Войти на сайт
5 Сентября 2026 года

 

  • Эри аманны, къатыны – аман.
  • Душманны тышы – акъ, ичи – къара.
  • Насыблы элин сюер, насыбсыз кесин сюер.
  • Бал чибинни ургъаны – ачы, балы – татлы.
  • Хар адамгъа кеси миннген тау кибик.
  • Туз, гырджын аша, тюзлюк бла джаша.
  • Тилчи бир сагъатха айлыкъ хата этер.
  • Бёрю да ач къалмасын, эчки да ашалмасын.
  • Тенгинг джокъ эсе – изле, бар эсе – сакъла!
  • Уллу сёзде уят джокъ.
  • Таш ата билмеген, башына урур.
  • Къайгъы тюбю – тенгиз.
  • Ишни ахырын ойламай, аллын башлама.
  • Ачыу алгъа келсе, акъыл артха къалады.
  • Хансыз джомакъ болмаз.
  • Къартны сыйын кёрмеген, къартлыгъында сыйлы болмаз.
  • Юйюнг бла джау болгъандан эсе, элинг бла джау бол.
  • Халкъны джырын джырласанг, халкъ санга эжиу этер.
  • Къан бла кирген, джан бла чыгъар.
  • Ата Джуртуму башы болмасам да, босагъасында ташы болайым.
  • Ачыкъ джюрекге джол – ачыкъ.
  • Иги – алгъыш этер, аман – къаргъыш этер.
  • Кюн кёрмеген, кюн кёрсе, кюндюз чыракъ джандырыр.
  • Узун джолну барсанг, бюгюн келирсе, къысха джолну барсанг, тамбла келирсе.
  • Акъыллы айтыр эди, акъылсыз къоймайды.
  • Игиге айтсанг – билир, аманнга айтсанг – кюлюр.
  • Ишге юренсин къоллары, халкъ бла болсун джоллары.
  • Тюзню ётмеги тюзде къалса да, тас болмаз.
  • Арбаз сайлама да, хоншу сайла.
  • Ашлыкъны арба юйге келтирир, чана базаргъа элтир.
  • Ишленмеклик адамлыкъды.
  • Къарны аманнга къазан такъдырма, къолу аманнга от джакъдырма.
  • Кёзю сокъурдан – къоркъма, кёлю сокъурдан – къоркъ.
  • Ашыкъгъан cуу, тенгизге джетмез.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Эллинг бла джау болсанг да, юйюнг бла джау болма.
  • Бермеген къол, алмайды.
  • Иги болса, тамадама – махтау, аман болса, меннге – айыб.
  • Махтаннган къыз, тойда джукълар.
  • Эл элде бирер малынг болгъандан эсе, бирер тенгинг болсун.
  • Таш бла ургъанны, аш бла ур.
  • Чалманны аллы къалай башланса, арты да алай барады.
  • Билимден уллу байлыкъ джокъду.
  • Адамны джюреги нени кёрюрге сюйсе, кёзю да аны кёрюрге ёч болады.
  • Адам туугъан джеринде, ит тойгъан джеринде.
  • Джаным-тиним – окъуу, билим.
  • Киштикге къанат битсе, чыпчыкъ къалмаз эди.
  • Биреу къой излей, биреу той излей.
  • Экеулен сёлеше тура эселе, орталарына барыб кирме.
  • Эшекге миннген – биринчи айыб, андан джыгъылгъан – экинчи айыб.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 14 15 16 17 18 ... 112 След.
Ответы
 
#376
Джаратама0
18.04.2009 11:04:37
Джаз мычыды,таулада, энтда, тубан къалынды.Адамланы бет ышанлары, хауа болум кибик, джарыкъ тюлдю.
 
 
 
#377
Джаратама0
18.04.2009 17:07:35
ШАТ
мени Нальчике келиринги сакълайма...
 
 
 
#378
Джаратама0
18.04.2009 23:07:39
Багъалы Мики, Салам! Иги болурса деб,ышанама.
Эсимдесе,унутмагъанма,келир ыйыкъда,Аллах айтса,барлыкъ болурма.
Биргеме сурат зат аллыкъмамы,аны бир билдирирсе.
Юйде,уллугъа-гитчеге да, менден Исси Салам бер.
Бу назмум да сенге саугъа болсун.

Джай келди, джазалмайма бир зат.
Кёрюрюм да келмейд къагъытны.
Нек болдум, басханча минг азаб,
Нем барды, болурча къайгъылы?

Джер юсю болду эсе джашил,
Мен да, болайымчы башхаракъ.
Тюл шойду дуния эси джахил,
Тюл шойду джашау атлам асхакъ.

Джай келди. Ата джурт аламат.
Тау башда, тюзде да берекет.
Зауукъда, бир кенг джайыб къанат,
Мийикде бир къуш да сюзюлед.

Эсен кёрюшейик. Басханстан. Сапар Ёз.
 
 
 
#379
Джаратама0
19.04.2009 02:55:37
жюрегиме салдынг рахат....Сау бол!
суратланы да жаш заманынгдагъыланы ала кел
 
 
 
#380
Джаратама0
20.04.2009 01:06:37
Салам, Фатима! Джаш замандан хазна сурат болмаз,табханымы алыргъа
кюреширме.
Эрикгенинг болса, бу назмулагъа да, бир эс бёл.

***
53
Талай джылдан, талай джыр бла мен джанымда
Келген эдим тансыкъларгъа джерими.
Биягъынлай, энтда чыкъдынг сен аллыма
Джууа эди джыламугъунг бетинги.

Талай джылдан, талай джыр бла мен джанымда,
Келген эдим ийнакъларгъа кёгюмю.
Ой билмейем сарнарынгы сен аллымда,
Чачылгъанын кетген джылда юйюнгю.

Талай джылдан, талай джыр бла мен джанымда,
Келген эдим, салам берге, саулагъа.
Сени кёрюб, джан сер болуб тамагъымда,
Джарыкъ кёз бла къарамадым таулагъа.

Талай джылдан, талай джыр бла мен джанымда,
Ой, келсем да, ата джуртха, ашыгъыш.
Джашлыкъдача, энтда сенсе сагъышымда,
Менден кетиб, къалай болдунг насыбсыз.



***
54
Сен ёсмесенг кёзлерими бешигинде,
Сен болмасанг кёзлерими баласы,
Джокъламазед ариу макъам ингиримде,
Бюгюндеча болмаз эдим мен ашхы.

Сен ёсмесенг кёзлерими аязында,
Сен болмасанг муратымы азыгъы,
Джин- шайтан да джашар эди акъылымда.
Хар неден да безер эдим асыры.

Сен турмасанг кёзлерими теренинде,
Илеш болсанг менден эсе башхагъа.
Ой не дерсе ёлюм кюнню эртденинде,
Джете туруб соруу берге Аллахгъа.


***
55
Къолумда олбир къолум джатады,
Къыз бла джаш джатханча орунда.
Ма, энтда, джангы тангым атады,
Ма, бир къыз да барды къойнумда.

Джел кесин ары - бери булгъайды,
Къоркъурлай, сууукъду ма эшик.
Мияланы къач джауум джууады,
Мияла баргъанчады эриб.

Отоуда уа, тура да, джандетди,
Джарыкъдан эслиди къарангы.
Не келсин, джандет да менге кепди,
Джашауну таб тюлдю баргъаны.

Сагъышда, айтама, къайтара да;
Кенг алам да тарды джаныма.
Дуниямы къачы, къышы, джазы да,
Джангылыкъ къошалмайд ангыма.

Джукъуну эси менден узакъды,
Узакълай кесимча джуртума.
Джурт десем, кёлюм а мени акъды.
Акъды ой, бу къызча къойнумда.

Тепсимде толуду чагъыр не да.
Бошуна мен некме джазыкълай.
Саума мен, чагъыр, оюн да, мен да-
Бары Сен, Сен кёб джаша былай.


***
56
Элибизде, бюгюнлюкде, джетиб заман,
Уллу шукур этедиле Къурманнга.
Аллах кечсин, бола эсе ишим заран,
Мен киргенме гяур къыз бла оруннга.

Бусурманны эрши кёрмейд кяфыр джастыкъ,
Ушатдырад керти затны ойюннга.
Ата джурту сансыз этген таулу джашчыкъ,
Тарыгъады джашау джолун къоюннга.

Аралгъанды къабыргъадан Мона Лиза,
Айыб эте Къурман кюнде кечеме.
Бусурман да, ой гяур да тюлбюз биз а,
Насыблыбыз къалгъанладан минг кере.

Джылайдыла джарсыу джырла джюрегимде
Артыкъсыз да къутургъанды ?Алгъышым ?
Тюшгенликге акъджал къызгъа мен джесирге,
Таулу къызды узакъ джолум - сагъышым.

Саулай саным, тюшюб бары тузлу терге,
Кефли болуб, кефли къыз бла джатама.
Кеч Аллахым, таб къоюннга, гяур этге,
Тил учум бла Сюймеклик деб джазама.

Элибизде, бюгюнлюкде, джетиб заман,
Уллу шукур этедиле Къурманнга.
Ой билеме, мен болсам да бюгюн джаман,
Къайтырыкъма джуртум бла Къураннга.


***
57
Алгъынлайса,
Турад, энтда, ачха къолда джюрегинг.
Чангкъылдайса,
Чангкъылдайды сени кибик юйдегинг.

Сиз байсыз,
Сохтагъыз да джырнагъыз да ачхадан.
Джашайсыз,
Бу барысы келгенди деб Аллахдан.

Аллах а,
Хар бергенин сынар ючюн береди.
Артда уа,
Бергенича, Ол алгъан да этеди.

Тюзлюк бла,
Алгъындача, арагъызда минг ёмюр.
Тюлкюлюк бла,
Джандырасыз къара халкъны сиз кёмюр.

Джашырма,
Мен кёреме джашауунгу чюйресин...
Джарсыйма,
Аллынгдады, ачха ючюн, кюйеринг.

***
58
.
Ууалдым,
Ууалдыла джыргъа хазыр бир сёзле.
Джулдузум
Гытды болуб, доб деб тюшдю къатыма.
Джазыуум,
Ауур болду, ауур болду джаныма.

Мийиклигим, кенглигим да бузлады.
Сюймеклигим, джашлыгъым да ууалды.
Энди менге кёк тюбюнде насыб джокъ.
Не ачыед, тилинг атхан, ма, ол окъ.

Бузладым,
Бузладыла муратларым джюрекде.
Ууалдым,
Ууалдыла макъамларым джер- джерде.
Джулдузум
Джансыз болуб къачхы хансда джатады.
Къурудум,
Къарамымда къара шынкъарт джанады.

Тентирейме, тентирейди кючлю Джер.
Тюз тёпбеден къаты ура хыны джел.
Назик джаным солумайды онгу джокъ.
Не ачыед, тилинг атхан, ма, ол окъ.


***
59
Мен сюйгенле, барысы да, эрдедиле.
Мен аладан, ала менден бир узакъ.
Ала менге бюгюнлюкде кимледиле?
Джашлыкъдача, ай тюлдюле дууадакъ.

Бир заманда, ёле эдим, ала ючюн,
Хар бирерин этген эдим бир мёлек.
Ай башхады бюгюнлюкде назик кёлюм,
Энди мени бек сюйгеним Джер бла Кёк.

Бириси да керек тюлдю менге энди.
Аман - иги теджемейме алагъа.
Мени кёлюм алам ичге тереннгеди,
Сюймеклигим, энди, къуру Аллахгъа.


***
60
Тёгерегим, тургъаныча, къуру къаргъа.
Чаукала да, толудула, сен ийнан.
Сора тенгим, къайдан болсун атлам алгъа,
Къуру джауду кёзюм кёрген къыйырдан.

Мен къуш тюлме, адам тюлме, мен поэтме.
Андан болур, бууалмайма аланы.
Мен была бла дауур эте, ой, безгенме.
Керек эди бир айырлыкъ араны.

Тюзлюк мени сюйе эсе, кесек, аз- маз,
Бирер джырым бирер бала табарла.
Мен билеме, былай бла кёбге бармаз,
Джыр балала джауларымы къабарла

Басханстан. Сапар Ёз.
 
 
 
#381
Джаратама0
21.04.2009 12:00:54
Тауладан тубан чачылды,ийнанмагъан,кел да, кёр.Кёрюрсе,къалай ариу джылтырайдыла ёмюрлюк чыранла.
 
 
 
#382
Джаратама0
29.04.2009 02:00:05
ШАТ,сакълайбыз
 
 
 
#383
Джаратама0
15.05.2009 02:30:24
Ким биледи Сапардан хапар?
 
 
 
#384
Джаратама0
17.05.2009 01:25:12
мики,сени да джокъмуд хапарынг Сапардан?
 
 
 
#385
Джаратама0
19.05.2009 17:12:35
Дуния, огъай, алай аман да тюлдю;
Тийеди кюн, джарыкъды джарыгъы.

Сапар Ёзден. Басханстан.
 
 
 
#386
Джаратама0
29.05.2009 18:23:26
Келир заман болады.
Сапар Ёзден
 
 
 
#387
Джаратама0
31.05.2009 03:57:44
ШАТ
Дуния, огъай, алай аман да тюлдю;-аманды аман
 
 
 
#388
Джаратама0
03.06.2009 21:26:18
никак не могу найти песню С.Узденова"..кюндюзле кетелле,кечеле келелле... "
 
 
 
#389
Джаратама0
03.06.2009 21:27:48
желательно да же слова этой песни...
 
 
 
#390
Джаратама0
03.06.2009 21:31:42
heeeeeeeeeeelp
 
 
 
#391
Джаратама0
04.06.2009 01:39:11
qqq,эх,ты ...вот текст:

Кюндюзле кетелле,
Кечеле келелле.
Кече да кетеди танг белги берсе.
Мен а, не кеталмай,
Не, мында туралмай,
Ашырыб барама заманны терсге.

Джашауум джарыкъды,
Хар нем да ашхыды.
Алай а узакъды менден биреулен.
Кюндюз да, кече да
Мен ачы тилейме;
Аллах сен айырма ол къызны менден.

Таулада, ма бюгюн,
Кюн ариу болурму.
Таулада, ма бюгюн, ол болур эсен.
Мен а Москвадама,
Пивбарда турама.
Нёгерим да джокъду, кесим бла ма мен.

Тансыкъдан ёлеме.
Джыр анга шагъатды.
Кесекден барлыкъма мен сени таба.
Башхагъа алданма,
Бетинги сен сатма.
Бедишлик, билесе, джюрекге къама.-это здесь же ,на 5-ой странице!!!
а вот адрес этой 5-страницы:
http://www.elbrusoid.org/phorum/index.php?action=v thread&forum=2&topic=3964&page=4#msg872279
 
 
 
#392
Джаратама0
05.06.2009 00:03:04
Салам!
Келгенме,энтда бир айны ушакъ этерге хазырма.
Басханстан. Сапар Ёзден.
 
 
 
#393
Джаратама0
05.06.2009 00:56:00
Китабны андан арысы.

61
Джангы джашау тилемейме мен Аллахдан,
Хатам джокъду, джауады да джабалакъ.
Къутулгъанча, ауур басхан, бир хатадан,
Мени джаным джабалакълай бюгюн акъ.

Тюз айтама, керек тюлдю кёзбау насыб,
Мыдахлыкъ да, керекмиди, эй, меннге.
Ёлмегенме, не, сау тюлме, неге айыб,
Сукъланмайма, джаны саугъа, ёлгеннге.

Бир зауукъду, кёрюнмейди къара сыфат.
Джашлыгъым да, къартлыгъым да ташада.
Мийик кёк а, ёмюр ичден, къарла къуяд,
Эй Аллахым, энчи макъам, хар къарда.

Джангы джашау тилемейме мен Аллахдан,
Кишиден да, тилемейме, мен, бир зат.
Мени кёзюм тоялмайды джазгъы къардан,
Мени джаным, джабалакъча, бюгюн акъ.

***
62
Кюндюз- кече энгишгеди, хаман, Къобан.
Белгилиди, барлыкъ джолу - тенгизи.
Ай, мени уа, чыгъармагъан сагъыш отдан,
Бир тюрлюдю джазыууму элтиую.

Тургъаныча джоргъа атды, бир къарасанг.
Кесекден а, джол къоратыу, ызгъады.
Кёзюуде ау, сагъыш ичде мен аджашсам,
Ол азды деб, кече, таргъа джыйады.

Алыб къачса тыялмайма, джетмейд кючюм.
Тохтамайды, тирелмейин, ма, джаргъа.
Джазыууму манга тюшген ауур джюгюн,
Ой ким айтсын, чыгъа барыб, Аллахгъа.

Келишмейле, не эсе да, джан бла джазыу.
Аралыкъда, уллу джаннган, шайтан от.
Ай, да сора, къалай болсун, ёрге барыу,
Бошалмагъан, бу, не затды, ма, бу, чот.

Кюндюз- кече энгишгеди, хаман, Къобан.
Белгилиди, барлыкъ джолу - тенгизи.
Ай, мени уа, баргъан джолум сагъыш тубан.
Тубанда уа, несин кёргюн игини.

***
63
Биреу къарда, биреу джелде, кёред Заман.
Заманны уа, тюрленмейди, чырт джугъу.
Ким биледи, бармы - джокъму анга Адам.
Адам неди, тууду - ёлдю, ол букъу.

Биреу джырлай, биреу джылай, кёред Заман.
Заманны уа, бёлюнмейди, джукъусу.
Биреу арыкъ, бюреу семиз, бирси джалан.
Адам неди, тууду - ёлдю, ол букъу.

Биреу тууа, биреу ёле, кёред Заман.
Заман бирча, туруб турад кёлю токъ.
Биреу тели, биреу ашхы, бирси аман.
Адам неди, тууду - ёлдю, сора джокъ.

Иги джашча, хар сёзюмю, эсде, тут да,
Джашауунгу, хар джолчугъун, эркелет.
Сагъышлагъа, эм тереннге сыртны бур да,
Хар муратгъа, атламынгы, таукел эт.



***
64
Булгъанмайды, сени кёрсе, энди, кёзюм.
Абынмайма, алгъын кибик, мен джыргъа.
Мен ол тюлме, къатыракъды энди тёзюм,
Сагъышларын баш тёкмейди джастыкъгъа.

Анда- мында къонакъ болсанг сен тюшюме,
Сукъланмайма, алгъын кибик, эринге.
Керекмиди, кёрюнмегиз, сиз, кёзюме,
Мен терс тюлме, кесинг кетдинг терсинге.

Булгъанмайды, сени кёрсе, энди, кёзюм.
Мен башхама, мен сюрмейме кетгенни.
Белляуумча, узакъдады, сенден, кёлюм,
Бол къаллай да, къашымайма джелкеми.


***
65
Джаз келсе да, чагъалмайды бир муратым,
Адам шойма, умутлума, хар затдан.
Дуниялыкъны нек кёрмейме мен къууатын,
Нек тюрлюме, туугъан кибик къайгъыдан.

Дуниялыкъны нек кёрмейме мен къууатын,
Ой, немди да, чюйре баргъан, насыбха.
Харам тюлдю тер бла келген сыйлы ашым.
Сансыз тюлме, ёксюз джанга, джарлыгъа.

Харам тюлдю тер бла келген сыйлы ашым.
Кишини да, оймагъанма, мен, кёгюн.
Хар кимчады, Тейри, мени джашагъаным.
Башха кёзню, джылатмайды, ма, кёзюм.

Хар кимчады, Тейри, мени джашагъаным,
Артыкъ затны, излемейме, Аллахдан.
Джаз келсе да, нек чакъмайла муратларым.
Кимге соргъун, кимим айтыр, ачыкъдан.



***
66
Туугъан элим, сен энтда да бир сагъышлы.
Джаз чилледе, ушамайса, сен, джазгъа.
Кёгюнгде да, боз булутла бир къайгъылы,
Бири - бирин, хазырдыла, таларгъа.

Келгенликге тансыкъ алгъа мен джуртумдан,
Къарайма да, берир затынг мыдахлыкъ.
Алай ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа, излемейме, мен, намазлыкъ,
Намазлыкъны, эм игиси, джуртумду.
Сен барлыкъда, сынамайды джаным ачлыкъ.
Санга, кёлюм, сенден эсе, уллуду.

Биягъынлай, ма тамбла да, джолум тюзге.
Мен да, энтда, ашхы джолгъа барайым.
Сен, къайдан да, эсен къайтар, Аллах, юйге.
Мен, кёрюме, баба джуртда, джатайым.



***
67
Салам сизге, сын ташлары, Ата джуртну.
Салам сизге, къыбыладан шималдан.
Энтда сизни бир бек басыб ёмюр джукъу,
Энтда шошсуз сиз барыгъыз къыйырдан.

Салам сизге, сын ташлары, Ата джуртну.
Айтыллыкъны айталмайма, джетмей тил.
Къайсынгы да, тенгден басыб ёлюм букъу,
Сюелесиз, ма, сир къатыб, бир сейир.

Салам сизге, сын ташлары, Ата джуртну.
Салам, сизге, келир кюнден, эскиден.
Сиз - ёмюрлюк, ой, не затды, Адам улу,
Бери джортад, турур - турмаз бешикден.

Басханстан. Сапар Ёзден. Мени соргъанлагъа Салам беригиз.
 
 
 
#394
Джаратама0
05.06.2009 02:04:21
В студенческие годы мой друг часто пел песни Сапара под гитару, кстати говоря, не хуже самого автора)) и нам нравились песни..
Не понимали смысл одной песни, которая называется "Тургъаныча турсун таш агъач", вернее слова "Джангы джыл тилейме сен сакъла", как можно просить у "Нового года"?
 
 
 
#395
Джаратама0
05.06.2009 02:21:28
Не понимали смысл одной песни, которая называется "Тургъаныча турсун таш агъач", вернее слова "Джангы джыл тилейме сен сакъла", как можно просить у "Нового года"?
Albert
Тебе не понять, ты не жил при Советской власти, если даже и застал, то не самые "строгие" годы. Сапар как-то в форуме объяснял, что в оригинале было "Аллах, тилейме, сен сакъла", но из-за режима он поменял на "Джангы джыл, тилейме, сен сакъла." Хотела скопировать ответ Сапара сюда, но не нашла(.
 
 
 
#396
Джаратама0
05.06.2009 02:27:46
ШАТ,
 
 
 
#397
Джаратама0
05.06.2009 03:19:36
Почтальон
Ладно, я не застал строгие времена советов.
Но уже прошло почти 20 лет, как нет той власти,
можно ведь было перепеть.. мне кажется надо лучше ту песню заново спеть и новый вариант поставит на сайт музыкального раздела Эльбрусоида, а старый вариант убрать из раздела.
 
 
 
#398
Джаратама0
06.06.2009 01:44:57
Багъалы Альберт,сен биринчи адам тюлсе аллай сорууну берген,тюз айтаса. Ол джыллада (1977) Аллахны атын джырда айтханны къой,
Джанкъозлада, гюнахлыкъ этген эдим, деген сёзню, кючден ётдюртген эдим. Назмуда, джырда да къойчула бла дояркаланы махтаб турсанг,
китабланы кирпич къалаула этиб,партияны иги адамларыны бирине саналлыкъ эдинг. Мен ол къауумдан тюлме,аны блады Къарчастанда кесиме бир орун табмагъаным.
Эсен бол!
 
 
 
#399
Джаратама0
06.06.2009 23:12:15
ШАТ,китабны андан арысын сакълайбыз
 
 
 
#400
Джаратама0
07.06.2009 14:04:03
Салам!
Тюшюмде эди,бир адам менден бугъуб айлана эди.

Билдирмейсе тюз хапар
Джашырма да айт
Ой мен да ма ол къадар
Айтырма бир зат.

Бу сен этген не сууаб
Къача бер менден
Нени да кёрюб турад
Къарагъан кёкден

Ой олду оноу этген
Ышаныу анга
Буйюрса,таша джерден
Чыгъарса манга

Боллукъну мен билмейме
Шыйых тюлме мен
Артыкъ зат излемейме
Кёкден эм сенден.

Эсен кёрюшейик. Сапар Ёзден. Басханстан.
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 14 15 16 17 18 ... 112 След.
Читают тему (гостей: 7)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.