- Ишлегенде эринме, ишде чолакъ кёрюнме.
- Киштикге къанат битсе, чыпчыкъ къалмаз эди.
- Баргъанынга кёре болур келгенинг.
- Тау башында, тау болмаз, джангыз терек, бау болмаз.
- Адамгъа аман кюн соруб келмейди.
- Байлыкъ келсе, акъыл кетер.
- Джашны джигитлиги сорулур, къызны джигерлиги сорулур.
- Билген билмегенни юретген адетди.
- Ёзденликни джайгъан – джокълукъ.
- Чакъырылмагъан къонакъ – орунсуз.
- Ауругъанны сау билмез, ач къарынны токъ билмез.
- Джахил болса анасы, не билликди баласы?
- Кёзню ачылгъаны – иги, ауузну джабылгъаны – иги.
- Таукел адам тау тешер.
- Билгенни къолу къарны джандырыр.
- Башы джабылгъан челекге, кир тюшмез.
- Гугурук къычырмаса да, тангны атары къалмаз.
- Билмезни кёзю кёрмез, этмезни къулагъы эшитмез.
- Ашатыргъа иш – ашхы, ишлетирге аш – ашхы.
- Аман къатын сабий табса, бий болур…
- Ишлерге уял да, ашаргъа табма.
- Мал ёлсе, сюек къалыр, адам ёлсе, иши къалыр.
- Тёзгеннге, джабылгъан эшик ачылыр.
- Бастасын ашагъан, хантусун да ичер.
- Терслик кетер, тюзлюк джетер.
- Аман адам элни бир-бирине джау этер.
- Эл ауузу – элек, анга ийнаннган – халек.
- Адам туугъан джеринде, ит тойгъан джеринде.
- Акъылсызны джууукъгъа алма, акъыллыны кенгнге салма.
- Тин – байлыгъынг, терен саулугъунг.
- Джюз элде джюз ёгюзюм болгъандан эсе, джюз джууугъум болсун.
- Акъыл бла адеб эгизледиле.
- Джерни букъусу кёкге къонмаз.
- Ким бла джюрюсенг, аны кёзю бла кёрюнюрсе.
- Адамны бетине къарама, адетине къара.
- Ашаса, ашамаса да, бёрюню ауузу – къан.
- Ётюрюкню къуйругъу – бир тутум.
- Джиби бир къат джетмей эди да, эки къат тарта эди.
- Тойгъан джерден туугъан джер игиди.
- Ариу джол аджал келтирмез.
- Эринчекни аурууу – кёб.
- Кесинге джетмегенни, кёб сёлешме.
- Джумушакъ терекни къурт ашар.
- Бек ашыкъгъан меннге джетсин, дегенди аракъы.
- Босагъагъа джууукъ орун болса, ашыгъыб тёрге озма.
- Джигер – джаннга къыйынлыкъ.
- Ашхылыкъ джерде джатмайды, аманлыкъ суугъа батмайды.
- Ашарыкъда сайлагъаннга – чий гырджын.
- Аджал соруб келмез, келсе, къайтыб кетмез.
- Кирсизни – саны таза, халалны – къаны таза.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 6)