Войти на сайт
4 Сентября 2026 года

 

  • Къонакъ аман болса, къонакъбай джунчур
  • Къазанны башы ачыкъ болса, итге уят керекди.
  • Къонагъы джокъну – шоху джокъ.
  • Аманны эки битли тону болур, бирин сеннге кийдирир, бирин кеси киер.
  • Къарнынг ауруса, ауузунгу тый
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Окъугъан – асыу, окъумагъан – джарсыу.
  • Чакъырылгъанны аты, чакъырылмагъанны багъасы болур.
  • Абынмазлыкъ аякъ джокъ, джангылмазлыкъ джаякъ джокъ.
  • Эли джокъну – кёлю джокъ.
  • Юйлю уругъа ит чабмаз.
  • Ётген ёмюр – акъгъан суу.
  • Къозулугъунда тоймагъан, къойлугъунда тоймаз.
  • Айырылгъанланы айю ашар, бёлюннгенлени бёрю ашар.
  • Халкъны джырын джырласанг, халкъ санга эжиу этер.
  • Джаз бир кюнню джатсанг, къыш талай кюнню абынырса.
  • Ишни аллы бла къууанма да, арты бла къууан.
  • Ишни ахырын ойламай, аллын башлама.
  • Аманны къуугъан, аманлыкъ табар.
  • Экеу тутушса, биреу джыгъылыр.
  • Сёз – кюмюш, джыр – алтын.
  • Тиширыусуз юй – отсуз от джагъа.
  • Ётюрюк хапар аякъ тюбю бла джюрюйдю.
  • Адам боллукъ, атламындан белгили болур.
  • Ашына кёре табагъы, балына кёре къалагъы.
  • Этни бети бла шорпасы.
  • Аллахха ийнаннган кишини, Аллах онгдурур ишин.
  • Акъыл къартда, джашда тюйюлдю – башдады.
  • Бозанг болмагъан джерге, къалагъынгы сукъма.
  • Тил – миллетни джаны.
  • Адамны джюреги нени кёрюрге сюйсе, кёзю да аны кёрюрге ёч болады.
  • Урунуу – насыбны анасы.
  • Тулпарлыкъ, билекден тюл – джюрекден.
  • Кёб ант этген, кёб ётюрюк айтыр.
  • Керти сёзге тёре джокъ.
  • Сабий кёргенин унутмаз.
  • Кийимни бичсенг, кенг бич, тар этген къыйын тюлдю.
  • Нёгерсизни джолу узун.
  • Накъырда – кертини келечиси.
  • Ёзденликни джайгъан – джокълукъ.
  • Ашатыргъа иш – ашхы, ишлетирге аш – ашхы.
  • Иги адамны бир сёзю эки болмаз.
  • Игиге айтсанг – билир, аманнга айтсанг – кюлюр.
  • Ётюрюкчюню шагъаты – къатында.
  • Таула не мийик болсала да, аууш табылыр.
  • Эл ауузу – элия.
  • Хата – гитчеден.
  • Тёрени джагъы джокъ.
  • Керек ташны ауурлугъу джокъ.
  • Таукел адам тау тешер.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 45 46 47 48 49 ... 112 След.
Ответы
 
#1151
Джаратама0
20.11.2011 19:13:14
Ocean



Къайдаса андан бери, кёрюнмей къалдынгда.
Къачан джыйыласа Маврикийден, огъесе, келибми тураса.
Керт да, джылы джерге тюшгенме деб, сууукъда тургъанланы унутуб къойма....
 
 
 
#1152
Джаратама0
21.11.2011 14:17:33
Кёк ачыкъды, таула джылтырайдыла - табигъатда рахатлыкъ.
Мени да джокъду хатам, кюннге айланнган терезеден, кёзюм джашаугъа чыракъ кетгенди...
Эсенлик !
 
 
 
#1153
Джаратама0
22.11.2011 10:43:07
EL_HALED:
ШАТ
Айтханынг кельсин! Сен айтханлай болсун, алай Ара шахаргъа келир алында бир бильдирирсе.
EL_HALED. Ара шахар.

Салам !

Баргъаным болса, къайда табарыкъма Сени.
 
 
 
#1154
Джаратама0
22.11.2011 22:24:34
САЛАМ АЛМАЗЛЫКЪГЪА САЛАМ БЕРГЕН ГЮНАХДАЫ.
 
 
 
#1155
Джаратама0
22.11.2011 22:25:35
ГЮНАХДЫ.
 
 
 
#1156
Джаратама0
23.11.2011 12:35:13
Хар ким да, хар зат да, башы къайгъылы. Хар ким да, хар зат да, башына сый излейди.Ол оюмну аллы къайдан башланнганды, ол оюмду- джерде турмакълыкъны магъанасы.
Кёкде да иш алай болур...

Джулдузланы ол джанында дуния башха.
Биз кёрмейбиз ол джашауну тюрсюнюн.
Алай анда, керек болмаз, чырт да ачха,
Ойнай болур къушла къатыш кёгюрчюн.

Джашай болур хар инсан да къалай сюйсе.
Болмаз анда мыдахлыкъдан бир белги.
Тёге болмаз адам терни къаладжюкге,
Сарнай болмаз бушуу отда чырт киши.

Бешигинде джукълай болур сабий рахат,
Эсде болмай не болгъаны джыламукъ.
Башха болур, ай, ол джерде эс, табигъат.
Бир болурла джылы бла сууукълукъ.

Сюйгенлеге заран салгъан болмаз анда.
Таба болур керти сюйген сюйгенин.
Бу бары да, болса эди, джерде халкъда,
Бёлмез эди башха кёкге джан эсин.

Сапар Ёз.
 
 
 
#1157
Джаратама0
23.11.2011 14:14:35
Ары баргъан не табар
Къуру къая-таш
Кесекден ызгъа къачар
Тюйюлюб къаш-баш.

Бери баргъан не табар
Барыр къайгъыгъа
Дуниясын ачыу басар
Атар баш ызгъа.

Ары бар,бери да бар
Кёрюнмейди таб
Сыламай башны къадар
Къайда да азаб.
 
 
 
#1158
Джаратама0
23.11.2011 17:41:52
ШАТ
Бу бары да, болса эди, джерде халкъда,
Бёлмез эди башха кёкге джан эсин.



Nurgan

Ары бар,бери да бар
Кёрюнмейди таб
Сыламай башны къадар
Къайда да азаб.
 
 
 
#1159
Джаратама0
23.11.2011 17:51:19
Ocean

Бери ариу суратланы салыучу, иги музыкагъа, джыргъа тынгылатыучу, джангы иги хапарланы да айтыучу Сенсе.

Сапарны китабындан а не хапар - чыгъыб, Шималгъа хапар джетмей тура болурму?
Ингилиз джаны уа не этеди - Джангы Джылгъа хазырланамыды? Мында шахарны омакъ этиб башлагъандыла.

Халкъларын-Джуртларын унутмагъан адамларыбыз къууанч бла джашасынла къайда болсала да.
 
 
 
#1160
Джаратама0
23.11.2011 23:09:15
Sabr




neda tabdi sau bol kitablarina "uf-uf" dei, kebe turadila

bizdeda az-az hazirlanaturalla Djangi Djilg`a
 
 
 
#1161
Джаратама0
23.11.2011 23:09:52
 
 
 
#1162
Джаратама0
24.11.2011 00:34:43
Ocean
один из моих любимых режиссеров
 
 
 
#1163
Джаратама0
24.11.2011 17:08:04
Ocean

Сау бол !
Нек кёрюнмейсе, тынчмыса ?

Nurgan



Sabr
 
 
 
#1164
Джаратама0
24.11.2011 21:11:13
Nurgan
ШАТ




mne polu46e, sau bolug`uz
 
 
 
#1165
Джаратама0
24.11.2011 21:30:17
Ocean
 
 
 
#1166
Джаратама0
25.11.2011 19:21:49
Джангы джыл да джолгъа хазырлана болур

Мен билмейме къайдагъысын Джангы Джылны.
Бу, керти деб, бералмазма мен джууаб.
Къайдан билгин сен джашауун сейир къышны,
Ой, мен билген, къары аны чыммакъ акъ.

Къайдан билгин сен джашауун сейир къышны,
Джашай болур иймей заман бошуна.
Тура болур омакъ джасай Джангы Джылны,
Джулдузладан мынчакъ тизе бойнуна.

Тура болур омакъ джасай Джангы Джылны,
Баргъан джери кёрюр ючюн махтаулу.
Айта болур джау боллугъун джазгъы джылы,
Къууанч берсе, къууанныгъын хар таулу.

Айта болур джау боллугъун джазгъы джылы,
Сен, джакъ бол деб, акъылманнга, телиге.
Таугъа барыб, сыйын атма таулу сырны
Огъур болгъун джарлы юйде тепсиге.........

Мен билмейме къайдагъысын Джангы Джылны.
Ой, мен билген, къары аны чыммакъ акъ
Джетер - джетмез, агъартады къара къырны,
Къалгъаннга уа, табалмайма мен джууаб.
 
 
 
#1167
Джаратама0
26.11.2011 17:34:13
ШАТ
Къайдан билгин сен джашауун сейир къышны,
Джашай болур иймей заман бошуна.
Тура болур омакъ джасай Джангы Джылны,
Джулдузладан мынчакъ тизе бойнуна.
 
 
 
#1168
Джаратама0
27.11.2011 17:51:27
САЛАМ !

Аламатды бюгюн Басханстанда. Тюненели бери, тохтай да - джауа, джауа да - тохтай, къар себелейди. Джюрекни рахат этген бир Рахатлыкъ барды хауада.....

Акъ къарынг бла Насыбны бир чач деб, Аллахдан кёб тиледим....
Джаусун къар....

Джангы джашау тилемейме мен Аллахдан,
Хатам джокъду, джауады да джабалакъ.
Къутулгъанча, ауур басхан, бир хатадан,
Мени джаным джабалакълай бюгюн акъ.

Тюз айтама, керек тюлдю кёзбау насыб,
Мыдахлыкъ да, керекмиди, эй, меннге.
Ёлмегенме, не, сау тюлме, неге айыб,
Сукъланмайма, джаны саугъа, ёлгеннге.

Бир зауукъду, кёрюнмейди къара сыфат.
Джашлыгъым да, къартлыгъым да ташада.
Мийик кёк а, ёмюр ичден, къарла къуяд,
Эй Аллахым, энчи макъам, хар къарда.

Джангы джашау тилемейме мен Аллахдан,
Кишиден да, тилемейме, мен, бир зат.
Мени кёзюм тоялмайды джазгъы къардан,
Мени джаным, джабалакъча, бюгюн акъ.
 
 
 
#1169
Джаратама0
27.11.2011 18:07:07
Ocean



Къайдаса ?
Иги болурса деб, ышанама!
 
 
 
#1170
Джаратама0
28.11.2011 04:05:42
ШАТ

Skype-da kormedim Sizni

ya - nichego, poidet sau boluguz uydegilegeda - privet
 
 
 
#1171
Джаратама0
28.11.2011 17:48:18
Ocean

Саламынг узакъ болсун, эгечден туугъан !
Игибиз, Аллах Сенге да Рахатлыкъ берсин !
Китабха сагъышлы болгъан болмаса, мени да, башха хатам джокъду.
Муссагъа ( Берекетге ) Аллах разы болсун, - Сапар, джарсыма, иш аллынады- деб, къууандырады.
И скажи, къаллай жест этди Мусса, алкъа, толу ийнаналмай турама...

Сора, Сеннге да, бир тилегим "
Смарт Чырайханны туугъан кюню бла алгъышларгъа излесем да, страницаны толу ачалмайма, этеллик эсенг, мени иннетими анга бир билдир;


Смарт Чырайхан, эсинг узалгъан джерледе не игилик бар эсе, Аллах аланы кёзюнг бла кёрюрча этсин !!!!!!!!!!!!!!!!!!!!!!!!!!!!!!!!!
 
 
 
#1172
Джаратама0
28.11.2011 17:53:33
ШАТ
 
 
 
#1173
Джаратама0
28.11.2011 21:34:00
по ТВ КБР началась передача о встрече в Эльба-Нальчик с Сапаром Узденове)
автор передачи Арипа Сабанчиева)
 
 
 
#1174
Джаратама0
28.11.2011 21:37:14
я уже смотрююююююю , :, eshiu:
 
 
 
#1175
Джаратама0
28.11.2011 23:01:24
ELISABETH ,шумная,малкъарлыла везет же вам
 
 
 
Страницы: Пред. 1 ... 45 46 47 48 49 ... 112 След.
Читают тему (гостей: 10)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.