- Къолу уллу – асыу, аягъы уллу – джарсыу.
- Адамны аты башхача, акъылы да башхады.
- Тенгинг джокъ эсе – изле, бар эсе – сакъла!
- Билеги кючлю, бирни джыгъар, билими кючлю, мингни джыгъар.
- Ашына кёре табагъы, балына кёре къалагъы.
- Джарлы эскисин джамаса, къууаныр.
- Къарнынг къанлынга кийирир.
- Ач да бол, токъ да бол – намысынга бек бол.
- Аманнга игилик этсенг, юйюнге сау бармазса.
- Чомартха Тейри да борчлуду.
- Ашда – бёрю, ишде – ёлю.
- Аз сёлешген, къайгъысыз турур.
- Ашаса, ашамаса да, бёрюню ауузу – къан.
- Тёрде – темир таякълы, къаяда – чыпчыкъ аякълы.
- Билим насыб берир, билим джолну керир.
- Башда акъыл болмаса, эки аякъгъа кюч джетер.
- Хатерли къул болур.
- Арбаз сайлама да, хоншу сайла.
- Азыкълы ат арымаз, къатыны аман джарымаз.
- Къарт болгъан джерде, берекет болур, сабий болгъан джерде, оюн болур.
- Сёлеш деб шай берген, тохта деб, сом берген.
- Алтыннга тот къонмаз.
- От кюйдюрген, сау болса да, тот кюйдюрген, сау болмаз.
- Рысхы джалгъанды: келген да этер, кетген да этер.
- Хантына кёре тузу, юйюне кёре къызы.
- Акъыл сабырлыкъ берир.
- Сабыр джетер муратха, сабырсыз къалыр уятха.
- Ариу сёз аурууунгу алыр.
- Джол бла сёзню къыйыры джокъ.
- Тынгылагъан тынгы бузар.
- Джолунга кёре – джюрюшюнг, джагъанга кёре – юлюшюнг.
- Дууулдаса – бал чибин, къонса – къара чибин.
- Билимли ёлмез, билимсиз кёрмез.
- Къонакъ кёб келюучю юйню, къазаны отдан тюшмез.
- Башы джабылгъан челекге, кир тюшмез.
- Чакъырылмагъан къонакъ тёрге атламаз.
- Ёгюзню мюйюзюнден тутадыла, адамны сёзюнден тутадыла.
- Aдам боллукъ, сыфатындан белгили.
- Бек анасы джыламаз.
- Нёгер болсанг, тенг бол, тенг болмасанг, кенг бол.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хунаны тюбюн къазсанг, юсюнге ауар.
- Сакъалы текени да бар, мыйыгъы киштикни да бар.
- Аманнга да, игиге да оноусуз къатышма.
- Аман къатын алгъан, арыр, иги къатын алгъан джарыр.
- Орну джокъну – сыйы джокъ.
- Термилгенинги табмазса, кюлгенинге тюберсе.
- Джетген къыз джерли эшекни танымаз.
- Джаным-тиним – окъуу, билим.
- Артына баргъанны, къатына барма.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 1)