- Сыфатында болмагъаны, суратында болмаз.
- Ышармагъан – кюлмез, кюлмеген – къууанчны билмез.
- Миллетни бойну – базыкъ, аны бла кюрешген – джазыкъ.
- Байлыкъ адамны сокъур этер.
- Ётюрюкню къуйругъу – бир тутум.
- Джаралыны джастыгъында сау ёлюр.
- Аз айтсам, кёб ангылагъыз.
- Билеги кючлю, бирни джыгъар, билими кючлю, мингни джыгъар.
- Бермеген къол, алмайды.
- Адам сёзюнден белгили.
- Тёзген – тёш ашар!
- Босагъагъа джууукъ орун болса, ашыгъыб тёрге озма.
- Хоншуну тауугъу къаз кёрюнюр, келини къыз кёрюнюр.
- Шайтан алдады, тюзлюк къаргъады.
- Алтыннга тот къонмаз.
- Дуния аламаты сен эсенг да, игиме деб айтма.
- Уллу сёлешме да, уллу къаб.
- Ата Джуртун танымагъан, атасын да танымаз.
- Кесинг сынамагъан затны, адамгъа буюрма.
- Къарнынг ауруса, ауузунгу тый
- Аман адамны тепсинге олтуртсанг, къызынгы тилер.
- Хазыр ашха – терен къашыкъ.
- Сабыр джетер муратха, сабырсыз къалыр уятха.
- Ариу сёз – къылычдан джити.
- Нёгер болсанг, тенг бол, тенг болмасанг, кенг бол.
- Ёнгкюч къууана барыр, джылай келир.
- Эм ашхы къайын ана мамукъ бла башынгы тешер.
- Гугук кесини атын айтыб къычыргъанча, мен, мен деб нек тураса?
- Акъыллы айтыр эди, акъылсыз къоймайды.
- Садакъачыны джаны – къапчыгъында.
- Бозаны арты дауур болур.
- Атадан ёксюз – бир ёксюз, анадан ёксюз – эки ёксюз.
- Мураты болгъанны джюрек тебюую башхады.
- Кёлсюзден сёзсюз тууар.
- Джукъу тёшек сайламайды.
- Тёгюлген тюгел джыйылмайды.
- Ишлегенде эринме, ишде чолакъ кёрюнме.
- Дженгил джетерикме деб, узун джолну къоюб, къысхасын барма.
- Къарт айтханны этмеген, къартаймаз.
- Джолда аягъынга сакъ бол, ушакъда тилинге сакъ бол.
- Уллу къашыкъ эрин джыртар.
- Тилчиден кери бол.
- Тилчи тилден къаныкъмаз.
- Джылыгъа джылан илешир.
- Aдам боллукъ, сыфатындан белгили.
- Къалгъан ишге къар джауар.
- Уруну арты – къуру.
- Акъыл къартда, джашда тюйюлдю – башдады.
- Акъыл бла адеб эгизледиле.
- Айтылгъан сёз ызына къайтмаз.
Для любителей творчества Сапара Узденова....
Ответы
|
Салам !
Кимле эселе да, богъанымы къатышдырыб,мени атым бла бирле бирлеге болмагъанны джазыб, кючден джарашдыртдым интернетни. Аны юсюне да бу Тырны Ауузда бола тургъан ишле.... |
|
|
|
|
|
ШАТ
Алейкум салам, Сапар! Джолну джюрюген хорлайды. Аллах айтса, хар не да таб болур. |
|
|
|
|
|
Салам ШАТ!
Кёпден бери кёрюнмеенг. Хош келдинг! Аллах онг берир иншаАллах. Мен алай кёп терен билмейме. Андан мундан окуп ешиткенлерим болмаса. Суфийле Хызырга тюбегерге излегенлерин билмеем. (Хар Суфийме дегенге де ышанылыр мы, хисторияда Мюслюманланы алдатыр ючюн базы чуутлуланы Суфийме Шыйхма деп айланганлары да айтылады). ДЖанглыз Хызыр (а.с.) Аллахю теаланы сюйген кулуду деп ешиткенем, тарда калганлага джардым зат етеди деп де айтыу барды. Кур'ан-ы Керим'де Мусса (а.с.) пайгамбарла, Аллахны сюйген кулуну нёгерлигьи юсюнден хапар барды. Кейф сура, 60-83 аятла. http://www.elbrusoid.org/content/kuran/p23424.shtm l Пайгамбарыбыз, ышангылы хадислеге кёре, ол кишини Хызыр болганын айтмыш. Аятлада Муса бла Хызыр'ны бирбирлерине тюбегенлери еки сууну бир болганы джерни Истанбул болганын айтадыла, бир каумла. Муса'ны джанында кесинден джылы гитче бири даха барды, аны да Юша (сонрадан пайгамбар болган) болганын айтадыла. Бугюн Юша пайгамбарны кабырыды деп Истанбул'да бир тауну (Бейкоз) юсюнде бир джер барды, джанглыз бу айтыу да болур. Картларыбыздан мени ешиткеним бир айтыу: Борлакладан анамы анасы Мехмет Емин'ни кызы Мукуят, Кауказ'да болган сагьатларында гитчелигьинде джанында бир сабий нёгерибле суу (кёл) кыйырына барганды. Куандырыр ючюн кесине челекчик алмышла, ол сууга кетгенинде ызына алама деп сууга тюшкенди. Нёгери сабий (Мехмет Еминни карнашыны джашчыгьы) де коркуп нетерге билмегенди. Сонра алайлада танынмаган бир адам келип суудан чыгьарганды. Мукуятны уллу карнашы Умар джаш нёгерлерибле оюн ойнаймыш. Ол адам барып атыбла Умар деп чакырганды, егьеччигьини суудан чыгьарып келеме юйюгюзге хапар бер дегьенди. Сонра ол адам тас болуп кетмиш, екинчи кёрген болмамыш. Барганларында Мукуят башы тёбен джатып тураймыш, аузундан да суу келип. Алайла Хызыр куртарган болур деп айтмышла. --------- Арап ДЖырджыланы, поетлени юсюнден. Пайгамбарыбызны кюнюнде Арап поетлени онглуларындан Кааб бин Зухейр болганды. Зухейр, карнашы Мюслюман болганына ачыуланып Пайгамбарызга джау болуп аны аманларга кюрешип назмула джазганды. Пайгамбарыбызны кёп кыйнаганды, бир кюн 'аны ёлтюрюгюз' дегьенди. Алайла Зухейр'ни тёгьерегьинде адам калмагьанды, херкес андан джаллаганды. Пайгамбарга менден елчи болугуз деп кимге барса, енди сен ёлдюнг, куртулушунг джокту дегьендиле. Ол да тамам мадарсыз болганында межгитге Пайгамбарыбызны (с.а.в.) кёрюрге барганды. Ёлдюрейик де кояйык дегьенлеринде, коюгуз келсин дегьенди. Санга назму джазганма, аны окурга излейме деп окуп башлаганды. Пайгамбарыбыз назмуну кёп джаратканды, бети джарык болуп, алайдакылага муну иги тынглагыз дегьенди, юсюнде болган хырканы (джамчы) алып Зухейр'ни инг башларына салганды. Андан назмуга Касиде-и Бюрде дегьендиле. Пайгамбарыбыз аушкандан сонра, Муавие кёп ачха да берип хырканы (джамчы) сатып алып Мюслюман кралны хазинесине салырга излегенди. ДЖанглыз Зухейр унамаганды. Аушкандан сонра, мирасчыларындан ачха тёлеп алып хазинеге салгандыла. Ол хырка, бугюн Истанбул Топкапы Сарай'да Пайгамбарыбызны аманатлары (кылычлары, тамгасы ...) болган джерде турады. Мюслюман кралла уллу казауатлага чыкганларында ол хырканы сандыгьы бла биргелейлерине тюени юсюнде елтеймишле. Назмуну макам, сёзлерин сиз поетле джырчыла даха иги англарык болурсуз. Пайгамбарны нек аллай бир кёп джаратканын. ... Арапча орижинал сёзлерибле джырланганы: http://www.youtube.com/watch?feature=player_embedd ed&v=IGft6TZxXIA Хырканы юсюнден хапар: http://www.youtube.com/watch?v=6ns98ciNSMk&feature =player_embedded Быягьы мен кёп джаздым ;) Алейкюм Салам. Сиз де уллу гитче херкесге Салам айтыгыз. ШАТ хар заман да Шат болугуз куанчла саулукла! Аллахха аманат. |
|
|
|
|
|
ШАТ,
бюгюн "Карачаево-Черкесия" журналда Адраны назмуларын окъугъанем))) |
|
|
|
|
|
Салам !
Турна Ауушда бир ариу къар джауады. |
|
|
|
|
|
Салам! Республиканский журнал "Карачаево-Черкесия".Адраны эки назмусу барды кетген 2010 джылгъы 2-чи номеринде,орус тилде.
|
|
|
|
|
|
Салам !
Алкъа хапар джокъду. Джангылыкъ болгъанлай билдирирме. |
|
|
|
|
|
Окъуйма, бюсюрейме жазгъанынга!!!
Бу темангы да "ЧАПРАКЪЛАНЫ БОЯУЛАРЫ КЪАЙРЫ КЕТДИ...." бардыр! |
|
|
|
|
|
Алейкум салам, Сапар!
Дуния малдан багъалыды Сёз, Сёзюнг тёрге ётмей къалмаз. Кёбге тёзген азгъа да тёз - Дуния былай турмаз! |
|
|
|
|
Читают тему (гостей: 29)