- Кёпюр салгъан кеси ётер, уру къазгъан кеси кетер.
- Элиб деген, элге болушур.
- Къыйынлы джети элни къайгъысын этер.
- Джангыз торгъай джырламаз.
- Джылар джаш, атасыны сакъалы бла ойнар.
- Тёрдеги кюлсе, эшикдеги ышарыр.
- Садакъачыны джаны – къапчыгъында.
- Алтыда кюлмеген, алтмышда кюлмез.
- Ашына кёре табагъы, балына кёре къалагъы.
- Айтхан – тынч, этген – къыйын.
- Юйюнг бла джау болгъандан эсе, элинг бла джау бол.
- Ашаса, ашамаса да, бёрюню ауузу – къан.
- Тойгъан джерге джети къайт.
- Кесинге джетмегенни, кёб сёлешме.
- Башы джабылгъан челекге, кир тюшмез.
- Тели турса – той бузар.
- Ёпкелегенни ашы татлы болады.
- Келгинчи, къонакъ уялыр, келгенден сора, къонакъбай уялыр.
- Керек ташны ауурлугъу джокъ.
- Аджашханны ызындагъы кёреди, джангылгъанны джанындагъы биледи.
- Тил – кесген бычакъ, сёз – атылгъан окъ.
- Бети къызарыучу адамны, джюреги харам болмаз.
- Ишлемеген – тишлемез.
- Ач бёрюге мекям джокъ.
- Урунуу – насыбны анасы.
- Бозанг болмагъан джерге, къалагъынгы сукъма.
- Мадар болса, къадар болур.
- Чыбыкълыкъда бюгюлмеген, къазыкълыкъда бюгюлмей эди.
- Азыкълы ат арымаз, къатыны аман джарымаз.
- Туз, гырджын аша, тюзлюк бла джаша.
- Ашхы адам – халкъ байлыгъы, ашхы джер – джашау байлыгъы.
- Айран ичген – къутулду, джугъусун джалагъан – тутулду.
- Байлыкъ тауусулур, билим тауусулмаз.
- Адамны аманы адамны бети бла ойнар.
- Экеулен сёлеше тура эселе, орталарына барыб кирме.
- Чомартха хар кюн да байрамды.
- Къар – келтирди, суу – элтди.
- Джашда акъыл джокъ, къартда къарыу джокъ.
- Къайгъыны сюйген, къайгъы табар.
- Биреуню эскиси биреуге джангы болмайды.
- Чомартны къолу берекет.
- Кюн – узун, ёмюр – къысха.
- Тик ёргени, тик энгишгеси да болады.
- Тюзлюк тас болмайды.
- Бастасын ашагъан, хантусун да ичер.
- Алим болгъандан эсе, адам болгъан къыйынды.
- Джангыз терек къынгыр ёсер.
- Ач отунчуну ачыуу – бурнунда.
- Билеги кючлю, бирни джыгъар, билими кючлю, мингни джыгъар.
- Огъурлуну сёзю – суу, огъурсузну сёзю – уу.
Для любителей творчества Сапара Узденова....
Ответы
|
Салам !
Джуртунгу бек сюйесе деб, меннге дай этедиле. Сора,Джуртну, башха тюрлю сюерге боламыды.. Басханстан. |
|
|
|
|
|
Салам !
Джуртунгу бек сюйесе деб, меннге дай этедиле. Сора,Джуртну, башха тюрлю сюерге боламыды.. Басханстан. Ас Салам, Пайгамбарны сёзю болганы да айтылады (хадис болмаганын айтканла да бардыла): ДЖанглыз Имам Раббани бле Мевлана ДЖелаледдин Руми'ни китапларындан хадис болганы джазылыймыш. "ДЖурт сюймеклик ийманданды." (vatan sevgisi imandandır) hadis-i şerifi, islam âlimlerinin en büyüklerinden ve ikinci bin yılın müceddidi olan imam-ı rabbani hazretlerinin, mektubat kitabının 155. mektubunda ve hümanistlerin bile sevdiği evliyanın büyüklerinden mevlana celaleddin i rumi hazretlerinin mesnevi'sinde vardır." http://www.itusozluk.com/goster.php/vatan+sevgisi+ imandand%FDr/sayfa/1 |
|
|
|
|
|
ШАТ
Салам Алейкум Сапар! Къалайса, саулугъунг игимиди? Айыб этме талай замандан бери селешмегеними... Не хапар джашауда! Е-Н. |
|
|
|
|
|
Алейкум Салам !
Игиме,джокъду хатам. Мени нек атыб кетдинг. Тынчлыкъмыды, кёрюнмегенинги чуруму неден болду. Кесингден бир хапар билдир. Бу эки кюнде меннге керек боллукъса |
|
|
|
|
|
Аллах айтса тынчлыкъды, алайа аманат, борч, иш-джумуш деген затла адамны замансыз этип къоядыла. Аллах сакъласын бир бирни атхандан, разы бол.
Мени къарыуумдан келгени этерме. |
|
|
|
|
|
Темирчини таныгъан бар эсегиз, менден Салам бир беригиз.
|
|
|
|
|
Читают тему (гостей: 11)