Нннн
бусагъатда ищи къатыды,как только освободится секретуткасы позвонит и
,вот тогда все ему передам,и в устном и в письменном виде...

Нннн
хо,джанынга

Нннн
хы...

Сапар УЗДЕНОВ
(переводы с карачаевского)

Переводы Ольги ВАЛЕНЧИЦ

***

Горит
Светлее, чем луна, моя свеча.
Искрит
Твой лик, воображенье горяча.

Слезой
Стекающей тоска омыла ночь.
Змеёй
Объяла пустота ? дышать невмочь.

Где ты?
Нашла ль замок ? закрыть печали лаз?
Как ты?
Хоть окна одари свеченьем глаз.

Горит
Светлее, чем луна, моя свеча.
Горчит
И каплет в руки воздуха печаль.

Ах, он ?
Последний вздох любви ? не превозмочь.
Лишь стон:
За что же счастье улетело прочь?

***

К вершине зимней шёл я как во сне,
Забыв о мёртвых и живых на свете.
К весне спускался конь ? навстречу мне,
Во всаднике твои черты заметил...

Щеки приветствий не коснулась ты,
В моих глазах тоски не разглядела.
Тобой владела молодость листвы,
Весенним солнцем наливалось тело.

Я пеший ? ты гордилась скакуном,
На стужу и тепло пути смотрели.
Я не страдал, поскольку знал о том,
Кого настигнет жалость о потере.

Переводы Елены КАРЕВОЙ

***

САПАР УЗДЕНОВ
Перевод с карачаевского


***
Вершиной горной, троном изо льда
Моё сознанье стало навсегда, -
Там горе спит, заледенев в крови.
А из безбрежной синей пустоты
Горящий глаз взирает с высоты
И льёт поток божественной любви.


И ночью, и за ней встающим днём,
И даже в помешательстве моём,
Душе корона горя тяжела.
Но в грозный час суда, на небесах,
Оно собой на роковых весах
Уравновесит груз добра и зла.

(перевод Игоря Мельникова).

Салам, ННН ! Кесим да тансыкъ болгъанма джазаргъа.Бюгюн кесек арыгъанма,тамбла, эскериб,кёбюрек джазаргъа кюреширме.
Эсен бол!
Басханстан. Сапар Ёзден.

***
72
Джашлыкъ кюнню муратыны аякълары
Берч болгъалла излей- излей джолунгу.
Мундан ары, къалай болур, атламлары,
Ай, болубма, мен бу затха, къоркъуулу.

Менден къачма, джокъла мени уялма да,
Бу дуниянга, олбирге да, сууабды.
Къайдагъыгъа, бир телиге, сукъланма да,
Эслеб къара, сенге керек, туурады.




***
73
Былай айтдым, мен кесиме, кетген кече
Таныдым деб, сууукъну да джылыуун.
Къауумлача мен джанымы урмай кепге,
Башхаладан узакъ болду учуум.

Къауумлача мен джанымы урмай кепге,
Сукъландырдым мен тюшюмю тюнюме.
Мийикледен ала билиб джыр сюрюуле,
Мен халкъымдан алгъыш табдым юйме.

Мийикледен ала билиб джыр сюрюуле,
Ангыладым, сагъыш кючню багъасын.
Уча берчин таулу джаным хаман ёрге,
Къарма, чучху зибил кёкню аркъасын.

Уча берчин, таулу джаным, хаман ёрге,
Къарай берчин ёмюрлюкню башындан.
Къауумлача сен джанынгы урма кепге,
Эркинликди, эркин этген къайгъыдан.



***
74
Ой, не къадар, джити эсе, къарам, ёрге,
Сагъышда уа джер тюбюнед джашлгъым.
Ой, не къадар, джити эсе, къарам джерге,
Ма, ол къадар, ёрге учад, алгъышым.

Мийикде да, теренде да, боллукъ бирди,
Биринде да манга илеш джокъду джукъ.
Туугъан эсенг, ёллюгюнг да белгилиди,
Насыб неди, сакълай эсе, ма, джокълукъ.

Сорууума, керти джууаб, кимим берсин.
Бузла, эри, ахыр джолунг къабыргъа
Туугъанла да, ёлгенле да, бирер мискин,
Къайсы барды, кёмюлмезлик, ахыргъа.


***
75
Джуртуму сюйеме хар къуру да.
Мен мунда тууама джангыдан.
Джашасын, джини да, обуру да,
Таш-агъач, туугъан да къарындан.

Джашасын джини да, обуру да,
Айнысын ма бу джерде алгъыш.
Юйресин джалан да, къолтукълу да,
Бир бошха къыйнамайын сагъыш.

Юйресин джалан да, къолтукълу да.
Бу джерде къарышмасын заман.
Адетлей келсинчи хар боллукъ да,
Джуртума келтирмесин заран.


***
76
Сагъыш этчи, терен кёкню джокъду учу.
Ол, не затды, сен бир кёргюз кёзюнге.
Нечик кёргюн олсагъатда къалгъан джукъну,
Бюртюк болад джулдуз сюрюу кёлюнге.

Учсузлукъдан уллу болур джокъду бир зат.
Анга кёре джан сагъыш да гитчеди.
Я Аллахым, ангыларча, манга, бир айт.
Учсузлукъну, магъанасы, шо, неди.

Энди, менден, эсни алгъан, буду къуру.
Башхаракъды учсуз кёкге алгъышым.
Учсузлукъдан, не кёрлюкдю, Адам улу,
Сёз табмайды, ма, бу затха, акъылым.

Салам, ННН. Не эсе да,Почтальон тюшгенди эсиме.Аны кёрген бар эсегиз менден бир
Исси Салам беригиз. Эль Халед бла Темирчиге Салам бергенге да ра-
зылыгъымы билдиреме.
Мики, сен а къайдаса,эсен болурса.


***
77
Мен билмейме къайдагъысын Джангы Джылны.
Бу, керти деб, бералмазма мен джууаб.
Къайдан билгин сен джашауун сейир къышны,
Ой, мен билген, къары аны чыммакъ акъ.

Къайдан билгин сен джашауун сейир къышны,
Джашай болур иймей заман бошуна.
Тура болур омакъ джасай Джангы Джылны,
Джулдузладан мынчакъ тизе бойнуна.

Тура болур омакъ джасай Джангы Джылны,
Баргъан джери кёрюр ючюн махтаулу.
Айта болур джау боллугъун джазгъы джылы,
Къууанч берсе, къууанныгъын хар таулу.

Айта болур джау боллугъун джазгъы джылы,
Сен, джакъ бол деб, акъылманнга, телиге.
Таугъа барыб, сыйын атма таулу сырны
Огъур болгъун джарлы юйде тепсиге.........

Мен билмейме къайдагъысын Джангы Джылны.
Ой, мен билген, къары аны чыммакъ акъ
Джетер - джетмез, агъартады къара къырны,
Къалгъаннга уа, табалмайма мен джууаб.






ННН-нге,насыб теджей.
***
78
Бир таууш келеди менге джел бла,
Келгеннге ушайды ол кёкден.
Тюнюмде джатхан кибик ёлген бла,
Джыламукъ агъады джюрекден.

Сагъышым а, бюгюн, ма джергеди.
Агъачха, ташха, эм Аллахгъа.
Не къалды, кетер заман джетеди,
Бир кетсем, къайтырмамы артха.

Эй, алай а, джер джерлей турлукъду,
Тууарыкъла, бюгюнча, кёбле.
Джашаугъа къайсы да баш урлукъду.
Туугъанла,боллукъла ёлгенле.

Джашауну сюйеме мен кёлюм бла.
Ол да, ма, сюйеди адамлай.
Къатышсам башха джерде ёмюр бла,
Джырымы айтырмы Къарачай.

Къарачай джашын джандан къурутмай,
Джырчыменг деб, айтырмы кёзюуде.
Джанымы, джауумса деб, джунчутмай,
Джашаргъа къойармы кёгюнде.

Бу таууш къалкъый да, эштиле да,
Келгеннге ушай да кёкледен,
Башымы сагъыш бла эсирте да,
Бир затла джаншайды ёргеден.





***
79
Джууады джангур хансланы,
Джууады кёкню хауасын.
Ой, мен да тюйюб къашланы
Болубма джангур тюбде сын.

Сизде да джауады джангур,
Билеме, этесе ах - ах.
Уллуду, анда да, дауур,
Ойгъанча кёкню, ма, Аллах.

Ойнайла кёкде джарыкъла.
Ойнайла къууа бир ? бирин.
Сенге бла менге, ангыла,
Теджейле тангны бирлигин.

Сени джастыкъдады эсинг,
Сансызса менге джауумгъа.
Джангур а, къара, къудретин
Аямай тёгед джашаугъа.

Эс азды, хо, сора джукъла,
Бугъун сабийлей кечеден.
Джукъну да санам джукъгъа.
Санар кюн джетер кесекден.

Кёб турмай болсанг ма эсли,
Джангур кюн къалсанг кесинге,
Табалмасанг ол кюн мени,
Джыларса джауун бла бирге.

Эсен тюбешейик. Сапар Ёзден. Басханстан.



***
80
Булутла артхалла джабагъы,
Семизден сыйынмайла кёкге.
Кёз къарам сюйсе да аланы,
Эслиди эс, талпымайма ёрге.

Энди эс, къара топракъ, сенге.
Кёр мени, ачыбма джюрекни.
Джол алсам а бир кюн ёлюмге,
Хар затым, билеме, сеники.

Туугъанлы, хар нем да сеники,
Туумай да сенде эди саным.
Эм аллы, хар не да джерники,
Болмай сан, келирми да джанынг.

Бергенинг, алгъан затынг да кёб.
Кесинги энчиди къадарынг.
Билмейме, неми сакълайды кёк,
Мен билген- сендеди джатарым.

Булутла артхалла джабагъы,
Семизден сыйынмайла кёкге.
Кёз къарам сюйсе да аланы,
Эслиди эс, талпымайма ёрге.

Къаллай иги заманла бар эдиле,ол кёзюуге Джашлыкъ дейдиле.

...Душу иссеченную в пивнушку
Отведи,как лошадь под уздцы,
Ты,душа моя,паришь над сушью,
Иль как сука вошь на цепи.

Рвитесь струны..или жилы,нервы..
Всё- паскудство,низость да порок.
И от жизни этой - ты ли первый -
Нищей- прозреваешь как пророк.

Вынырнешь из тошноты и рвоты,
На носу-"полтинник".Глядь-поглядь,
След простыл,растаял-кто ты?что ты?-
Тишь и гладь,да божья благодать.

Пусть душа пластается от горя,
И под кайфом плещется в вине...
Есть в душе живой всего по горло,
И причин достаточно вполне......

Перев. И.Стрельца.

Келликме.


***
81
Бир шошду джауун кюн тийрем,
Кёчгенча бютеу джамагъат.
Мени да кюнюм кёлтюрем,
Хар кюн сайын ма аманнгад.

Джазыу, буйюрса да кёбню,
Эталмайма мен айтханын.
Бирде джандырса да кёлню,
Бирде танытад табанын.

Шо, некди сейир къадарым.
Джайда мен болама сууукъ.
Къышда бир иссиди джаным,
Болгъанча отха мен туудукъ.

Къайдады, къайдады зауукъ,
Эштемиди ол сёзюмю.
Бюгюн да джан джылауукъ,
Ойгъанча, элия кёгюмю.

Шошду джауун кюн тийрем,
Кёчгенча бютеу джамагъат.
Джангур а джукъ къоймай менден,
Джанымча ашыкъмай джылайд.

Салам!
Китабны баргъаны юзюлмесин деб,Джанкъозланы джангыдан джазама.
Бу китабда джылай-сарнау кёб болгъанлыгъына,джазмай болмайма,эсиме кёб затны салгъанлары ючюн.Ол заманда бир бек къыйналгъан сезимлериме энди кюлген да этеме.


***
82
1
Сабийликде быллай джазда бир джел кече,
Джаз алагъа болгъан кюнде сау ыйыкъ,
Мен джукъладым келир кюннге сагъыш эте.
Тюшюмде да, неле кёрдюм, къарайыкъ.
2
Тюшюмде уа кёрген эдим мийик къала,
Минги тауча, тиреу болуб баш кёкге.
Къатында уа чыпчыкъ толу сыйдам тала,
Джанкъозлары джетер эди сау элге.
3
Ол талада тура эдим мен аммам бла.
Бере эдим джанкъозланы саугъагъа.
Джарыкъ эди сабий джюрек, ма, аламча.
Къонакъ эди бир нарт кючю санлагъа.
4
Бир ол къача, бир мен къача, талай заман
Биз ойнадыкъ зауукъ чеге талада.
Ой, джокъ эди, ма ол джерде бизге заран.
Ай, не келсин, тюш бошалды алайда.
5
Тюшден сора, джукъу келмей турдум ёрге.
Танг джарыгъы кириб эди элиме.
Къарт адамча сабыр къарай тёгерекге,
Чыкъгъан эдим сагъыш басыб эшикге.
6
Кесекден а бара эдим эшек юсде.
Мектебим да, устазым да эсден тас.
Бир заманда къалды элим ёзен тюзде,
Тёгерегим ханслы тала эм агъач.
7
Тала тюзде мен ойнадым тюшюмдеча,
Эртден чыгъы тамчы бола айакъда.
Ой, тюл эди хал деген да юйюмдеча,
Аллай джазны кёралмадым мен артда.
8
Эшегими джюген юсю къуру джанкъоз.
Мангылайы, джалкъасы да джанкъоздан.
Къарагъаннга кёрюнмезед энди ол боз,
Кесим кибик, джашнай эди омакъдан.
9
Толу эди къанат къакъгъан чегет тюзде
Ариу эди кенгден келген хар булут.

-2-
Кёк ичине, сабий джаннга нюрюн бюрке
Сейир эди, ма ол кюнде, бютеу джурт.
10
Хурджунлада,къолларымда, къолтугъумда,
Тургъаныча джанкъоз эди хар джерим.
Келе эдим Кюн Бетини мен джолунда,
Джити къарай Минги таугъа кёзлерим.
11
Джата эди тау элим да кенг ёзенде,
Чагъыб эди хар тийреси къурмачлай.
Ариу эди ата джуртум, ма, ол кюнде.
Минг джандетден ариу эди Къарачай.
12
Эштилдиле бир заманда кёб тауушла.
Эшегим да къулакъларын тирелтди.
Кёрюндюле алай анда къыз джаулукъла,
Мени кёзюм бёрклеге да илинди.
13
Уялсам да, олсагъатлай къайры букъгъун?
Чегет таба къарайма да джол ёрге.
Эшекни уа тау джолундан къайры бургъун,
Джолдан буруу, бургъанчады ёлюмге.
14
Эл сёзюмю этмесин деб джаным чыгъа,
Юсню - башны мен тебредим ариулаб.
Тер баргъаным джетер эди талай айгъа,
Неда болсун, башламадым мен джылаб.
15
Тёгерекге, бир кесекден мен къарасам,
Сау кыласым тура эди къуршалаб.
Устазымы кёзюнде уа кёрдюм къарам,
Болумума къарай эди ол бир таб.
16
Тенглерим а кюле элле бары бирден,
Кюле элле манга къарай, тутмай сан.
Эй, алай а, сорушдула устаз сёзден,
Сора мен да ыйлыкъмадым болумдан.
17
Джарашдырыб, айтдым хапар мен устазгъа,
Устаз айтды - джигит джашса, аперим,
Алай, ёзге, тюз айтсанг а халны манга,
Не ючюндю былай омакъ эшегинг?

18
Джанкъозла уа къарт ананга ариу саугъа,
Этген ишинг хар сабийге юлгюдю.
Сау къыралда байрам кюндю аналагъа,
Ой, алай а, эшек джасау кюлкюдю.
19
Аналагъа къалай этдинг тенг эшекни.
Таулулада эшек джасау джокъду чырт.
Керексизге бош кюлдюрме тенглеринги,
Иги джашса, эшек юсню терк джангырт.
20
Тенгчиклерим кюлселе да, мен а мыдах.
Этерим да келген эди хынычыкъ.
Ай, алай а, бералмадым анга джууаб,
Къараб эди мен бек сюйген бир къызчыкъ.
21
Ол тургъанлай джууаб этиу сора къайда.
Ол болгъанда къылыкъ деген менден тас.
Кёзчюклерин кёрюб къоюб мен алайда,
Бир кёб сёзюм болуб къалды тилден тас.
22
Джыламугъум тешик излей кёзлеримде,
Сабий эсим къышха кетиб джазгъыдан,
Тюрлю сагъыш тырнау тарта джюрегимде,
Къызчыкъ таба мен къарадым джангыдан.
23
Тюрсюню уа сары къачлай, мыдах эди.
Менлей кибик, хазыр эди джыларгъа.
Къарамы бла - иги джашса, чыда - деди.
- Насыб ючюн, юрен ? деди чыдаргъа.
24
Сабийле уа, думп болдула ары ? бери.
Кими ёрге, кими тутуб кёнделен.
Ол къызчыкъ а узаймайын менден кери,
Къараб эди, тюшген кибик мен кёкден.
25
Уллу къызча, кёл да берди талай бирни.
Эшекни да ол махтады талай бир.
Къайдагъысын билмей эдим мен тилими,
Тау артына кетиб эди менден тил.
26
Эсни джыйдым, алай болуб кёб турмайын.
Келди манга джазгъы кёкден кюч ? акъыл.
Сора анга, джанкъоз создум кёз джуммайын,
Къызыл бетин этиб къойдум мен акъсыл.
27
Къарай эди ол да манга кирпик къакъмай,
Къарй эди, эссиз кибик, бир тюрлю.
Къарай эдим мен да анга, бир да, къанмай.
Къарагъаным къанмаз эди ёмюрню.
28
Ой, эштешда, алай болуб кёбге бармад.
Акъсыл бети алгъын кибик къызарды.
Бергеними магъанасын ангыламад,
Джанкъозланы аякъ тюбге быргъады.
29
Теблей эди, тили чала, хар бирчигин.
Джанкъозла да джылай элле тауушсуз.
Ол кюн кёрдюм тиширыуну телилигин.
Ол кюн болду тиширыугъа джаным буз.
30
Къалды къызчыкъ эзе - эзе джанкъозланы,
Мен да кетдим адеж тутуб джюгенни.
Сабий эсим эрши кёрюб хар богъанны,
Джюрегими уллу бола кюйгени.
31
Юйде мени сакълай эди шамбет амма.
Кюн турушда мынчакъ тарта къалкъыуда.
Ол кюнлерим, шо, Аллахым, къайдадыла,
Амма къатыш джатадыла къабырда.
32
Келген эдим мен къатына артмагъым бла,
Мен аммагъа джанкъоз джопбу узатдым.
Тюбешдириб джанкъозланы къартлыгъы бла,
Къууанч эди, саугъам бла джылатдым.
33
Джылай эди бир да бузмай ышаргъанын,
Сылай элле джыйрыкъ къолла башымы.
Ой мени да, тубан эди сабий ангым,
Унутханем мен джогъуму ? барымы.
34
Джарлы амма ? сау бол ? деда башны сыла.
- Сау бол ? деда, ёмюр саулукъ ол тедже.
- Сау бол ? деда, манга къарай энтда джыла.
Кетди кюндюз, джетди энтда, ма, кече.
35
Тюненелей, джарыкъ эди джангы кече,
Джаз алагъа болгъан кюнде сау ыйыкъ,
Мен джукъладым келир кюннге сагъыш эте.
Тюшюмде да, неле кёрдюм, къарайыкъ.
36
Тюшюмде уа кёрген эдим мийик къала,
Минги тауча, тиреу болуб баш кёкге.
Къатында уа чыпчыкъ толу сыйдам тала,
Джанкъозлары джетер эди сау элге.
37
Ол талада тура эдим мен аммам бла.
Бере эдим джанкъозланы саугъагъа.
Джарыкъ эди сабий джюрек, ма, аламча.
Къонакъ эди бир нарт кючю санлагъа.
38
Арлакъда уа чаба эди къучакъ джайыб,
Тёгерекге къучакъ джайыб бир къызчыкъ.
Джашаудан да, Ёлюмден да болур айыб,
Уллу эди ол къызчыкъгъа сансызлыкъ.
39
Тюшюмде да эсли эди амма джарлы.
Ол къызчыкъны, къызы этиб, ба этди.
Ай, мени да башха болду сабий джаным,
Къууаннгандан булутлагъа ёрледи.
40
Арлакъда уа джорта эди тайхарчыгъым.
Чайнай эди джазгъы хансны балсытыб.
Кишиге да, бир затха да джогъед къайгъым.
Сан этмезем джер башласа джарылыб.
41
Ай, не келсин, кёб бармайла иги тюшле.
Кетедиле, терк келгенча, алай терк.
Кёргенликге биз аланы тер тёгюле,
Алада уа тюрленмейди, бир да, бет.
42
Тюннге къайтыб, эсни бёлюб, къарасам а,
Тереземден къарай эди манга ай.
Ёре туруб, таула таба кёз атсам а
Къарт анамлай ариу эди Къарачай.
43
Ай джарыкъдан ариу элле джанкъозларым.
Турсала да тилсиз болуб, тилсизча.
Къайда эди ол кёзюуде мени джаным,
Ангы джокъча, болуб эдим телича.
44
Эсим мени тохтамайын чырт бир затда.
Узакъ джорта, не да къайта ызына,
Кёз туурама алыб келди джууулдат да,
Къыз сюйеди тереземи тышына.
45
Алай эте, кёб турмайын мен таяндым.
Излей эдим мен тюшюмю ахырын.
Джукъладым да, ой, дагъы да мен уяндым.
Шууулдаед сагъыш джелде акъылым.
46
Излесем да, кёралмадым мен тюшюмю,
Мен кёрюрден кетиб эди ол узакъ.
Басыб эди тузлу тери сау юсюмю,
Болгъан кибик джай чиллеге мен тутмакъ.
47
Кетди заман, акгам мени джокъду джерде.
Аммамы да къартлыкъ кюню бошалды.
Сабийлик да нёгер болуб бир кюн джелге,
Эс джетмезлик узакъ джерге къорады.
48
Эшегим да талай джылдан топал болуб,
Суу ызында къобмаз кибик джыгъылды.
Гюнахларын сууабын да кёкге къоюб,
Шошлукъ излей джер теренге къысылды.
49
Ол къызчыкъ а, мени кибик, сауду энтда.
Ай, не келсин, бизде тюлдю ол келин.
Мен а анга, джуукъда да, узакъда да.
Сабий кюн бла бир бек келед келирим.
50
Ол къызчыкъ а, мен билеме, хо, алайды.
Джокъду амал, мыдах болмай джазгъыда.
Алайын а, ол керти да ангылайды,
Джанкъоз саугъа, кими берир джарлыгъа.
51
Ол къызчыкъ а, мен билеме, ай, джангылды.
Сабий кюнде бир бош этди ол алай.
Бюгюнлюкде андан меннге, ой, не къалды.
Джанкъоз джырым туруб- турад джашаулай.
52
Ариууна хар тишини налат болсун!
Кёзюуледе этген иши бир эрши.
Джукъ айырмай, кёбге созад тели къолун.
Барырындан башха болад, ма, эри.
53
Ол къызчыкъны бир кюн эри мал дохтурду.
Ыйыкъ кетмей, джангы эри арбачы.
Бир эри уа, тауукъ садха дирехторду.
Къара ? къызыл, эшек тюклю, ма, чачы.
54
Быдыр джауу, бир - бирледе, эки къарыш.
Бир - бирледе кёбге арыкъ ийнеден.
Кёзюуде уа къанчал бурну болад арыш.
Зукгу кёзле бир джут къараб теренден.
55
Мен кесим да, ой, турама алгъындача,
Акъылмандан, телиден да узакъма.
Кюрешеме мен джашаргъа табигъатча.
Джаз джашилме, къыш алада ма, акъма.
56
Шукур Кёкге, барад джашау кеси кибик.
Шукур Кёкге, джашлыгъымы джашадым.
Салгъынчынга ёлюм къолу джаннга кирит,
Эсим сауда, ма, бу затды джаншарым.
57
Къурман кюнде къурман болсун джаным мени,
Чалбаш Кёкг бла, халал джерни юсюне!
Къурман кюнде къурман болсун эсим мени,
Къарчастанны миллетине, юйюне!
58
Мен сюйгенча, сюйе эсенг, Джашау, мени,
Таулу джуртха болсанг эди сагъыракъ.
Бошха бузма таб джукъусун хар ёлгенни ,
Хар саугъа да буйюр джазыу табыракъ.
59
Сабийликде быллай джазда бир джел кече,
Джаз алагъа болгъан кюнде сау ыйыкъ.
Джукълагъанем мен тамблама сагъыш эте,
Табайым деб джанкъоз джыйыб мен насыб.
60
Энтда джукъла, келир кюннге сагъыш эте.
Келиб къалыр сабий тюшюнг алгъындан.
Тюшледе да, къайтыу адет, джашай эсе,
Сен джыйарса ариу джанкъоз джангыдан.










***
83
Кёргенимде мен джанынгда къайгъы ызны.
Кёргенимде аллай ызны мен менде,
Экибизге мен къурадым джангы джырны.
Джансын бу да джулдуз болуб джюрекде.

Экибизге мен къурадым джангы джырны.
Джырларма деб, тёзалмасам тансыкъдан.
Сен болмасанг къары неди омакъ къышны,
Джаз да неди, джаллау болмаз сагъышдан.

Сен болмасанг къары неди омакъ къышны.
Акълыгъындан табармамы мен зауукъ.
Кетсенг менден, не сакълайды, билчи аны,
Болур кюнюнг джангур кибик джылауукъ.

Кетсенг менден, не сакълайды, билчи аны.
Башха джаш бла, чагъармыса сен менсиз.
Тюшле кёрсенг, сен кёрюрсе бир адамны,
Тейри, ол да, ушар манга, бир кемсиз.

Тюшле кёрсенг, сен кёрюрсе бир адамны,
Джырлагъанын мыдах джырны бир къызгъа.
Джанынд

Ол заманда бир бек къыйналгъан сезимлериме энди кюлген да этеме.-тейри кебле болабыз алай,джырчы къарнаш,тюббе тюз айтса.