Войти на сайт
28 Июня 2026 года

 

  • Суугъа – чабакъ, къаягъа – ыргъакъ.
  • Насыблы элин сюер, насыбсыз кесин сюер.
  • Ишлерге уял да, ашаргъа табма.
  • Айтхан – тынч, этген – къыйын.
  • Къатын байлыкъны сюер, эр саулукъну сюер.
  • Окъуу – билимни ачхычы, окъуу – дунияны бачхычы.
  • Ачны эсинде – аш.
  • Чакъырылгъанны аты, чакъырылмагъанны багъасы болур.
  • Джарлы эскисин джамаса, къууаныр.
  • Къарт айтханны этмеген, къартаймаз.
  • Сютден ауузу кюйген, суугъа юфгюре эди.
  • Акъыллы айтыр эди, акъылсыз къоймайды.
  • Ариу сёз аурууунгу алыр.
  • Ёксюзню къалачы уллу кёрюнюр.
  • Халкъны юйю – туугъан джери.
  • Сабийликде юретмесенг, уллу болса – тюзелмез.
  • Ата Джуртуму башы болмасам да, босагъасында ташы болайым.
  • Юй кюйдю да, кюйюз чыкъды, ортасындан тюйюш чыкъды.
  • Къарны аманнга къазан такъдырма, къолу аманнга от джакъдырма.
  • Aдам боллукъ, сыфатындан белгили.
  • Джети тилни билген джети кишиди.
  • Хазыр ашха – терен къашыкъ.
  • Чабар ат – джетген къыз.
  • Тилсиз миллет джокъ болур.
  • Къарнынг бла ёч алма.
  • Къыз келсе, джумуш эте келеди, къатын келсе, ушакъ эте келеди.
  • Аурууну келиую тынч, кетиую – къыйын.
  • Джарлыны тону джаз битер.
  • Таш ата билмеген, башына урур.
  • Чомартха хар кюн да байрамды.
  • Къартха ушагъан джаш – акъыллы, джашха ушагъан къарт – тели.
  • Тёрде – темир таякълы, къаяда – чыпчыкъ аякълы.
  • Таукел тауну аудурур.
  • Тилде сюек болмаса да, сюек сындырыр.
  • Аякъларынгы джууургъанынга кёре узат.
  • Насыб бютеу халкъны юлюшюдю.
  • Ойнай билмеген, уруб къачар.
  • Акъыл аздырмаз, билим тоздурмаз.
  • Чомарт джарлы болмаз.
  • Чабакъсыз кёлге къармакъ салгъанлыкъгъа, чабакъ тутмазса.
  • Кюлме джашха – келир башха.
  • Берекет берсин деген джерде, берекет болур.
  • Суу да къайтады чыкъгъан джерине.
  • Байдан умут эте, джарлыдан ёгюз багъасы къорады.
  • Сакъламагъан затынга джолукъсанг, не бек къууанаса, не бек ачыйса.
  • Джан саулукъ бермей, сан саулукъ бермезсе.
  • Ана къойну – балагъа джандет.
  • Къанны къан бла джуума, аманны аман бла къуума.
  • Мухардан ач ычхынмаз.
  • Ачылгъан эт джабылыр, кёрген кёз унутмаз.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 33 34 35 36 37 ... 112 След.
Ответы
 
#851
Джаратама0
14.07.2011 10:05:44
Салам !

Ocean
Tinibek
Sabr

Барынга да - Игилик,Ашхылыкъ!
Къарчастандан бери келсем,талай кюнню мухоллукъ басыб турады.
Хар биринге энчи джууаб да джазарыкъма.

Билал, Магаметни кесине тюбемедим. ( Табмадым )
Кесек сакъласын деб, билдиргенин а айтдыла. Аны кесини да джангы джумушлары болгъандыла да - олду чуруму.

Эсен кёрюшейик !

Турна Аууш. Басханстан.
 
 
 
#852
Джаратама0
14.07.2011 10:08:10
Ocean

Мадарынг бар эсе, Азаны кёрсенг, мени ючюн бир алгъыш да айт, къучакълагъан да эт.
 
 
 
#853
Джаратама0
14.07.2011 12:30:04
ШАТ
Bolsun
 
 
 
#854
Джаратама0
14.07.2011 18:52:19
Ай, сау бол !
 
 
 
#855
Джаратама0
14.07.2011 19:06:39
Муну айтыргъа унутуб къоя эдим.

* * *
07

Таянса да кюч тёшге
Барама тикни ёрге
Башында болур деб кёк ачыкъ
Шахарда къургъакъ дауур
Хауасы бир бек ауур
Ол джанны эталмайды джарыкъ.

Тубан а джол бермейди
Ёзденлик этелмейди
Джолума болгъанды чырмаулу
Алай а атлам алгъа
Керекди ма чыдаргъа
Тыйгъычдан юркемиди таулу

Мийикде кёзбау чыран
Джарыгъы эсни джыргъан
Дуниясы къуру тазалыкъны
Мийикде джандет тынчлыкъ
Алайы керти джырлыкъ
Билдирген кючюн азатлыкъны.

02.11.01.
 
 
 
#856
Джаратама0
15.07.2011 17:46:57
Салам !

Ocean

Аза, кючюнг кёб болсун !

Моноблокну да, принтерни да Турна Ауушха келтирдим.
Дуниялыкъда не игилик излей эсенг, Аллах анга тюберча этсин...

Къарачай халкъны аты бла этген саугъанг ючюн,керти, сабийча, къууандым....

Басханстан. Турна Аууш.

Сапар Ёзден.
 
 
 
#857
Джаратама0
15.07.2011 17:55:01
ШАТ
Biz baribizda alk'in sabiylebiz.
 
 
 
#858
Джаратама0
15.07.2011 22:27:35
Кёзюуде сабий бола турмасанг, къартлыкъны олбир джанын сыйлай биллик тюлсе...
 
 
 
#859
Джаратама0
16.07.2011 01:12:27
* * *
08

Ариулукъ да болсун
Эршилик да онгсун
Ма анданды джашау аламат
Акъылман да туусун
Телилик да турсун
Алайсыз ма джашау ызынад

Эришиу бла джыртыу
Алайгъады джазыу
Эй анданды ариу табигъат
Алмашсыз ёсюм аз
Ангы болмай бууаз
Аллындача къалады хар зат

Бир суу кирмей башха
Джукъ тебемид алгъа
Ма анданды ангы ёсюмлю
Эслейик да аны
Билейик къаманы
Сынамазча бу джурт ёлюмню

Ёмюрден да бизде
Халаллыкъды эсде
Эй керек эд болсакъ башхаракъ
Эришиудю джашау
Алайгъа минг махтау
Кётюрюудю да сора байракъ.

2001 дж.
 
 
 
#860
Джаратама0
16.07.2011 11:20:52
САЛАМ !

Унутмагъанма, кесекден энтда джазарыкъма.

Хапарны маджалы алдады.
 
 
 
#861
Джаратама0
16.07.2011 12:10:53
ШАТ
Салам!
Сау бол! Бек сююб тынгылайма джырларынгы. Алай а "маловато будет"
 
 
 
#862
Джаратама0
17.07.2011 03:25:34
Ocean

Кече ашхы болсун!
Моноблок ишлеб башлады. Аллахдан разылыкъ табхын,мени разы этдинг.
 
 
 
#863
Джаратама0
17.07.2011 13:25:56
d-versija

Саламынг узакъ болсун!
Джырларымы джаратханынг ючюн, разылыгъымы билдиреме.
Джангы джырларым кёбдюле,алай а, джаздырыргъа къыйыкъ баргъан талай чурум барды.
Ол чурумланы башы уа не болгъанын кесинг ангылай болурса.
Ийнан, менде терслик джокъду, терсликни кёбюсю - АЧХАДАДЫ.

Эсен бол!
 
 
 
#864
Джаратама0
18.07.2011 00:06:32
* * *
09 "cbyuЭсинг сауда къалай этгин сагъыш этмей
Къалай тургъун джарсымайын заманнга
Къалай тургъун ариулукъгъа махтау бермей
Сюймекликни саугъа этсе джан джаннга

Эсинг сауда къалай этгин сагъыш этмей
Къатышханын кёре эсенг дунияны
Джашау бизни чапракъныча джеллендирмей
Къудретинден бере эсе хар затны

Эсинг сауда къалай этгин сагъыш этмей
Биле эсенг туугъанынгы ёлюрге
Зауукъ кёрлюк джашай эсе бир кюн кёрмей
Келсе Аллах иймансызгъа ёкюлге

Эсинг сауда къалай этгин сагъыш этмей
Башланнганга къайта эсе ахыргъы
Къалай тутхун сен эсинги чырт ишлетмей
Сюе эсенг джашау ични асыры.

03.11.01.
 
 
 
#865
Джаратама0
18.07.2011 14:18:52
МИКИ, САЛАМ !

Эсен болурса деб, ышанама.

Ол авторский вечер деген ушагъыбызны эсге салгъанлыгъымды.
Къараб- къарагъынчы сентябрь джетерикди, ары дери уа, этиллик ишле болурла. Сени оюмунга кёре, айтырыкъ адамларыма, анга кёре билдириб къоярыкъ эдим.
Иги эгечимча, рахатлы бир хапар билдирсенг керек эди.

Эсен бол !



Сапар Ёз. Турна Аууш
 
 
 
#866
Джаратама0
18.07.2011 14:21:33
МИКИ,

Бёлек джырымы айтырча, джырлаучула да излерге керекме.
Алгъаракъдан сагъыннганым аны ючюндю.
 
 
 
#867
Джаратама0
19.07.2011 00:45:49
* * *

10

Бир терк къозгъалды да аяз
Кенге ачылды терезем
Эй, сора, джетди бир ауаз
Туугъан кюндюзден кечеден

Турдум кесекни мен къымсыз
Къараб ма ары тышына
Кердюм алайын ажымсыз
Ачы джарыды къыбыла

Анда орамда терекле
Къоша ауазгъа тауушла
Келгенча салыб мелекле
Тюшген эдим мен таурухгъа

Болуб джырчылай бир арсар
Туруб къарадым сейирге
Шашарча кезбауду къадар
Кёзюм тюртюлдю Тейриге

Аяз шошланды алай терк
Орам ич болду бир къымсыз
Къалай къалдым болмай тентек
Эсим бла етдю минг сагъыш

Джете тобукъгъа сакъалы
Тураед кёкде Акъсакъал
Акъсыл эд бютеу санлары
Алай агъаралмайды къар

Ма сора къагъа къанатла
Болуб къымыжа хауалай
Анга шыбырдай бир затла
Къонду къолуна джыджанай

Бир таб эд саулай тёгерек
Сынай эди не да зауукъ
Нюрден нюрлендим да бир бек
Джаугъа да излеем саулукъ

Эй, сора, джетди бир аяз
Ызгъа джабылды терезем
Ала бла кетди ол ауаз
Келликмиди билмейме мен.

05.06.01. Басханстан.
 
 
 
#868
Джаратама0
19.07.2011 12:11:34
Айт, къайсы болса да бири ангылар.
 
 
 
#869
Джаратама0
19.07.2011 16:37:10
ШАТ
Все в силе. Насчет певцов и орг моментов созвонимся по телефону и уладим.Думаю без проблем)))))) Аллах айтса.
Ocean
ООООчень жаль , что не удалось мне встретится с тобой в реале, все остальные наши сотрудники были от тебя в восторге)))))) И очень надеюсь за столь благородный твой поступок, от Аллаха тебе вернется с троицей
 
 
 
#870
Джаратама0
19.07.2011 18:20:46
Сапар ЁЗДЕН

ХХХ

Бир терк къозгъалды да аяз,
Кенгнге ачылды терезем.
Эй, сора, джетди бир ауаз,
Туугъан - кюндюзден-кечеден.

Турдум кесекни мен къымсыз,
Къараб ма ары - тышына:
Кёрдюм алайын ажымсыз -
Ачы джарыды къыбыла.

Анда орамда терекле
Къоша ауазгъа тауушла,
Келгенча салыб мёлекле -
Тюшген эдим мен таурухха.

Болуб, джырчылай, бир арсар,
Туруб къарадым сейирге:
Шашарча, ачыкъды къадар -
Кёзюм тюртюлдю Тейриге.

Аяз шошланды алай терк,
Орам ич болду бир къымсыз.
Къалай къалдым болмай тентек,
Эсим бла ётдю минг сагъыш.

Джете тобукъгъа сакъалы,
Тураед кёкде Акъсакъал.
Акъсыл эд бютеу санлары,
Алай агъаралмайды къар.

Ма, сора, къагъа къанатла,
Болуб къымыжа, хауалай,
Анга шыбырдай бир затла,
Къонду къолуна джыджанай.

Бир таб эд саулай тёгерек,
Сынай эди не да зауукъ.
Нюрден нюрлендим да бир бек,
Изледим джаугъа да саулукъ.

Эй, сора, джетди бир аяз,
Ызгъа джабылды терезем.
Ала бла кетди ол ауаз,
Келликмиди, билмейме мен.
05.06.01. Басханстан.

Бу назму орус тилде болса, "гениальное стихотворение" деб, джазарыкъ эдиле. Бизде уа, "къайсы болса да бири ангылар" деб, Сапар кеси айтханлай да болгъа эди. Магъанасы теренди да, хар ким кесича ангылай барлыкъды. Джангыз, "джыджанай" деген сёзню биринчи кере эшитеме - магъанасы неди?

Быллай назмула китаб болуб чыкъсала, бизни литературабызны, поэзиябызны джангы дараджагъа чыгъарыргъа себеб боллукъ эдиле. Да не этейик, аны да "къайсы болса да бир ангылар"...



 
 
 
#871
Джаратама0
19.07.2011 20:11:55
мики
ШАТ


Avtorskie vechera - luchshe pozdno, chem nikogda! videorazdelge bir salirsiz
 
 
 
#872
Джаратама0
19.07.2011 20:16:47
мики

I mne zhal', vremeni bilo tak malo(( nu, nichego: v sleduyushiy raz
A rebyatam iz Elba-Nalchik - ullu
 
 
 
#873
Джаратама0
19.07.2011 23:53:03
kalejchi

Салам !

Джыджанай
Джыджына
Джыджыма
Гыджыма

Толу аякъланыб бошамагъан сабий, гитче балачыкъ.
Мен эшитиб белляуда былай да айта эдиле:
Ай джыджынай - джыджынай.
Хайда башла шыбырдай.

Мени анам, бюгюнлюкде да, ууакъ сабийни, ай джыджынайчыкъ деб, эркелетеди.

Назмума иги кёзден къарагъанынг ючюн да сау бол .
 
 
 
#874
Джаратама0
20.07.2011 02:36:50
мики

Таблыгъы къалайды десенг, алай этейик

Кесинг сюйген адамлагъа менден Салам бер
 
 
 
#875
Джаратама0
20.07.2011 05:06:06
Бу назму орус тилде болса, "гениальное стихотворение (brilliant poem)" деб, джазарыкъ эдиле. Бизде уа, "къайсы болса да бири ангылар" деб, Сапар кеси айтханлай да болгъа эди. Магъанасы теренди да, хар ким кесича ангылай барлыкъды.

Быллай назмула китаб болуб чыкъсала, бизни литературабызны, поэзиябызны джангы дараджагъа чыгъарыргъа себеб боллукъ эдиле. Да не этейик, аны да "къайсы болса да бир ангылар"...

 
 
 
Страницы: Пред. 1 ... 33 34 35 36 37 ... 112 След.
Читают тему (гостей: 7)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.