- Сёз садакъдан кючлюдю.
- Нарт сёз – тилни бети.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Гырджын – тепсини тамадасы.
- Джылар джаш, атасыны сакъалы бла ойнар.
- Чомартха хар кюн да байрамды.
- Чакъырылмай келген къонакъ сыйланмай кетер.
- Рысхы – сют юсюнде кёмюк кибикди.
- Тас болгъан бычакъны сабы – алтын.
- Кёкдеги болмаса, джердегин кёрмейди.
- Чакъырылмагъан къонакъ тёрге атламаз.
- Аман киши кеси юйюнде – къонакъ.
- Чалманны аллы къалай башланса, арты да алай барады.
- Аллахдан тилесенг, кёб тиле.
- Бойнуму джети джерден кессенг да, мен ол ишни этеллик тюлме.
- Къазанны башы ачыкъ болса, итге уят керекди.
- Юй кюйдю да, кюйюз чыкъды, ортасындан тюйюш чыкъды.
- Сютню башын джалагъан къутулур, тюбюн ичген тутулур.
- Тешигини къатында, чычхан да батыр болур.
- Бастасын ашагъан, хантусун да ичер.
- Билими азны – ауузунда кирит.
- Тойгъа барсанг, тоюб бар, эски тонунгу къоюб бар.
- Элде адам къалмаса, ит тахтагъа минер.
- Кютгени беш эчки, сызгъыргъаны уа, джерни джарады.
- Оюмсуз атлагъан, аджалсыз ёлюр.
- Къошда джокъгъа – юлюш джокъ.
- Къаллай салам берсенг, аллай джууаб алырса.
- Кюн кёрмеген, кюн кёрсе, кюндюз чыракъ джандырыр.
- Айраннга суу къош, телиге джол бош.
- Ёлген эшек бёрюден къоркъмайды.
- Ашхы болсанг, атынг чыгъар, аман болсанг, джанынг чыгъар.
- Окъ къызбайны джокълайды.
- Джангыз терек къынгыр ёсер.
- Тойчу джашха къарама, къойчу джашха къара.
- Джаханимни кёрмей, джандетге кёл салмазса.
- Тилчиден кери бол.
- Кюн – узун, ёмюр – къысха.
- Иги сёз – джаннга азыкъ, аман сёз башха – къазыкъ.
- Ишни ахырын ойламай, аллын башлама.
- Дуния малгъа сатылма, кесингден телиге къатылма.
- Сабыр джетер муратха, сабырсыз къалыр уятха.
- Ачны эсинде – аш.
- Чарсда алчыны эл кёреди.
- Игилик игилик бла сингдирилиучю затды.
- Намыс сатылыб алынмайды.
- Эки итни арасына сюек атма, эки адамны арасында сёз чыгъарма.
- Адамны артындан къара сабан сюрме.
- Къызгъанчдан ычхыныр, мухардан ычхынмаз.
- Ач бёрюге мекям джокъ.
- Аман адам этегингден тутса, кес да къач.
Кто вы раньше: мусульманин или карачаевец-балкарец?
|
Svou naciu nado uvojat i lubit.no esli pri etom idet ti stavish sebya vishe drugih ,tolko potomu chto ti karachaili-Allahdan kork allai sagishladan
|
|
|
|
|
Читают тему (гостей: 1)

