- Эртде тургъан джылкъычыны эркек аты тай табар.
- Тойгъан джерден туугъан джер игиди.
- Ачыу алгъа келсе, акъыл артха къалады.
- Бети бедерден, намыс сакълама.
- Аджалсыз ёлюм болмаз.
- Тамбла алтындан бюгюн багъыр ашхы.
- Къарнынг бла ёч алма.
- Адам боллукъ, атламындан белгили болур.
- Эки ойлашыб, бир сёлешген.
- Кёзю сокъурдан – къоркъма, кёлю сокъурдан – къоркъ.
- Джашлыкъ этмеген, башлыкъ этмез.
- Ашхы – джыяр, аман – джояр.
- Таукел адам тау тешер.
- Джарлы тюеге минсе да, ит къабар.
- Бозаны арты дауур болур.
- Аман къатын алгъан, арыр, иги къатын алгъан джарыр.
- Акъыл аздырмаз, билим тоздурмаз.
- Хоншуну тауугъу къаз кёрюнюр, келини къыз кёрюнюр.
- Къумурсхала джыйылсала, пилни да джыгъадыла.
- Ойнай билмеген, уруб къачар.
- Хар зат кесини орнуна иги.
- Айран тёгюлсе, джугъусу къалыр.
- Джиби бир къат джетмей эди да, эки къат тарта эди.
- Ариу сёз аурууунгу алыр.
- Акъыл бла адеб эгизледиле.
- Аш берме да, къаш бер.
- Аманнга игилик этсенг, юйюнге сау бармазса.
- Кесине гебен этелмеген, биреуге черен эте эди.
- Аууз сакълагъан – джан сакълар.
- Аджашхан тёгерек айланыр.
- Ач уят къоймаз.
- Арба аугъандан сора, джол кёргюзтюучю кёб болур.
- Болджал ишни бёрю ашар.
- Къартны сыйын кёрмеген, къартлыгъында сыйлы болмаз.
- Хар сёзню орну барды.
- Мухар, кеси тойса да, кёзю тоймаз.
- Джылыгъа джылан илешир.
- Тойчу джашха къарама, къойчу джашха къара.
- Тыш элде солтан болгъандан эсе, кесинги элде олтан болгъан игиди!
- Аякъларынгы джууургъанынга кёре узат.
- Ишленмеклик адамлыкъды.
- Кийиминг бла танылма, адамлыкъ бла таныл.
- Окъдан джара эртде-кеч болса да бителир, сёз джара, ёмюрге къалыр.
- Ойнай-ойнай кёз чыгъар.
- Джылкъыдан – ат чыгъар, тукъумдан – джаш чыгъар.
- Къар – келтирди, суу – элтди.
- Ашха уста, юйюнде болсун
- Айранын берсенг, челегин да къызгъанма.
- Кимни – тили, тиши онглу, кимни – къолу, иши онглу.
- «Ма», - дегенни билмесенг, «бер», - дегенни билмезсе.
