Войти на сайт
4 Сентября 2026 года

 

  • Ётюрюкню къуйругъу – бир тутум.
  • Биреуню эскиси биреуге джангы болмайды.
  • Тилде сюек болмаса да, сюек сындырыр.
  • Таугъа чыгъаллыкъ эсенг, тюзде къалма.
  • Биреуню тёрюнден, кесинги эшик артынг игиди.
  • Къазанда болса, чолпугъа чыгъар.
  • Тилчи тилден къаныкъмаз.
  • Биреуню къыйынлыгъы бла кесинге джол ишлеме.
  • Къартны сыйын кёрмеген, къартлыгъында сыйлы болмаз.
  • Ашлыкъ – бюртюкден, джюн – тюкден.
  • Рысхысына кёре, джаш ёсер, къышлыгъына кёре, мал ёсер.
  • Ётюрюкден тюбю джокъ, кёлтюрюрге джиби джокъ.
  • Юй ишлеген балта эшикде къалыр.
  • Узун джолну барсанг, бюгюн келирсе, къысха джолну барсанг, тамбла келирсе.
  • Алтыннга тот къонмаз.
  • Тенгни тенглиги джашай барсанг билинир.
  • Илму – джашауну джолу.
  • Бёрю да ач къалмасын, эчки да ашалмасын.
  • Болджал ишни бёрю ашар.
  • Тура эдим джата, къайдан чыкъды хата?
  • Дженгил джетерикме деб, узун джолну къоюб, къысхасын барма.
  • Къолунгдан къуймакъ ашатсанг да, атаны борчундан къутулмазса.
  • Бир онгсуз адам адет чыгъарды, деб эштирик тюлсе.
  • Иги сеники эсе да, сюйген кесимикин этеме.
  • Аман эсирсе, юйюн ояр.
  • Ачлыкъда тары гырджын халыуадан татлы.
  • Иши джокъну, сыйы джокъ.
  • Гугук кесини атын айтыб къычыргъанча, мен, мен деб нек тураса?
  • Тамырсыз терекге таянма – джыгъылырса.
  • Тёзгеннге, джабылгъан эшик ачылыр.
  • Къонакъны къачан кетерин сорма, къачан келлигин сор.
  • Айыбны суу бла джууалмазса.
  • Ачыу алгъа келсе, акъыл артха къалады.
  • Хата – гитчеден.
  • Ач да бол, токъ да бол – намысынга бек бол.
  • Эркишини аманы тиширыуну джылатыр.
  • Тойгъан джерге джети къайт.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Кёзю сокъурдан – къоркъма, кёлю сокъурдан – къоркъ.
  • Чалманны аллы къалай башланса, арты да алай барады.
  • Джангыз терек къынгыр ёсер.
  • Аууз сакълагъан – джан сакълар.
  • Орундукъ тюбюнде атылсам да, орта джиликме, де да айлан.
  • Джарлы тюеге минсе да, ит къабар.
  • Аджаллыгъа окъсуз шкок атылыр.
  • Байны оноуу, джарлыгъа джарамаз.
  • Аман адамны тепсинге олтуртсанг, къызынгы тилер.
  • Сёз – кюмюш, джыр – алтын.
  • Байлыкъ болгъан джерде, тынчлыкъ джокъду.
  • Ауругъан – джашаудан умутчу.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 17 18 19 20 21 ... 112 След.
Ответы
 
#451
Джаратама0
08.07.2009 12:34:29
***
85
Тюшлеримде мен кёрмейме сарыубекле.
Мен кёрмейме къала ишлеб кёкде мен.
Адамчама, ой сюрмейле къаргъай джелле.
Адам тилде сёлешмейди кёлекгем.

Мен кёрмейме толу болуб хурджун менде.
Алтын чабыр къабламайла аякъла.
Къара кеме чабдырмайма мен тенгизде.
Джылан болуб сызгъырмайла бутакъла.

Чырт кёрмейме дюлдюр болуб мен кесими.
Къумурсханы мен джекмейме арбагъа.
Шайтан джелден сакъламайма мен игини.
Алмасты бла мен кирмейме арбазгъа.

Тюшюмде да мен кёрмейме башха хайыр.
Кесиме деб мен джонмайма эскертме.
Кишиге да, бир затха да тюлме къайыр,
Эсим бирди акъыллыгъа эм кемге.

Кёргеним а, къулакъ салчы, мен айтайым.
Къой, десенг да, ой, мен айтыр ол буду:
Шо, къарачы, нюр бетлиди Къарачайым,
Джарыкъ кёгю джулдуз отдан толубду.




***
86
Джыламайма, джан тартмайма сен барса да.
Игид дейме, не тюрлю да, ма, джашау.
Мен тилейме, Аллах бла да, Адам бла да,
Мадар болуб, этме мени джукъгъа джау.

Мен тилейме, Аллах бла да, Адам бла да,
Сюймесенг да, сюеме деб, бир алда.
Сеникиди тёрт санным да, джан къарам да,
Сеникилле джюрек джазда макъамла.

Сеникиди тёрт санным да, джан къарам да.
Джанымы да мен къошайым къошакъгъа.
Келиучюнгча, джарлы менге, тюш арамда,
Сен кетмезден келсенг эди къонакъгъа.

Келиучюнгча, джарлы менге, тюш арамда,
Тюн ич бла да келсенг эди джарыкълай.
Джашнар эдим токълукъда да, ач къала да.
Джашнауумдан джашнар эди Къарачай.

Джашнар эдим токълукъда да, ач къала да.
Болмаз эдим дуния кибик мен тюрлю
Мен тилейме, Аллах бла да, Адам бла да,
Къой, сылама, сен, чюйреге тюгюмю.

Мен тилейме, Аллах бла да, Адам бла да
Мадар болуб, этме мени джукъгъа джау.
Джыламайма, джан тартмайма сен барса да,
Аламатды, не тюрлю да, ма, джашау.





***
87
Ара тюшюмде бир къарыш.
Къалама сени бла кесим.
Тюшде мен айтсам да алгъыш,
Тилсизди тюнде джюрегим.

Тилсизди тюнде джюрегим.
Мыдахды аны ургъаны.
Сагъыш къурутады эбин,
Билмейди ол къууанчны.

Билмейди ол къууанчны,
Билмейди неди насыб.
Ойма, ишлеб хунаны,
Къайрыса, сора, къачыб.

Къайрыса, сора, къачыб,
Барма, бошха, терсинге.
Келмейди чырт да насыб,
Къуймай терни бетинге.

Ара бир болсунчу джууукъ,
Кел да, къара сен бери.
Хаман турмам буйюгъуб,
Хир деб, къыстарма, Тейри.
 
 
 
#452
Джаратама0
09.07.2009 04:05:00
Ара бир болсунчу джууукъ,Кел да, къара сен бери.Хаман турмам буйюгъуб,Хир деб, къыстарма, Тейри. - эшта
 
 
 
#453
Джаратама0
09.07.2009 11:53:43
Салам,Къарачай!
Хир дегенни къой,андан ачысын да айтхан эдим.Мени сюймегенни мен нек сюйеме,анданмы итден туугъанма.

Къатыб къалгъын сен къымжалай
Эринги тюклю къойнунда............
Бизни къызлагъа ариу айтханынг ёмюрде да джарашмагъанды,анда-мунда орнуна сала турмасанг джарамайды.
Энди бир эки китабдан сора эштирсе мен алагъа не айтханымы.

Сапар Ёзден. Басханстан.
 
 
 
#454
Джаратама0
09.07.2009 16:39:46
разочарование...очень сильное...Мени сюймегенни мен нек сюйеме,анданмы итден туугъанма.-сиз сюе эсегиз,она,что обязана тоже Вас полюбить???Может ее сердце принадлежит другому?Вы такое не допускаете?
еще разочерование - Къатыб къалгъын сен къымжалайЭринги тюклю къойнунда............- бу уа не аман сыйсыз сезледиле?!Аманыбыз-игибиз,сыйлыбыз-сыйсызыбыз да бардыла,но,такое писать на всеобщем форуме,никому непозволительно(имхо)!
Бизни къызлагъа ариу айтханынг ёмюрде да джарашмагъанды,анда-мунда орнуна сала турмасанг джарамайды. - ни кто не имеет права "всех под одну гребенку"!
Энди бир эки китабдан сора эштирсе мен алагъа не айтханымы.-лучше не надо,не нужно всех разочаровывать!
 
 
 
#455
Джаратама0
09.07.2009 18:02:24
Аллах-Аллах,не чарлау этдинг.Не уа форумунг бла мени нек къоркъутаса........
.....лучше не надо,не нужно всех разочаровывать!
Сюйгенигизча этигиз,не аны ючюн ёлюб къаллыкъды дебми тураса.
 
 
 
#456
Джаратама0
09.07.2009 19:21:41
.......лучше не надо,не нужно всех разочаровывать!

Я не нежен. Не из вашей стаи.
И причастен тем лишь,что умру.
Время года: листья облетают.
Что им остаётся на ветру?

А потом лежат под толщей снега,
Превращаясь в тлен и перегной.
Жизнь скрипит как старая телега,
Не считаясь с Богом и со мной.

Потому,как прежде не мечтаю,
Ворошу холодные слова.
Сквозь скелеты листьев прорастает
Молодая вешняя трава.

Время года:ну ,конечно,лето.
Вновь на ветках новая листва.
Где те листья,где слова поэта?...
Что урчит в утробе естества?

Эсен кёрюшейик.
 
 
 
#457
Джаратама0
10.07.2009 02:28:28
ШАТ
 
 
 
#458
Джаратама0
10.07.2009 12:17:09
НННН, Салам! Иги болурса? Мени да джокъду хатам,кёресе комсомолкала бла даулашыргъа кюрешеме.
Тюнене бир иги джангур джауду,кёк алай джашнай эди,алай джашнай эди,элия чыкъырдагъан бла къалмай,булутланы да кюйдюре эди.
Бу китабны бошай эсем,биягъынлай зибил дуниягъа къайтама.

***
88
Джаллайма мен энтда узакъ,
Мунда да кёралмадым кюн
Табалмадым энтда джуаб,
Шо, нексе кёзге сен тютюн.

О, нексе кёзге сен тютюн,
Ой, нексе ушаш къаргъышха.
Бирде сен болсанг да джюзюм,
Кёзюу бла ушашса къышха.

Кёзюу бла ушашса къышха.
Бузлайды сенде къарамым.
Акъыл да чачынгча къысха,
Сейирди джеллей атламынг.

Сейирди, джеллей, атламынг,
Неге да эршиди къарам.
Эртден бла тузлуд саламынг,
Кече уа тузсузду салам.

Шо, нексе кёзге сен тютюн?
Табалмадым энтда джуаб.
Мунда да кёралмадым кюн,
Джаллайма мен энтда узакъ,




***
89
Джауады шимал къар кюшлю.
Ма, энтда джетгенме къышха.
Алай а, джаным бир тюрлю,
Кетгенди эсим бир къызгъа.

Кетгенди эсим бир къызгъа.
Джарыкъды джюрек чыракълай.
Къарлы джел ушайды джыргъа,
Къозгъайды джанны ол къызлай.

Къозгъайды джанны ол къызлай,
Къарны акълыгъы, къалыны
Сен, тамблам, агъарчы, къышлай,
Къурутчу, джолун къайгъыны.

Къурутчу, джолун къайгъыны,
Турса да, барсын бир кенгде.
Джокъла да, бир таб алгъынны,
Келтирчи меннге сен джелде.

Келтирчи меннге сен джелде,
Андан джуртумдан бир адам.
Бир кёбдю тансыкъ сёз менде,
Тансыкъ сёз да акъды къардан.

Джауады шимал къар кюшлю.
Ма, энтда джетгенме къышха.
Алай а, джаным бир тюрлю,
Кетибди эсим бир къызгъа.





***
90
Джашлыгъыма от тыгъаргъа бек ашыкъма.
Алайсыз да, толуд чурум джанаргъа.
Сенге кибик, хар неге да, мен артыкъма,
Мени къоймайд ма бу сагъыш джашаргъа.

Сенге кибик, хар неге да, мен артыкъма.
Къуру къайгъы, къараб тургъан туурадан.
Келе - кете, сансыз этиб бош джарсытма,
Джан арыбды чынгар кибик джанымдан.

Келе - кете, сансыз этиб бош джарсытма.
Эрикгенме келиуюнден джарсыуну.
Сынайма деб, сен кюнюмю къаты сыкъма.
Зугул созма тогъайлыгъын джашауну.

Сынайма деб, сен кюнюмю къаты сыкъма.
Сюймекликни сен чабдырма асмакъгъа.
Джашлыгъыма от тыгъаргъа бек ашыкъма.
Алайсыз да, толуд чурум джанаргъа.






***
91
Гюрюлдеб джанады шынкъартым.
Джан от да джанады чыкъырдай.
Джокъ болду, къайдады чыдамым.
Аллах, айт, неденме, мен, былай.

Бошалыр джанда да джанганым,
Кесекден, бу от да джукъланыр.
Къайрыды, эски бола, джангынг.
Хар нени сакълайды, ма, ахыр,

Кёк ачыкъ, джаналла джулдузла.
Мен салкъын, толуду сагъышым.
Джарыгъы, бюрке да соруула,
Гюрюлдеб джанады шынкъартым.

Эсен бол! Сапар Ёзден. Басханстан.
 
 
 
#459
Джаратама0
12.07.2009 04:54:39
gochamauha и все,

Просто послушаете песни в исполнении Сапара Узденова...и все станет ясно.
ШАТ,

Сапар,бек сау бол...башха сезле табалмайма...

 
 
 
#460
Джаратама0
13.07.2009 02:47:43
Хаджибий,
Сапар Узденов готовит к выпуску книгу со своими стихами.В скором времени (Аллах айтса) она увидит свет.В сборник вошли как старые,так и новые произведения(очень сильные по содержанию стихотворения хочу заметить).-еще какие сильные?!
 
 
 
#461
Джаратама0
14.07.2009 02:18:58
Салам!
Бир кесекден китабны андан арысын джазарма.Айтхан программангы джарашдырдым.
 
 
 
#462
Джаратама0
14.07.2009 17:05:04
***
92
Тюшде тюлдю, эштиледи, кече, меннге,
Джюрек къыйнай кёк ичинден бир кишнеу.
Тансыкъ болурол кишнеген биреуленнге.
Ким биледи, ким болгъанын ол биреу.

Тансыкъ болур ол кишнеген биреуленнге,
Излей болур, былай мындан, ийесин.
Эслемейме къулакъ ийген мен кишнеуге,
Ийиб болур, башха затха, халкъ эсин.

Эслемейме къулакъ ийген мен кишнеуге.
Бу таууш а, кюнден ? кюннге, уллуду.
Джаяу халда, чыгъалырмы, киши ёрге,
Мени сартын, менден, ол кюч, туруду.

Джаяу халда, чыгъалырмы, киши ёрге,
Къарайма да, кёралмайма, аллай, мен.
Кишнеу ийген, ашыкъдырма мени кёкге,
Бир кесекни, джигит болуб, чыда сен.

Кишнеу ийген, ашыкъдырма, мени кёкге,
Къонакъ болур кёб турмайын меннге кюч.
Олсагъатлай, джан атарма, мен, ёргеге.
Мен кетгенде чырт да къалмаз джер ёксюз.

Олсагъатлай, джан атарма, мен, ёргеге,
Ой, джетерме, къууанч эте, къатынга.
Къууанчымдан, къууанч кёче, тёгерекге,
Баш салырма, От Гемудам, джалынга.

Къууанчымдан, къууанч кёче, тёгерекге,
Мен айтырма Акъ джуртумдан минг хапар.
Сора, кетер, баш къайырыб, аты ёрге,
Танышыргъа, башха кёк бла, ма, Сапар.
 
 
 
#463
Джаратама0
14.07.2009 19:40:29
gochamauha
тюз айтаса..
 
 
 
#464
Джаратама0
15.07.2009 00:57:00
ариусёзгехоу
gochamauha

аныча жазалырмысыз?????? сиз аныча эки сёзни бирге къошуп да айталмасыз.......адам жашай келе сёзюда иши да тюрлене барады, эртеги назмуланы сёз сёзь чачхандан не магъана? Алай мында жазгъаныгъыз сизге жюрек тыншлыкъ къошса, жюрегим бла разыма.....бизге жазадыда биз, а окъуйбуз жаратабыз (имхо)!!!!!!
 
 
 
#465
Джаратама0
15.07.2009 15:39:15
Салам,Мики!
Шо,къайдаса? Юйде эсен болурсуз деб,ышанама.
Мени да джокъду хатам,Аллахгъа шукур!
Биреулен бла оноу этерге керек эди да, суратланы юсюнден джумушуму, аны бла тындыралмай турама.Бу эки кюнден, андан письмо алгъанлай, хапар билдирирме.
Сора, дагъы да, бир тилерим барды. Иги эгечимча, соруула да, энчи сайт къалай ачаргъа боллукъду, толу хапар бил бил.
Юйде, уллугъа-гитчеге да Салам бер. Эсен кёрюшейик!
Муну уа саугъагъа ал:

Микиге

Джулдузла джукълайдыла кюндюз
Бош алай, джарсыма алагъа
Саулары, кече джете, сёзсюз,
Алгъынлай алгъынча джанарла

Хар неде да барды бир кёзюу
Джанаргъа ма эмда джанмазгъа
Билмейбиз, негеди тюрлениу,
Алдагъы, къалгъан да ма артда

Бар болгъан хар не да алмашда
Бош затха бош этме сен сагъыш
Джюрюшдеди не да аламда
Чагъыу-чириу,дагъы да ма чагъыу.
 
 
 
#466
Джаратама0
15.07.2009 18:03:04
ШАТ
Cалам Сапар! Иги болурса Аллах айтса! Мики-ге берген соруунга жууап берге кюрешейим. Энчи сайт къураргъа болады тюрлю-тюрлю. Сёз ючюн биринчиси башха сайтны орнунда ишлерге болады кесинги сайтынгы, алай этсенг анга джукъда телемейсе - ачха жаны бла, алай сайтны атында эки ат болады. Сёз ючюн сайтны атына "Sapar" атайма десенг, сайтны уа "narod" сайтны орнунда ишлейме десенг, сайтынгы толу аты былай болады : Sapar.narod.ru . Бу болумну кесини игисида аманыда барды, игиси- алында айтханымча джукъда телемейсе атынада, сора материалла тургъан жеринеда (хостинг). Аманы - биягъылай атында эки аты болады, объемы кеп тюлдю... Неда энчи кесинги сайтынгы этеме десенг аны атын регистрировать этесе(300-500р) сора хостинг ючюнда телейсе объемуна кере, хар ай сайын, эм да джыл сайын шайла телей тургъа керекди аз-маз. Алай этсенг сайтынгы аты Sapar.ru ,болукъду (ru орнуна башха этерге болады, орг, нет эм башхала.

Бу эки юлгюден сорада кепдюле мадарла, алай мен билип кебюсю быладан бирин этип кесине кереклисича кюрешедиле.....
 
 
 
#467
Джаратама0
15.07.2009 18:51:48
мики
"от великого до смешного один шаг" деб барды, кертда джаза билеме деб болгъанны болмагъаны да бир-бирине къатыштыргъан керек тюлдю.

Аллай сёзлени джарата эсегиз бир-биригизге ЛС-ге джазарсыз, бу форумну уа хар ким да окъугъан этеди, тюгел аллай сёзле уа былайгъа келишмейдиле..
 
 
 
#468
Джаратама0
16.07.2009 16:17:35
ариусёзгехоу
сау бол кимесенг да алай сени жазгъанынг бери ушап мен жазгъаныма ушамаймы къалды????? бек кёлдюрдюнг кёп жаша абери жазама десенга кесинг манга айтханынгы унутмаАллай сёзлени джарата эсегиз бир-биригизге ЛС-ге джазарсыз, бу форумну уа хар ким да окъугъан этеди, тюгел аллай сёзле уа былайгъа келишмейдиле..

Минг артыкъ назмусундан эки тапсызрыкъларын табып аны бла энди бери киргенни кёзлерине алып секир !!!!!мен политикадан не ангълаум барды???? къайдан??? бизге ол ахшылыкъ???? Сапарны битеу форумгъа критика этип бир уллу кишини ....личкасына жазып къойсанг не болукъ болур эди!!!!????Ол да алй назмусун кетерик да болур эди ...ким биледи

джарата эсегиз бир-биригизге ЛС-ге джазарсыз бу сёзлеринг бек терсдиле Аллахдан тилек этип турурма ......
Къараймада мында бир бирге акъыл юйретирик кёпдю....алай "делом доказывать надо" деп айтырчады, сау къал кимесенгда.....



ШАТ
айтханымча этерик затларым хар бирида эсимдеди, Аллах айтса муратыбызгъа жетербиз барыбызда
 
 
 
#469
Джаратама0
16.07.2009 16:32:22
gochamauha

tebe mozhet nravit`sya ili net, no..

tvorec, kak i lyuboi iz nas, ne lishen emociy... a takzhe sobstvennih slabostey i razo4arovaniy... po-moemu, on imeet na nih pravo
ne rasstraivaysya
 
 
 
#470
Джаратама0
20.07.2009 09:51:45
Салам,ННН! Салам,Мики!
Иги болурсуз деб,ышанама.
Мен да игиме, джайны игилигине кёб алгъыш этеме.
Не да иги боллукъду, Аллах айтса.
 
 
 
#471
Джаратама0
22.07.2009 17:18:13
Алагъа уа,билдир:
" Джарлыны, аллына аш келсе, бурну къанар"
Бу керти нарт сёздю.
 
 
 
#472
Джаратама0
28.07.2009 22:44:49
ШАТ,
Салам,Сапар!Кесинг къалайса?Кесинги сайтынг болса уа бек аламат боллукъ эди.
Не да иги боллукъду, Аллах айтса.-АЛЛАХ айтса!!!!!!!!!!!!!!!!!
 
 
 
#473
Джаратама0
07.08.2009 19:34:03
ШАТ,
Сапар,сакълайбыз джангы назмуларынгы
 
 
 
#474
Джаратама0
19.08.2009 14:41:43
Чапракъла агъар заман джетеди,джазарма энтда.
Алкъа кёбдю айтыллыкъ!!!!
 
 
 
#475
Джаратама0
31.08.2009 14:55:47
къайдасыз барыгъызда?
 
 
 
#
Джаратама0
 
 
 
Страницы: Пред. 1 ... 17 18 19 20 21 ... 112 След.
Читают тему (гостей: 6)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.