Войти на сайт
5 Сентября 2026 года

 

  • Алма терегинден кери кетмез.
  • Акъыл къартда, джашда тюйюлдю – башдады.
  • Къолу уллу – асыу, аягъы уллу – джарсыу.
  • Ойнай билмеген, уруб къачар.
  • Иги сеники эсе да, сюйген кесимикин этеме.
  • Байны оноуу, джарлыгъа джарамаз.
  • Байлыкъдан саулукъ ашхыды.
  • Тёрдеги кюлсе, эшикдеги ышарыр.
  • Джогъун бар этген, барын бал этген.
  • От этилмеген джерден тютюн чыкъмайды.
  • Иги сёз – джаннга азыкъ, аман сёз башха – къазыкъ.
  • Кенгеш болса, уруш болмаз.
  • Джиби бир къат джетмей эди да, эки къат тарта эди.
  • Ёмюрлюк шохлукъну джел элтмез.
  • Ханы къызы буюгъа-буюгъа киштик болду.
  • Къошда джокъгъа – юлюш джокъ.
  • Ашатыргъа иш – ашхы, ишлетирге аш – ашхы.
  • Мураты болгъанны джюрек тебюую башхады.
  • Ата Джуртуму башы болмасам да, босагъасында ташы болайым.
  • Арбаз къынгырды да, ийнек сауалмайма.
  • Экеулен сёлеше тура эселе, орталарына барыб кирме.
  • Уллу суу бла уллу ауруудан башынгы сакъла.
  • Чомартны къолун джокълукъ байлар.
  • Джолда аягъынга сакъ бол, ушакъда тилинге сакъ бол.
  • Къатын байлыкъны сюер, эр саулукъну сюер.
  • Къазанны башы ачыкъ болса, итге уят керекди.
  • Ач – эснер, ат – кишнер.
  • Кёл – къызбай, къол – батыр.
  • Алим болгъандан эсе, адам болгъан къыйынды.
  • Джашынгы кесинг юретмесенг, джашау юретир.
  • Ёксюзню тилеги къабыл болур.
  • Иги – алгъыш этер, аман – къаргъыш этер.
  • Биреуню къыйынлыгъы бла кесинге джол ишлеме.
  • Тамчы таш тешер.
  • Эм ашхы къайын ана мамукъ бла башынгы тешер.
  • Сакъламагъан затынга джолукъсанг, не бек къууанаса, не бек ачыйса.
  • Олтуруб кёрюнмей эди да, ёрге туруб кёрюне эди.
  • Магъанасыз сёз – тауушсуз сыбызгъы.
  • Къартха ушагъан джаш – акъыллы, джашха ушагъан къарт – тели.
  • Къыйынлы джети элни къайгъысын этер.
  • Окъуу – билимни ачхычы, окъуу – дунияны бачхычы.
  • Адамны сабийин сюйген джюреги, бычакъча, джитиди.
  • Айранны сюйген, ийнек тутар.
  • Босагъа таш юйге кирмей эди, тыбыр таш эшикге чыкъмай эди.
  • Чомарт джарлы болмаз.
  • Кесинг сынамагъан затны, адамгъа буюрма.
  • Юй кюйдю да, кюйюз чыкъды, ортасындан тюйюш чыкъды.
  • Чомартны къолу берекет.
  • Чакъырылмагъан къонакъ къачан кетерин сормаз.
  • Мен да «сен», дейме, сен да «кесим», дейсе.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 30 31 32 33 34 ... 112 След.
Ответы
 
#776
Джаратама0
28.05.2011 01:32:13
Кечигиз,кёлюме келген эди. Алай а, бир къауум, къошакъланнъан этеди,- дерле - дедим.

Энтда разылыгъымы билдиреме.
САУ БОЛУГЪУЗ !!!

Болумума кёре-

СЛУЖУ ЭЛЬБРУСОИДУ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
 
 
 
#777
Джаратама0
28.05.2011 03:17:27
ОКЕАН деген сёз эсимден кетмейди.
Океан деб,
форумда бир адам болуучан эди. Аны таныгъан-билген бар эсегиз, менден, САЛАМ бир беригиз.
Саугъагъа джырымы къызгъанмам.

Сапар Ёз
 
 
 
#778
Джаратама0
28.05.2011 12:17:59
ШАТ

Omurung uzak, djashaung - djarik bolsun, Sapar
 
 
 
#779
Джаратама0
29.05.2011 00:25:53
Ocean

# Дата: 27 Окт 2007 11:48 [Отправить ЛС] [GIS]
Ответить Цитата [Translit] [Кириллица]


ШАТ

Сау бол!
Джашаулу бол! Кесинги сакъла, къыналма.


Келирме - сёз береме

Саламынг узакъ болсун !
Игиме. Аллах Сеннге да кёб игилик берсин !

Къайдаса,алан, форумда да кёрюнмей къалдынгда.
Эсен болурса деб,ышанама.
Мени да джокъду хатам. Турна Аууш да-бек, мен да - бек.

Ол джыллада Сенге атаб былай джазгъан эдим,келсенг айтырма деб;

452 ? 287

Джангылсанг Басхан таба,
Таукел, къайта кет.
Билеме отну джагъа,
Табарма мен эт.

Айтырбыз эски хапар,
Айтырбыз джангы.
Окъурма таулу азбар,
Къозгъарча джанны.

Къаба да исси тишлик,
Тартырбыз боза.
Болгъаннга тилек этиб,
Кюйсюнмей джокъгъа.

Джырларбыз эски джырла-
Джандар, Хасаука.
Шынкъартдан джилтин ызла
Ёрлей хауагъа.

Берсе да, эски заман,
Кёзге мыдахлыкъ.
Алырбыз, джарыкъ айдан,
Джаннга джарыкълыкъ.

Безгинчи сен бу халдан,
Турурса бир кёб.
Ой мен а, безмем андан,
Туруб турса Кёк.

Билеме отну джагъа,
Табарма мен эт.
Джангылсанг Басхан таба,
Таукел, къайта кет.

29.08.05.


Эсен бол, джан рахатлыкъны Аллах берсин!
 
 
 
#780
Джаратама0
29.05.2011 22:18:46
ШАТ

Sozumumu unutmag`nma. Kob turmai kellikme sizni taba(3-4 iyik)


"Nap`esh`sya - nikto ne poimet, povesish`sya - nikto ne poverit"..


Sau esen k`al, kesingi sak`la

P.S.: tol`ko bek seirsinmesse kelsem, bolsunmu?
 
 
 
#781
Джаратама0
30.05.2011 03:15:13
САЛАМ !!!

Ocean

Келсенг къууанныкъма,не сейирсиннгени барды аны.
Уялмай - тартынмай кел. Къыза кетсек, былайдан Уллу Къарачайгъа да ауарбыз.

Эсен бол !
Къууанч бетли тюбеширге Аллах буйюрсун !
Эринмесенг кесингден хапар билдире тур.
Юйде, уллугъа-гитчеге да, менден САЛАМ !

Сапар Ёз. Басханстан.
 
 
 
#782
Джаратама0
30.05.2011 04:09:30
Китабны баргъаны былайды;

92
Хомух болдум, не эсе да, арт джыллада
Алгъын кибик, кёб этмейме мен сууаб
Бир кёб арыб, тюзейе да - джангыла да
Болумума табалмайма мен джууаб.

Бир кёб арыб, тюзейе да - джангыла да
Этген ишим оюлмайын къалмайды.
Алай, ёзге сюркелеме мен дагъы да,
Ой дагъы да джанар отум джанмайды.

Алай, ёзге сюркелеме мен дагъы да,
Кюрешеме къарышыргъа джазыугъа
О не келсин бырнак эте кюн салкъын да.
Эс бёлмейди эсин бёллюк ма мунга.

О не келсин бырнак эте кюн салкъын да
Халкълай болгъа табалмайма мен файда
Джашагъаннга, сюркеле да - абына да
Салам бере, къалай джокълар орайда

Джашагъаннга, сюркеле да - абына да
Кёрюнеди керти зат да башхаракъ.
Эс бёлмедим мен бу затха аллындан да
Ма бу затха, керти себеб, ма - асмакъ.

Хомух болдум, не эсе да, арт джыллада
Алгъын кибик, кёб этмейме мен сууаб
Бир кёб арыб, тюзейе да - джангыла да
Болумума, табалмайма, мен, джууаб.

16.02.98. Орта Къарачай. Джёгетей
 
 
 
#783
Джаратама0
30.05.2011 15:38:36
ШАТ

Salaming uzak` bolsun, bek sau bol


Lichniy soobsheniyalaringa bir koz djettirsenga.
 
 
 
#784
Джаратама0
31.05.2011 03:11:10
Ocean

Кёб джаша,Аллах этген муратларынга!!!!!!!!!!!!!!!!!!!!!!!!!!!!!!!!!!!!!! !!!!!! джетдирсин !!!!!!!!! Сапар Ёз.
Турна Аууш.
 
 
 
#785
Джаратама0
31.05.2011 12:28:20
Салам !


Игиси боллукъду !
 
 
 
#786
Джаратама0
01.06.2011 00:59:00
Кетдик арлакъгъа ;

93
Ашыгъама, чагъарына, джалан терек.
Бир къарар эд танг алада чакъгъанъа.
Аллай кюнде болады да джан эслирек,
Бир уллуду джазгъы сыйым Заманнга.

Аллай кюнде болады да джан эслирек,
Мен кесим да чакъгъанчама алмалай.
Джашаууму къармайма да мен игирек,
Муратланы, эй, тебрейме мен джасай.

Джашаууму къармайма да мен игирек,
Къотарама джан ичинден болгъанны.
Тюзлюк ишге баргъан эсем мен тигирек,
Алай излейд бугъар джерле ма ангы.

Тюзлюк ишге баргъан эсем мен тигирек,
Сен бир кеч деб, кёкге къараб тилейме;
Муратларым болсала да къуу ? эскирек,
Онгсузну да, мен, чагъарын излейме.

Муратларым болсала да къуу - эскирек,
Мен излейме, къатмазларын замансыз.
Бюгюнде да, къышхы кюнде,буду тилек;
Ёлмесинле джан къышымда ала къыш.

Бюгюнде да, къышхы кюнде, буду тилек;
Бир къарар эд, танг алада, чакъгъанга...
Аллай кюнде, болады да, джан эслирек,
Бир уллуду, джазгъы сыйым, Заманнга.

16.02.98. Къарчастан.
Орта Къарачай.

ОКЕАННЫ таныгъан бар эсегиз менден Салам айтыгъыз.
 
 
 
#787
Джаратама0
01.06.2011 02:09:20
ШАТ

Sapar, salaming uzak` bolsun!

Igime, hatam djok, bek sau bol! Senda igise dep ishanama

Джашаууму къармайма да мен игирек,
Къотарама джан ичинден болгъанны.
 
 
 
#788
Джаратама0
01.06.2011 17:10:43
Ocean

Салам !

Игиме,джокъду хатам. Сеннге излегеним да олду.
Аламатды таулада. Къараб кёзюнг тоймайды, джаннга, былай деб, адам айталмазча, бир сабырлыкъ келеди. Туугъан кюнюнг къайдады, ёлюр кюнюнг къайдады, барын да, кесекге унутаса.

Эсен кёрюшейик !
Джан мамырлыкъны Аллах берсин !
Джаза тур, къууанныкъма.

Сапар Ёз. Турна Аууш.
 
 
 
#789
Джаратама0
02.06.2011 03:13:46
Ocean

Шынкъарт ичде къызыл кёзле.
Шынкъарт тилде къызыл сёзле.
Бу затха шагъатды къарангы.
Эки джаным акъсырт таула,
Хар биринден булут ауа,
Бири токъ, бири да ? ауангы.

Толу ай да кеси джангыз.
Ой этмейди аман сагъыш.
Джарыгъы джырады кечени.
Ма Сют Джолу-адам джанла,
Кёзню алдай кёзбау джана,
Тынчлыгъын сакълайла ёргени.

Шукур дейме таулу джазгъа,
Таулу кёкге, таулу ташха.
Кёргеним, къуру да, ариулукъ.
Отда тургъан къызыл кёзле,
Андан чыкъгъан къызыл сёзле
Кертиди, кертиди бу зауукъ.
 
 
 
#790
Джаратама0
02.06.2011 15:52:58
Ма Сют Джолу-адам джанла,
Толу ай да кеси джангыз.
 
 
 
#791
Джаратама0
03.06.2011 13:01:52
Ocean

Эсен бол !

Хайыр хапар да айтайым;

Кечеги ауаз Сени къууанныгъынгы айтды.
Сора, ызы агъара, тюб - тюз ёргеге чыгъыб кетди......



Сапар Ёз. Турна Аууш.
 
 
 
#792
Джаратама0
04.06.2011 11:27:45
ШАТ

aryu.. sau bol
 
 
 
#793
Джаратама0
05.06.2011 23:22:38
Ocean



Сапар Ёз.
Турна Аууш.
 
 
 
#794
Джаратама0
05.06.2011 23:34:35
94

Мен, сени, сюйеме тауланыча
Кюн - кюнден ариуса кесингден
Сыйынгы, кёреме, джырымыча
Барса сен, ой барма, сора, мен

Мен, сени, сюйеме кесимича
Таб, огъай, андан да бегирек
Сыйынгы, кёреме, экиндимча
Джассымда да сенсе ма тилек.

Ёмюрге менге нёгер болсанг а
Тилекге, кесек, къулакъ ийсенг
Олсагъатда, не бла да, онгама
Дуниянга тийерме кюн бла тенг.

17.02.98. Орта Къарачай.
 
 
 
#795
Джаратама0
06.06.2011 13:19:47
Былай барсын;

95
Ма, къара, тюмен да джокъ менде.
Байлыгъым - джырла бла назмула.
Не сагъыш да, кёбдю джюрекде,
Тулпарла, сюйсенг а - саусузла.

Не сагъыш да, кёбдю джюрекде,
Ёлгенннге саугъа да кёб сагъыш.
Кюу джылау да бар кюлгенимде.
Дуниягъа, барама да, аргъыш.

Кюу джылау да бар кюлгенимде.
Юлюшлюме хар бир чырмаудан.
Сукъланырча, кюн, кюйгениме,
Аллайды джарыкъ джаныуумдан.

Сукъланырча, кюн, кюйгениме,
Чыкъырдайма мен сагъышладан.
Тёзюмюм ? Аллах да ? биргеме,
Къол берсе, чыгъама ныхытдан.

Тёзюмюм ? Аллах да ? биргеме.
Не джаугъа да, атмайды тюбге.
Къорду, джан, аны хар дерсине,
Не бла да, хазырма, тюбешге.

17.02.98. Орта Къарачай.
Джёгетей.
 
 
 
#796
Джаратама0
09.06.2011 03:49:55
 
 
 
#797
Джаратама0
09.06.2011 04:30:32
Муну орну былайдады.

96
Ма, энтда, турады.
Ма, энтда, чууакъды.
Мен, аны билеме, ол бизни джулдузд.
Джарыгъы энчиди,
Минълени бириди,
Джарыкълай турсунчу, ол таулунукъуд.

Ай бир кюмюшлюдю,
Ол бизники тюлдю.
Бизники, башхады, ёргерек андан.
Джумушу да табды.
Ол нюрюн чачды.
Келечиди, тенгим, ол, огъаргъыдан.

Джууугъум- тенгим да,
Ма халкъым - элим да,
Къууанчы уллуду, кёргенлей муну
Мен да, ма алача
Атагъа - балача
Къарамым кирсизди, ёхтемлик - уллу.

Бюгюн да турады,
Бюгюн да чууакъды,
Джарыкълай, турсунчу, ёмюрле алай.
Джашасын халкъым да,
Бюртюгю - ташы да.
Джулдузгъа болсунчу ол да джулдузлай

20.02.90.
Орта Къарачай.
 
 
 
#798
Джаратама0
10.06.2011 12:56:31
САЛАМ !

Керти джылы кюндюз. Кече да бир ариу эди.
Кёкню олбир джанын билмейме, бу джанында уа, бу джулдузма деген,
алай джылтырай эди..

Шукур Аллахгъа !!!
 
 
 
#799
Джаратама0
10.06.2011 19:15:23
САЛАМ !
 
 
 
#800
Джаратама0
10.06.2011 19:22:56
EL-HALED
 
 
 
Страницы: Пред. 1 ... 30 31 32 33 34 ... 112 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.