- Къонакъ аман болса, къонакъбай джунчур
- Иги джашны ышаны – аз сёлешиб, кёб тынгылар.
- Къарт айтханны этмеген, къартаймаз.
- Кюн – узун, ёмюр – къысха.
- Дуния малгъа сатылма, кесингден телиге къатылма.
- Аз сёлеш, кёб ишле.
- Онгсузну – джакъла, тенгликни – сакъла.
- Ашына кёре табагъы, балына кёре къалагъы.
- Джахил болса анасы, не билликди баласы?
- Игини сыйлагъан адетди.
- Дженгил джетерикме деб, узун джолну къоюб, къысхасын барма.
- Огъурлуну сёзю – суу, огъурсузну сёзю – уу.
- Байлыкъ келсе, акъыл кетер.
- Этим кетсе да, сюегим къалыр.
- Иесиз малны бёрю ашар.
- Адамны сабийин сюйген джюреги, бычакъча, джитиди.
- Чомарт бергенин айтмаз.
- Азыкъ аз болса, эртде орун сал.
- Ойнаб айтсанг да, эслеб айт.
- Къонакъны къачан кетерин сорма, къачан келлигин сор.
- Шекер бла туз – бир болмаз, ушамагъан – юй болмаз.
- Рысхы – сют юсюнде кёмюк кибикди.
- Кёб джат да, бек чаб.
- Ана къойну – балагъа джандет.
- Тешик этген тынчды, аны джамагъан къыйынды.
- Къолунгдан къуймакъ ашатсанг да, атаны борчундан къутулмазса.
- Ашыкъгъан cуу, тенгизге джетмез.
- Ишленмеген джаш – джюгенсиз ат, ишленмеген къыз – тузсуз хант.
- Биреуню эскиси биреуге джангы болмайды.
- Эм ашхы къайын ана мамукъ бла башынгы тешер.
- Экеулен сёлеше тура эселе, орталарына барыб кирме.
- Тил – кесген бычакъ, сёз – атылгъан окъ.
- Элни кючю – эмеген.
- Кютгени беш эчки, сызгъыргъаны уа, джерни джарады.
- Атлыны ашхысы, ат тизгининден билинир
- Рысхысына кёре, джаш ёсер, къышлыгъына кёре, мал ёсер.
- Тилсиз миллет джокъ болур.
- Ашда уялгъан – мухар, ишде уялгъан – хомух.
- Акъыллы башны – тили къысха.
- Ана – юйню кюн джарыгъы.
- Илму – джашауну джолу.
- Эки элинги тыйсанг, джети элде махталырса.
- Байны къызы баймакъ болса да, юйде къалмаз!
- Къызбайны юйюне дери сюрсенг, батыр болур.
- Иги сёз – джаннга азыкъ, аман сёз башха – къазыкъ.
- Окъугъан озар, окъумагъан тозар.
- Кесине гебен этелмеген, биреуге черен эте эди.
- Бал ашаргъа сюе эсенг, чибин ургъаннга тёз.
- Эм уллу байлыкъ – джан саулукъ.
- Кечеси – аяз, кюню – къыш, джарлы къаргъагъа бир аш тюш!
Болушугъуз,мен назмула джаздым да, не этерге билмейме!
|
taulanud
 Молодец!!!!!!!!!!!!!!! Ана тилде джазгъанынга бек разыма. Аллах болушсун бу ишингде!!! |
|
|
|
|
|
молодец саубол къарнаш,Аллах разы болсун. окъугъанынгада саубол
|
|
|
|
|
Стихи хорошие ... продалжай. |
taulanud
Машалла!!!  Сора, турабызда джаш тёлю ана тилин билмейди дейбиз, ккъарачыгъыз къаллай назмучубуз барды.  |
|
|
|
|
|
taulanudмен бир-бирледе олтура келемеда, назмула джазыб къояма
сау къаллыкъ, мен хаманда олтуруб турур эдим, былай джазалсам |
|
|
|
|
|
Нереальный маньяк
хар джол сайын джангы сюйгени болгъаны табсызды ансы   |
|
|
|
|
|
taulanud
Къалайданса ашхы улан? Ахыр назмунгу уа бир бек джаратдым, ол Алийни юсюнден менда эшите тургъанма |
|
|
|
|
|
Нереальный маньяк Саубол къарнаш! тюз айтаса...къадалыргъада заман аз боладыда.мен медицинскийде окъуймада 2 курсда.аны себебли бош заман табылса, кёлюнге сёзле да келсе джазама
|
|
|
|
|
|
Девушка Гор Саубол эгечим. ана тилни уа,тюз айтаса, билселеда сёлеширге излемейле
|
|
|
|
|
|
taulanudавтобиографияды))) Минги Тау журнал а уа Малкъарда чыкъгъан литература журналды)))
|
|
|
|
|
|
Нереальный маньяк
Сюймекликке сингиб турасада алан!  Suymeklik k`anatlatadi...  4o napisala sama ne ponyala |
|
|
|
|
|
taulanud
biz jazma desekda, tohtarik tyuulse 6utkaKerti i4ingden kelgeni jazzzzzzzzz!!!  |
|
|
|
|
Читают тему (гостей: 1)