Войти на сайт
26 Июня 2026 года

 

  • Накъырда – кертини келечиси.
  • Адеб джокъда, намыс джокъ.
  • Къызын тута билмеген, тул этер, джашын тута билмеген, къул этер.
  • Эте билген, этген этеди, эте билмеген, юретген этеди!
  • Урама да – ёледи, сатама да – келеди.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Адам туугъан джеринде, ит тойгъан джеринде.
  • Билими азны – ауузунда кирит.
  • Урунуу – насыбны анасы.
  • Ауругъанны сау билмез, ач къарынны токъ билмез.
  • Кесине гебен этелмеген, биреуге черен эте эди.
  • Къаллай салам берсенг, аллай джууаб алырса.
  • Юреннген ауруу къалмаз.
  • Акъыл сабырлыкъ берир.
  • Тиширыусуз юй – отсуз от джагъа.
  • Къартны сыйын кёрмеген, къартлыгъында сыйлы болмаз.
  • Сабийни джумушха джибер да, ызындан бар.
  • Нафысынгы айтханын этме, намысынгы айтханын эт.
  • Бет бетге къараса, бет да джерге къарар.
  • Тенги кёбню джау алмаз, акъылы кёбню дау алмаз.
  • Сормай – алма, чакъырылмай – барма.
  • Тюзлюк тас болмайды.
  • Ана кёлю – балада, бала кёлю – талада.
  • Джарашыу сюйген – джалынчакъ.
  • Ачылгъан эт джабылыр, кёрген кёз унутмаз.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Чакъырылмай келген къонакъ сыйланмай кетер.
  • Къартха ушагъан джаш – акъыллы, джашха ушагъан къарт – тели.
  • Тилчи бир сагъатха айлыкъ хата этер.
  • Къазанчы аман болса, къазаны къайнамаз.
  • Кеси юйюмде мен да ханма.
  • Кёкдеги болмаса, джердегин кёрмейди.
  • Джылкъыдан – ат чыгъар, тукъумдан – джаш чыгъар.
  • Къар – келтирди, суу – элтди.
  • Ачыу алгъа келсе, акъыл артха къалады.
  • Къарнынг къанлынга кийирир.
  • Къан бла кирген, джан бла чыгъар.
  • Тёзгеннге, джабылгъан эшик ачылыр.
  • Тыш элде солтан болгъандан эсе, кесинги элде олтан болгъан игиди!
  • Ач бёрюге мекям джокъ.
  • Бёрю да ач къалмасын, эчки да ашалмасын.
  • Ач, тоймам, дейди, тойгъан, ач болмам, дейди.
  • Къая джолда джортма, ачыкъ сёзден къоркъма.
  • Къонакъ аман болса, къонакъбай джунчур
  • Ата Джуртуму башы болмасам да, босагъасында ташы болайым.
  • Джиби бир къат джетмей эди да, эки къат тарта эди.
  • Джаханимни кёрмей, джандетге кёл салмазса.
  • Ауругъаннга – кийик саулукъ, джетген къызгъа – чилле джаулукъ.
  • Келинни – келгинчи, бёркню кийгинчи кёр.
  • Эл бла кёргенинг эрелей.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 2 3 4 5 ... 112 След.
Ответы
 
#51
Джаратама0
10.09.2007 19:31:10
Эль Халед, къайдаса, мени нек унутдунг?
Сапар Ёзден. Тырны- Аууз.
 
 
 
#52
Джаратама0
10.09.2007 20:20:11
Салам Алейкум! Унутмагъанма, хар неда эсимдеди, иш кёп болгъандан бери аз киреме. Айтханымы бир кесек замандан этерге кюреширме.
 
 
 
#53
Джаратама0
10.09.2007 22:43:20
Эль Халед
Саламынг узакъ болсун, къууандым.Мен да аман тюлме, амырым иги
бола башлагъанды. Къач келе болур, тау башлада тубан балала чап-
джорт эте башлагъандыла.Къысхасы - джазар заман башланады;кёк
да, асыры чууакъдан, джанда макъамланы къозгъайды.....
Джерде да, Кёкде да эсен тюбешейик.
Басханстан. Сапар Ёзден.
 
 
 
#54
Джаратама0
13.09.2007 00:42:48
Сафар,сени манга биринчи анам эштдиртген эди.Гитчерек болур эдим,алай хазна къулакъ салмагъан эдим.Болгъанлыкъгъа,тынч ауазынг енюнг да эсимде къалгъанды.Заманла терк етдюле.Жырла тынгылагъан кезиуюмде сени "Жанкъозла" деген жырынга "жолукъдум".Уллуракъ эдим.Тыш отоудан анам къобуп келип Сафармыд жырлагъан деп сорду.Тюз кеси деп жууапладым.Анамы келю кетюрюлдю.Ауазын бираз къошчу деп да тиледи.
 
 
 
#55
Джаратама0
13.09.2007 00:49:14
Сени жырынг аны жашаууну бир иги кезиую бла байламлы болур эди, баям.
Кесимда бираз къыл къобузгъа тартынгвнма.Аны ауазына сени ауазынг бла бир иги келишеди.Бирси жырчыланы ауазларынданда айырмалыды.Ауазынгы бир тюрскелиги адамны къайгъысын чачаргъа уллу эсеплик этеди.
Жырларынг да терен болгъанлыкъгъа ангылашыныулудула.Алада Дунияны,адамланы араларында болгъан сюймекликни ариулугъун чертесе.
 
 
 
#56
Джаратама0
13.09.2007 00:54:16
Сени бла тюбешип,музыканы,дуния болумланы юсюнден да ушакъ бардырып сени кез къарамынгы сорургъа уллу муратымды мени.
Аллах айтса,мени сартын,тюбешиу алдады.
Сау бол! этген шумушунгдан къууан!
 
 
 
#57
Джаратама0
13.09.2007 16:21:50
MaxImus, Салам! Кёб джаша, письмонгу алыб къууандым. Меннге алай
бтр сый бергенинг ючюн сау бол.
Бюгече тюшюмде бир бек джылагъан эдим. Джукълаялмадым, туруб,
терезеден таула таба аралдым,бирини башында булутчукъ уйюб эди.
Тура- турдум да былай джаздым. Джазылгъанны уа Сенге атайма.

Мен бу джерде кёб тёкдюм
Сагъыш эм кюлкю.
Ай мунда бир кёб кёрдюм,
Тюнюн хар тюшню.

Мен ач болдум кёб кере,
Тоюм да кёрдюм.
Кёзюуде, кече келе,
Кёкге да ётдюм.

Чагъыр да иги ичдим,
Намаз да къылдым.
Ой джыр сёз да кёб тиздим,
Болуб бир салкъын.

Джашайма бу тау тарда,
Таб тюлдю кюнюм:
Сагъышымча, энтда да,
Тёгюлед кюлкюм.

Тюбешсек,керти кёлюм бла къууанныгъыма Аллах шагъатды.
Джаз. мен да кёб зат джазарыкъма. Басханстан. Сапар Ёзден.
 
 
 
#58
Джаратама0
13.09.2007 16:25:14
так название темы смешно оформлено, что можно подумать - Сапар Узденов - кисломолочный продукт))))
 
 
 
#59
Джаратама0
14.09.2007 12:03:36
Сау бол, Сапар!Кертисин айтханда,мени жазгъаныма жууап берликсе деп да турмай эдим.Бютюнда атайлап, назму къурагъан.Бек хычыуун керюнеди.Мындан арыда,кеп жылланы жашап,бизни да,аналарыбызны да къууандыра,бийик муратларынга жете жашарча Аллах онг берсин!
Уллу хурмет эте
MAXIMUS
 
 
 
#60
Джаратама0
14.09.2007 13:00:00
Highlight
Те кому обращено название этого топика поймут что и для чего, единственное забыл написать "для любителей творчества Сапара Узденова", а глупым не называй, ведь умный промолчит а глупый съязвит не в обиду братишка
 
 
 
#61
Джаратама0
15.09.2007 00:32:11
с удовольствием сижу и слушаю песни Сафара но интересно а новые песни у него есть если что то упустила извините!
 
 
 
#62
Джаратама0
15.09.2007 00:46:03
Сапарсизни жырларыгъызны сабийлигимден бек сюеме
 
 
 
#63
Джаратама0
15.09.2007 11:59:11
Салам, Эльбрусоид! Ангылагъан адамгъа,-бек кёб иги иш этесиз, кёб джашагъыз! Биргеме окъугъан орус джашла звонит этселе, сизни ишигизни бек махтайдыла. Не затны юсюнден да иформация барды,дженгил табылады. Мен Москвада окъугъан сагъатда, тёрт-беш къарачайлы бир джерде джыйылсакъ да,халкъыбызны юсюнден эркин сёлешалмай эдик. Быллай заман келликди деб кимни акъылында бар эди.
Мики, мени джангы джырларым Къарачайгъа, Малкъаргъа да талай джылгъа джетерикдиле. Джаздырама десем ачха табмайма.Сау заманымда запись этиб къойсам а иги боллукъ эди. Ичкен сагъатда,
Сапар сени ючюн джан берликбиз дейдиле,экинчи кюнюнде прима сигарет да алаллыкъ тюлсе аладан. Былай бла кёб бараллыкъ болмазма. Мен ёлгенден сора кимге керекди мени джазгъаным. Ол себебли, кърым татарлылагъа не да бир башха тюрк къралгъа кетерге огъайым джокъду.Алай да этерик болурма. Игилик этеме десенг, бирер идиот чырмау болмай къалмайды. Телевидение,радио,изательство халкъгъа ишлемейди,везде кума-кумушкады чот. Аллахдан къуру муну тилейме,- меннге бир мотовездеход бла бир иги фотоаппарат бер,-деб.Тауну теренине-ташасына кетерим келеди. Сора былай айтмай къалай этгин;

Бу джыр хазнам не болур ташайсам джерден.
Джакълыкъ эте ким къорур
Шайтандан - джинден.

Кюрешдим халал джашаб, джаза ойюмну.
Джарлыгъа алгъыш джасаб,
Излей тоюмну.

Кюрешдим халал джашаб,сыйлаб ийманны.
Бетсизге кюнлей къайнаб,
хыртдалай ханны.

Кёзюуде кемсиз джана, бирде бир сабыр,
Ойюла джюрек джара
Къурадым минг джыр.

Бу джыр хазнам не берир,манга не халкъгъа?
Ёлюмню заман кенги
Сынатыр артда!

Мен айтханны тюз ангылагъыз. Эсен тюбешейик.
Басханстан. Сапар Ёзден.
Барыгъызны да къаты къучакълайма!
 
 
 
#64
Джаратама0
15.09.2007 15:09:29
Бютюнда жаным къыйналды!! Адам саулукъда болушлукъ бермеи теребизге ушап барады Аллай жаланда бир тилегим Малкъар жанына келирге умут этсегиз сез береме камерагъа жазып битеу жангы жырларыгъызны бизни сабиилерибизда абадан болгъанларында жырларынгы танырча этерге сюеме! онгума келгенча это безвозмездно и просто и из поклонению вашему таланту!!! хо десегиз телефонуму адреснида жазарма!
 
 
 
#65
Джаратама0
16.09.2007 01:53:52
Мики,ненча джырым барды сенде? Къарачайдан 20 джырымы алгъанма да, аланы ийейим сеннге деб соргъанлыгъымды. Ким биледи,Малкъар таба барыргъа да болурма, адресинги телефонунгу ийсенг къууанныкъма. Мени адресим: Тырныауз.тел: 4-59-69.
Уллугъа-гитчеге да менден Салам бер. Эсен кёрюшейк!
Сапар Ёзден.
 
 
 
#66
Джаратама0
16.09.2007 03:20:00
КИМ ЧАЧСЫН МЕНИ САГЪЫШЫМЫ
Ким чачсын мени сагъышымы,
Къатымда мыдахды бир адам,
Атымы айтып ахсынаса,
Жыламукъ агъады мыйымдан.

Ким чачсын мени сагъышыммы,
Бу адам менден кетеди,
Чыммакъ акъ сыйлы насыбымы
Къап-къара боран элтеди.

Ким чачсын мени сагъышымы,
Жазыугъа бойсунмайды жюрек,
Ким чачсын мени сагъышымы,
Кёк да тюйюлдю манга бюгюн кёк.

Ким чачсын мени сагъышымы,
Жарсыудан да жокъду шапагъат,
Юзгенге мени къанатымы,
Чыкъмасын ёмюрюнде къанат.
 
 
 
#67
Джаратама0
16.09.2007 05:40:51
Просто гениальный певец и копозитор!
 
 
 
#68
Джаратама0
16.09.2007 08:06:13
еще бы песен его новых записать и книжку со стихами издать
 
 
 
#69
Джаратама0
23.09.2007 13:03:19
Шат
бир онг болса селеширге кюреширме! Нальчикде телефонум 44-60-18
 
 
 
#70
Джаратама0
25.09.2007 18:39:02
Мики, Салам! Эсен болурса деб ышанама.Мени да джокъду хатам,боллукъду джашаргъа.Бюгюн туугъан кюнюмдю,Яндекс мени алгъышлады.Джашауда не тюрлю затла кёрсем да,разыма несине да,бюгюнюме сау джетдирди.Къыблада нарт таула сюеледиле,аланы тамашалыкъларын сеземе. Алай эсе, нек мыдах болургъа керекме?
Эль Халед да,Сен да меннге таукеллик берген адамласыз,сизге да Насыб, Рахатлыкъ, Акъ Къууанч теджейме.
Кели бу заманнга а сау-эсен джетейик!
Сапар Ёзден.
 
 
 
#71
Джаратама0
25.09.2007 18:49:20
Шат Туугъан кюнюгюз бла алгъышлайма,Аллах этген иги муратларыгъызны къолугъуз бла тутарча,кёзюгюз бла кёрюрча этсин, не игилик бар эседа...ол дуниядада....бу дуниядада берсин,бу сыйлы айда къабыл этсин тилеклеригизни эм сизге айтылгъан алгъышланы!!!
 
 
 
#72
Джаратама0
30.09.2007 15:02:24
Эль Халед, Салам! Иги ауазы, не да, орусча назму джаза билген джаш адам биле эсенг, билдир,болушургъа кюреширикме.
Сапар Ёзден.
 
 
 
#73
Джаратама0
10.10.2007 13:36:00
Шат
Болсун, аллай кёргеним болса билдириме сенге.
EL_HALED
 
 
 
#74
Джаратама0
14.10.2007 12:34:36
Салам,Эль Халед! Алан,къарнаш мени ючюн къыйнадыла дейме.
Андан уллу къыйынлыкъ Аллах бермесин.
Форумда алай даулашхан джерде,кертисинде уа иги сермешген болурсуз.Мени да табалар ючюн къалмадыла.(междустрочное чтение)
Кесекден,кёб затны юсюнден,джарашдырыб джазарма.
Эсен бол! Тюзню ашы тюзде къалмайды!

Бу сёзлени уа саугъагъа ал.

Башымы джыргъа уруб
Мен эс да тешдим.
Ёмюрге ёрге учуб,
Сёзюн да эштдим.

Дагъы да неле эштдим,
Неле кёрдюм мен.
Кёблени бошха кечдим,
Джауну этдим тенг.

Бу бары да бош затла,
Тюз этсенг оюм.
Алдагъы Ёлюм джолда,
Андады оюн.
Тёзген тёшню ашайды,керти сёздю бу.
Эсен кёрюшейик. Тырны-Аууз. Сапар Ёзден.
 
 
 
#75
Джаратама0
23.10.2007 10:36:27
Эль Халед,САЛАМ! Эсен болурса деб ышанама.Мени да джокъду хатам
Таба баргъан дагъы да излей эди дегенлей,Сенден энтда тилер затым барды.Орус тенглерим построчный переводларымы излейдиле,мени уа,
тюзюн айтханда,орусча сёз байлыгъым къарыусузду.Сестра да,Къанамат да Сен да бир онушар назмуму построчникле этерге мадарыгъыз боллукъмуду?Кеслерине да менден Салам айтырса.

Бу тизгинлени уа Сестрагъа атагъанымы билдир.

Ташайды аргъы джаннга,
Кетди ай кёзден.
Бокъланды къара къаннга
Бютеу кёрюннген.

Алай а ма чынг башда,
Тёрюнде кёкню,
Ачылса булут ара
Кёреме Кёзню.

Эсен тюбешейик! Сапар Ёзден. Тырны-Аууз.
 
 
 
Страницы: Пред. 1 2 3 4 5 ... 112 След.
Читают тему (гостей: 10)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.