кесинг юретмесенг, джашау юретир.
- Харам къарнашдан, халал тенг ашхы.
