- Чалманны аллы къалай башланса, арты да алай барады.
- Баш – акъыл ючюн, акъылман – халкъ ючюн.
- Тас болгъан бычакъны сабы – алтын.
- Ашха уста, юйюнде болсун
- Джаш къарыу бла кючлю, къарт акъыл бла кючлю.
- Кийиминг бла танылма, адамлыкъ бла таныл.
- Алим болгъандан эсе, адам болгъан къыйынды.
- Бермеген къол, алмайды.
- Кёлю джокъну – джолу джокъ.
- Тойну къарнашы – харс, джырны къарнашы – эжиу.
- Арба аугъандан сора, джол кёргюзтюучю кёб болур.
- Сакъалы текени да бар, мыйыгъы киштикни да бар.
- Эркиши – от, тиширыу – суу.
- Адам сёзюнден белгили.
- Атынг аманнга чыкъгъандан эсе, джанынг тамагъынгдан чыкъсын.
- Илму – джашауну джолу.
- Бир абыннган – минг сюрюнюр.
- Бир онгсуз адам адет чыгъарды, деб эштирик тюлсе.
- Къая джолда джортма, ачыкъ сёзден къоркъма.
- Ашхы тенг джолгъа салыр, аман тенг джолдан тайдырыр.
- Адам къаллай бир ишленмесе, аллай бир кесин уллу кёреди.
- Кирсизни – саны таза, халалны – къаны таза.
- Ёлюк кебинсиз къалмаз.
- Эринчекни аурууу – кёб.
- Хансыз джомакъ болмаз.
- Сютню башын джалагъан къутулур, тюбюн ичген тутулур.
- Билмейме деген – бир сёз
- Сагъыш – къартлыкъгъа сюйюмчю.
- Адеб джокъда, намыс джокъ.
- Арпа, будай – ащды, алтын, кюмюш а – ташды.
- Аджаллыгъа окъсуз шкок атылыр.
- Кёзню ачылгъаны – иги, ауузну джабылгъаны – иги.
- Бети къызарыучу адамны, джюреги харам болмаз.
- Чакъырылгъанны аты, чакъырылмагъанны багъасы болур.
- Билмезни кёзю кёрмез, этмезни къулагъы эшитмез.
- Айырылмаз джууугъунга, унутмаз сёзню айтма.
- Ойнай билмеген, оюн бузар.
- Мал кёб болса, джууукъ кёб болур.
- Келинин тута билмеген, къул этер, къызын тута билмеген, тул этер.
- Акъыллы айтыр эди, акъылсыз къоймайды.
- Ауругъаннга – кийик саулукъ, джетген къызгъа – чилле джаулукъ.
- Биреу ашаб къутулур, биреу джалаб тутулур.
- Чомарт бергенин айтмаз.
- От кюйдюрген, сау болса да, тот кюйдюрген, сау болмаз.
- Эрине къаргъыш этген къатын, эрнин къабар.
- Ачылгъан эт джабылыр, кёрген кёз унутмаз.
- Джарлыны эшигин махтагъан джабар.
- Къыйынлы джети элге оноу этер.
- Иги адам абынса да, джангылмаз.
- Эркишини аманы тиширыуну джылатыр.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 4)