- Джерни букъусу кёкге къонмаз.
- Туз, гырджын аша, тюзлюк бла джаша.
- Ёгюзню мюйюзлери ауурлукъ этмейдиле.
- Суугъа – чабакъ, къаягъа – ыргъакъ.
- Оюмсуз атлагъан, аджалсыз ёлюр.
- Дууулдаса – бал чибин, къонса – къара чибин.
- Хар адамгъа кеси миннген тау кибик.
- Кюн кёрмеген, кюн кёрсе, кюндюз чыракъ джандырыр.
- Кёзю сокъурдан – къоркъма, кёлю сокъурдан – къоркъ.
- Экеу тутушса, биреу джыгъылыр.
- Алтыннга тот къонмаз.
- Этек чакъмакълары баш джаргъан, сёлешген сёзлери таш джаргъан.
- Чакъырылмай келген къонакъ сыйланмай кетер.
- Эринчекни эр алмаз, эр алса да, кёл салмаз, кёл салса да, кёб бармаз!
- Аллахдан тилесенг, кёб тиле.
- Хата – гитчеден.
- Бойнуму джети джерден кессенг да, мен ол ишни этеллик тюлме.
- Хатерли къул болур.
- Чабакъсыз кёлге къармакъ салгъанлыкъгъа, чабакъ тутмазса.
- Джети тилни билген джети кишиди.
- Суу да къайтады чыкъгъан джерине.
- Кимни – тили, тиши онглу, кимни – къолу, иши онглу.
- Эм ашхы къайын ана мамукъ бла башынгы тешер.
- Айтылгъан буйрукъ, сёгюлмез
- Ана кёлю – балада, бала кёлю – талада.
- Айныгъанлы алты кюн, тогъайгъанлы тогъуз кюн.
- Накъырданы арты керти болур.
- Тюзлюк тас болмайды.
- Кёлсюзден сёзсюз тууар.
- Сакъламагъан затынга джолукъсанг, не бек къууанаса, не бек ачыйса.
- Билим насыб берир, билим джолну керир.
- Къанны къан бла джуума, аманны аман бла къуума.
- Тас болгъан бычакъны сабы – алтын.
- Эки элинги тыйсанг, джети элде махталырса.
- Хаухну атма, ёнгкючню сатма.
- Къуру гыбыт бек дыгъырдар.
- Къартны бурнун сюрт да, оноугъа тут.
- Мен да «сен», дейме, сен да «кесим», дейсе.
- Алгъанда – джууукъ, бергенде – джау.
- Джылыгъа джылан илешир.
- Ёлген ийнек сютлю болур.
- Аш хазыр болса, иш харам болур.
- Къызгъанчдан ычхыныр, мухардан ычхынмаз.
- Джаз бир кюнню джатсанг, къыш талай кюнню абынырса.
- Арыгъан къош чамчы болур.
- Битмегеннге сакъал – танг.
- Дуния малгъа сатылма, кесингден телиге къатылма.
- Келинни – келгинчи, бёркню кийгинчи кёр.
- Хантына кёре тузу, юйюне кёре къызы.
- Тойгъанлыкъ къойгъа джарашады.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 4)