- Иги сеники эсе да, сюйген кесимикин этеме.
- Сибиртки да сыйлы болду, кюрек да кюнлю болду.
- Кёзюнде тереги болгъан, чёбю болгъаннга кюле эди.
- Акъыл неден да кючлюдю.
- Къызгъанчдан ычхыныр, мухардан ычхынмаз.
- Эки ойлашыб, бир сёлешген.
- Татлы тилде – сёз ариу, чемер къолда – иш ариу.
- Миллетни бойну – базыкъ, аны бла кюрешген – джазыкъ.
- Адамны артындан къара сабан сюрме.
- Эр абынмай, эл танымаз.
- Садакъачыны джаны – къапчыгъында.
- Ёзденликни джайгъан – джокълукъ.
- Юй ишлеген балта эшикде къалыр.
- Рысхы джалгъанды: келген да этер, кетген да этер.
- Ауузу аманнга «иги», деме.
- Тилчи бир сагъатха айлыкъ хата этер.
- Къатын къылыкъсыз, эр тынчлыкъсыз.
- Ишленмеген джаш – джюгенсиз ат, ишленмеген къыз – тузсуз хант.
- Баш – акъыл ючюн, акъылман – халкъ ючюн.
- Ёлген ийнек сютлю болур.
- Тиширыусуз юй – отсуз от джагъа.
- Махтаннган къыз, тойда джукълар.
- Ашына кёре табагъы, балына кёре къалагъы.
- Джылар джаш, атасыны сакъалы бла ойнар.
- Бети – къучакълар, джюреги – бычакълар.
- Кийиминг бла танылма, адамлыкъ бла таныл.
- Ышармагъан – кюлмез, кюлмеген – къууанчны билмез.
- Чакъырылмагъан къонакъ къачан кетерин сормаз.
- Айыбны суу бла джууалмазса.
- Ата – баланы уясы.
- Ашда уялгъан – мухар, ишде уялгъан – хомух.
- Тил бла келеди джыр да.
- Иги адамны бир сёзю эки болмаз.
- Ачылгъан эт джабылыр, кёрген кёз унутмаз.
- Ач бёрюге мекям джокъ.
- Чоюнну башы ачыкъ болса, итге уят керекди.
- Баланы адам этген анады.
- Намысы болмагъанны, сыйы болмаз.
- Ашын ашагъанынгы, башын да сыйла.
- Эки элинги тыйсанг, джети элде махталырса.
- Кюл тюбюндеги от кёрюнмейди.
- Суу ичген шауданынга тюкюрме.
- Илму – джашауну джолу.
- Дуния аламаты сен эсенг да, игиме деб айтма.
- Ата Джуртча джер болмаз, туугъан элча эл болмаз.
- Суу кетер, таш къалыр.
- Кесине оноу эте билмеген, халкъына да эте билмез.
- Тойгъан джерге джети къайт.
- Уллу суу бла уллу ауруудан башынгы сакъла.
- Аууз сакълагъан – джан сакълар.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 4)