- Адамны артындан къара сабан сюрме.
- Аманны тукъумуна къарама, игини тукъумун сорма.
- Билими азны – ауузунда кирит.
- Бермеген къол, алмайды.
- Огъурлуну сёзю – суу, огъурсузну сёзю – уу.
- Ёлген эшек бёрюден къоркъмайды.
- Арба аугъандан сора, джол кёргюзтюучю кёб болур.
- Таш бла ургъанны, аш бла ур.
- Айыбны суу бла джууалмазса.
- Ойнай-ойнай кёз чыгъар.
- Хоншуну тауугъу къаз кёрюнюр, келини къыз кёрюнюр.
- Къызгъанчдан ычхыныр, мухардан ычхынмаз.
- Ётюрюкню башын керти кесер.
- Адам туугъан джеринде, ит тойгъан джеринде.
- Окъугъан озар, окъумагъан тозар.
- Насыблы элин сюер, насыбсыз кесин сюер.
- Кёлсюзден сёзсюз тууар.
- Шайтан алдады, тюзлюк къаргъады.
- Къобан да къуру да къобханлай турмайды, адам да къуру да патчахлай турмайды.
- Ётюрюк хапар аякъ тюбю бла джюрюйдю.
- Къонагъынгы артмагъын алма да, алгъышын ал.
- Берекет берсин деген джерде, берекет болур.
- Къазанны башы ачыкъ болса, итге уят керекди.
- Бозанг болмагъан джерге, къалагъынгы сукъма.
- Кёлю джокъну – джолу джокъ.
- Бир абыннган – минг сюрюнюр.
- Урама да – ёледи, сатама да – келеди.
- Тёрде – темир таякълы, къаяда – чыпчыкъ аякълы.
- Ётюрюкчюню шагъаты – къатында.
- Сабий кёргенин унутмаз.
- Сёлеш деб шай берген, тохта деб, сом берген.
- Уруну арты – къуру.
- Тюзню ётмеги тюзде къалса да, тас болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Джарлы эскисин джамаса, къууаныр.
- Онгсузну – джакъла, тенгликни – сакъла.
- Нарт сёз – тилни бети.
- Борчунг бар эсе, хурджунунга ойлаб узал.
- Атлыны кёрсе, джаяуну буту талыр.
- Кёл – къызбай, къол – батыр.
- Ёпкелегенни ашы татлы болады.
- Аманнга игилик этсенг, юйюнге сау бармазса.
- Ариу сёз – джаннга азыкъ, аман сёз – башха къазыкъ.
- Этек чакъмакълары баш джаргъан, сёлешген сёзлери таш джаргъан.
- Кесине гебен этелмеген, биреуге черен эте эди.
- Суугъа – таянма, джаугъа – ийнанма.
- Ач келгенни – тойдур, кеч келгенни – къондур.
- Ана къойну – балагъа джандет.
- Къартны бурнун сюрт да, оноугъа тут.
- Эм ашхы къайын ана мамукъ бла башынгы тешер.
Для любителей творчества Сапара Узденова....
Ответы
|
Салам !
Джуртунгу бек сюйесе деб, меннге дай этедиле. Сора,Джуртну, башха тюрлю сюерге боламыды.. Басханстан. |
|
|
|
|
|
Салам !
Джуртунгу бек сюйесе деб, меннге дай этедиле. Сора,Джуртну, башха тюрлю сюерге боламыды.. Басханстан. Ас Салам, Пайгамбарны сёзю болганы да айтылады (хадис болмаганын айтканла да бардыла): ДЖанглыз Имам Раббани бле Мевлана ДЖелаледдин Руми'ни китапларындан хадис болганы джазылыймыш. "ДЖурт сюймеклик ийманданды." (vatan sevgisi imandandır) hadis-i şerifi, islam âlimlerinin en büyüklerinden ve ikinci bin yılın müceddidi olan imam-ı rabbani hazretlerinin, mektubat kitabının 155. mektubunda ve hümanistlerin bile sevdiği evliyanın büyüklerinden mevlana celaleddin i rumi hazretlerinin mesnevi'sinde vardır." http://www.itusozluk.com/goster.php/vatan+sevgisi+ imandand%FDr/sayfa/1 |
|
|
|
|
|
ШАТ
Салам Алейкум Сапар! Къалайса, саулугъунг игимиди? Айыб этме талай замандан бери селешмегеними... Не хапар джашауда! Е-Н. |
|
|
|
|
|
Алейкум Салам !
Игиме,джокъду хатам. Мени нек атыб кетдинг. Тынчлыкъмыды, кёрюнмегенинги чуруму неден болду. Кесингден бир хапар билдир. Бу эки кюнде меннге керек боллукъса |
|
|
|
|
|
Аллах айтса тынчлыкъды, алайа аманат, борч, иш-джумуш деген затла адамны замансыз этип къоядыла. Аллах сакъласын бир бирни атхандан, разы бол.
Мени къарыуумдан келгени этерме. |
|
|
|
|
|
Темирчини таныгъан бар эсегиз, менден Салам бир беригиз.
|
|
|
|
|
Читают тему (гостей: 14)