- Ишни ахырын ойламай, аллын башлама.
- Ашда уялгъан – мухар, ишде уялгъан – хомух.
- Агъач халкъгъа алтынды, иссиликге салкъынды.
- Экиндини кеч къылсанг, чабыб джетер ашхам.
- Башы джабылгъан челекге, кир тюшмез.
- Билмегенинги, билгеннге сор.
- Джюрек кёзден алгъа кёрюр.
- Гыдай эчки суугъа къараб, мюйюзле кёрмесе, джашма алкъын, дегенди.
- Эм уллу байлыкъ – джан саулукъ.
- Кёб къычыргъандан – къоркъма, тынч олтургъандан – къоркъ.
- Кёрмегеннге кебек – танг, битмегеннге сакъал – танг.
- Кенгеш болса, уруш болмаз.
- Ашхы тенг джолгъа салыр, аман тенг джолдан тайдырыр.
- Джангыз терек къынгыр ёсер.
- Ата Джуртуму башы болмасам да, босагъасында ташы болайым.
- Тёрде – темир таякълы, къаяда – чыпчыкъ аякълы.
- Тил джюрекге джол ишлейди.
- Чомарт къонакъ юй иесин сыйлар.
- Сабий болмагъан джерде, мёлек болмаз.
- Уллу атлама – абынырса, уллу къабма – къарылырса.
- Башланнган иш битер, къымылдагъан тиш тюшер.
- Халкъны джырын джырласанг, халкъ санга эжиу этер.
- Къошда джокъгъа – юлюш джокъ.
- Чомартха хар кюн да байрамды.
- Мени джылытмагъан кюн, меннге тиймесин!
- Байдан умут эте, джарлыдан ёгюз багъасы къорады.
- Аш берме да, къаш бер.
- Джеринден айырылгъан – джети джылар, джуртундан айырылгъан – ёлгюнчю джылар.
- Адеб базарда сатылмаз.
- Ата Джуртча джер болмаз, туугъан элча эл болмаз.
- Арыгъан къош чамчы болур.
- Адеб этмеген, адеб кёрмез.
- Ачлыкъ отха секиртир.
- Къарыусузгъа кюлме, онгсузгъа тийме.
- Алим болгъандан эсе, адам болгъан къыйынды.
- Сибиртки да сыйлы болду, кюрек да кюнлю болду.
- Мал ёлсе, сюек къалыр, адам ёлсе, иши къалыр.
- Татлы тилде – сёз ариу, чемер къолда – иш ариу.
- Аманны эки битли тону болур, бирин сеннге кийдирир, бирин кеси киер.
- Таш бла ургъанны, аш бла ур.
- Чакъырылмагъан къонакъ тёрге атламаз.
- Кюл тюбюндеги от кёрюнмейди.
- Къралынгы – душмандан, башынгы от бла суудан сакъла.
- Бек анасы джыламаз.
- Ашыкъгъан cуу, тенгизге джетмез.
- Ёзденликни кёбю ётюрюк.
- Ата – баланы уясы.
- Соргъан айыб тюлдю, билмеген айыбды.
- Окъуу – билимни ачхычы, окъуу – дунияны бачхычы.
- Тюзню ётмеги тюзде къалса да, тас болмаз.
ПЕРСОНА L - ТЕНГИЗ ГАБАЕВ, он же ШАМБАЛА!
|
[b:df0b78b8d6]СССР[/b:df0b78b8d6], Хафизу пригласииииии!!!!!!!!
[i:df0b78b8d6]*смотрю* [/i:df0b78b8d6] :smt024 |
|
|
|
|
|
как то смотрела интервью, понравилось...однозначно молодец Шамбала!))
|
||||
|
|
|
|||
Читают тему (гостей: 1)