Войти на сайт
4 Сентября 2026 года

 

  • Дуния малгъа сатылма, кесингден телиге къатылма.
  • Аллахдан тилесенг, кёб тиле.
  • Сютден ауузу кюйген, суугъа юфгюре эди.
  • Нарт сёз къарт болмаз.
  • Къартны бурнун сюрт да, оноугъа тут.
  • Джылыгъа джылан илешир.
  • Мал кёб болса, джууукъ кёб болур.
  • Сормай – алма, чакъырылмай – барма.
  • Иги джашны ышаны – аз сёлешиб, кёб тынгылар.
  • Акъыллы айтыр эди, акъылсыз къоймайды.
  • Ариу – кёзге, акъыл – джюрекге.
  • Билими азны – ауузунда кирит.
  • Ушамагъан – джукъмаз.
  • Къалгъан ишге къар джауар.
  • Айранны сюйген, ийнек тутар.
  • Бир онгсуз адам адет чыгъарды, деб эштирик тюлсе.
  • Эки къатын алгъанны къулагъы тынгнгаймаз.
  • Урунуу – насыбны анасы.
  • Кёл ашады да, кеси ашады.
  • Игиге айтсанг – билир, аманнга айтсанг – кюлюр.
  • Ханы къызы буюгъа-буюгъа киштик болду.
  • Тойгъандан сора, ашны сёкме.
  • Суугъа – чабакъ, къаягъа – ыргъакъ.
  • Мухар, кеси тойса да, кёзю тоймаз.
  • Суу ичген шауданынга тюкюрме.
  • Эл бла кёргенинг эрелей.
  • Тынгылагъан тынгы бузар.
  • Кёпюр салгъан кеси ётер, уру къазгъан кеси кетер.
  • Аллахха ийнаннган кишини, Аллах онгдурур ишин.
  • Джангыз терек къынгыр ёсер.
  • Джашлыкъ этмеген, башлыкъ этмез.
  • Игилик игилик бла сингдирилиучю затды.
  • Билгенни къолу къарны джандырыр.
  • Джаханимни кёрмей, джандетге кёл салмазса.
  • Адеби болмагъан къыз – тузсуз хант.
  • Ашыкъгъан cуу, тенгизге джетмез.
  • Кийим тукъум сордурур.
  • Алтыннга тот къонмаз.
  • Къызгъанчдан ычхыныр, мухардан ычхынмаз.
  • Ачыкъ джюрекге джол – ачыкъ.
  • Айыбны суу бла джууалмазса.
  • Тамчы таш тешер.
  • Сабыр джетер муратха, сабырсыз къалыр уятха.
  • Биреуге аманлыкъ этиб, кесинге игилик табмазса.
  • Тыш элде солтан болгъандан эсе, кесинги элде олтан болгъан игиди!
  • Бал ашаргъа сюе эсенг, чибин ургъаннга тёз.
  • Ариу сёзде ауруу джокъ.
  • Эртде тургъан джылкъычыны эркек аты тай табар.
  • Битмегеннге сакъал – танг.
  • Аманны тукъумуна къарама, игини тукъумун сорма.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 34 35 36 37 38 ... 112 След.
Ответы
 
#876
Джаратама0
20.07.2011 12:04:43
* * *
11

Бир ариуду чайкъалгъаны акъ къайынны
Анда - мунда учадыла чапракъла
Ай не медет кётюралмай къач салкъынны
Ачы сары болгъандыла акъгъанла

Ай не медет кётюралмай къач салкъынны
Даулашдалла хыны джел бла бутакъла
Кесекден а сынарыкъла къан къачханны
Къуюлсала тубан ичден бурчакъла

Кесекден а сынарыкъла къан къачханны
Андан сора бойсунурла джукъугъа
Тюшледе уа кёрлюкдюле джаз атханны
Туугъанларын чирчикледен туудукъла

Тюшледе уа кёрлюкдюле джаз атханны
Къурмачланыб, омакъ болуб, балийле
Гяхиникге джылы кёкден кёк акъгъанын
Чабханларын джалан аякъ сабийле.

06.11.01.
 
 
 
#877
Джаратама0
20.07.2011 12:21:31
ШАТ приятные стихи... мне тоже часто снится во сне, как я бегаю по лужам босиком в детстве)
 
 
 
#878
Джаратама0
20.07.2011 12:31:26
ШАТ
Салам алейкум!
Мы, любители твоего творчества, тоже хотели бы новых песен в студийном качестве, да и старые перезаписать не лишне было бы. Алай а бир зыккыл телефонну камерасына джазылсала да, биз ол джирланыда, бек сююб, багъалатыб тынгыларыгъек.
Аллах саулукъ берсин!
 
 
 
#879
Джаратама0
20.07.2011 13:08:10
Ocean
Говоря о вечере все не могла убедить Сафара)))) но думаю все лучше если это произойдет
Саламынг узакъ болсун!
ШАТ
Телефонда селеширме
 
 
 
#880
Джаратама0
20.07.2011 13:31:11
мики
 
 
 
#881
Джаратама0
20.07.2011 13:32:53
d-versija
Мы, любители твоего творчества, тоже хотели бы новых песен в студийном качестве, да и старые перезаписать не лишне было бы.

+1
 
 
 
#882
Джаратама0
21.07.2011 01:29:39
 
 
 
#883
Джаратама0
21.07.2011 12:41:16
Салам !

EL_HALED

Рахатмыса, нек кёрюнмейсе ?
 
 
 
#884
Джаратама0
21.07.2011 22:00:13
Бу назмуда кёб зат бугъунуб турады, ары бир къарачы.



* * *
12

Къагъылды да булут,
Тюшдюле тамчыла.
Гяхиник да, уруб,
Тилленди башына

Кёгерди тёгерек,
Ышарды насыбдан.
Хар бир не, энчирек,
Джангырды джангыдан

Къозгъалды табигъат,
Джылытханды да джаз.
Къууанчакъды хар зат,
Кёк къакъса дауурбаз.

07.11.01.
 
 
 
#885
Джаратама0
22.07.2011 03:34:59
ШАТ
Гяхиник - bu ne demek?
 
 
 
#886
Джаратама0
22.07.2011 17:11:07
Гяхиник да, уруб,
Тилленди башына

Джаза ала, къыр (джер тыш) кёгере башласа, ол кёгергеннге - гяхиник дейдиле.
Тилленди башына. ( Тинленди башхады ) Ёре сюрем талпыды, тебреди,айланды...
 
 
 
#887
Джаратама0
22.07.2011 18:14:04
* * *
13

Джауады да джабалакъ
Сууланнганды къургъакъ джер
Арымайын чырт тамакъ
Шууулдайды къачхы джел

Тау башлада къар терен
Сора джетди ары къыш
Келгенликге джаз тюзден
Къыш тауданды ашыгъыш

Къура джигит чанангы
Хазыр эт джылы тонну
Сууукъ этме акганы
Джагъа бер эмен отну.

07.11.01.
 
 
 
#888
Джаратама0
22.07.2011 18:24:02
face'те бу назмуну юсюнден талай commentле джазылгъанеди. изледим табалмадым. гяхиник джерден биткен ханс болур му дегъенек, соруп юренебиз дегъеникте. гяхиникге кяинат дегъенле де болгъанеди.

"Къагъылды да булут,
Тюшдюле тамчыла."

"Къууанчакъды хар зат,
Кёк къакъса дауурбаз."

къагъылды да булут, булут халыча, кёгет агъачча кагъылады сонра джангур тамчыла тюшюп тебрейдиле. кёк къакса дауурбаз, тюркчеде гёк гюрюлтюсю (кёк дауру, thunder storm) дейле, шыбла болганында гёк тауш етеди, давулга къакканча тауш ете, (тёгерекге хапар бере) гюмбюр гюмбюр..
 
 
 
#889
Джаратама0
23.07.2011 11:07:01
Tinibek

Салам, алан !

Сеннге да, джууукъгъа - тенге да игилик, ашхылыкъ.
Турама - Ата джуртуму Ана тилде махтай.
Турама- сагъыш - кёб да, заман - аз.

Ана тилибизни байлыгъын санаб а къалай къолунгдан келсин. Башы эсе - миййкде. Тюбю эсе - теренде.
Бизни тилибиз Поэзияны тилиди, сёз къурашха да ариу келеди.
Махтау Ана Тилиме - Ёмюрлюкню Эрке Баласына !

Андагъы инсанларыбызгъа Исси Салам Береме.

Басханстан.
Турна Аууш.
Сапар Ёзден.
 
 
 
#890
Джаратама0
23.07.2011 19:01:54
Тыбыр ташынъдан багъалы джокъ кёре эдим...


* * *
14

Джашауну бир кёб барыб
Тохтадым бир бек арыб
Тохташдым эй туура арада
Былайы аман чучхур
Ахратдан кёбге къуджур
Джукъ да джокъ тута бер ораза

Турама мугур болуб
Сагъышдан кемсиз тоюб
Джазыугъа айта мен даууму
Былайгъа шайтан тюннге
Ма менлей аман кюннге
Аллах сен келтирме джаууму

Болмазгъа эсни бёлген
Тынчлыкъны эрши кёрген
Менден ал да тамбланга юлгю
Кетиуню эсден къырыб
Къуйрукъну къаты къысыб
Тыбырын джала сен юйюнгю.

09.11.01.
 
 
 
#891
Джаратама0
23.07.2011 20:25:04
Алейкум Салам, ШАТ !

Бек сау бол!

Ана тилибизни байлыгъын санаб а къалай къолунгдан келсин. Башы эсе - миййкде. Тюбю эсе - теренде.
Бизни тилибиз Поэзияны тилиди, сёз къурашха да ариу келеди.
Махтау Ана Тилиме - Ёмюрлюкню Эрке Баласына !
 
 
 
#892
Джаратама0
23.07.2011 20:36:46
ШАТ
23 Июл 2011 16:01
 
 
 
#893
Джаратама0
23.07.2011 23:40:38
Tinibek

Сеннге да - ашхылыкъ !
 
 
 
#894
Джаратама0
23.07.2011 23:51:28
Ocean

Ол адамгъа, мени не айтханымы, бир билдир.

462 ? 297

Къарамым, ташдан чартлаб, джырды да кёкню.
Къайтды да алам аулаб,
Билдирди кёбню.

Билдирди, адам джанны къайдады юйю.
Кимденди заман башы,
Кимденди тюбю.

Джырчы да айтмаз кибик, бир сафды анда.
Мёлекле джарыкъ кииб,
Айта макъамла.

Онгдан эсе ? нюр уруб, солунг да алай.
Эр ? къатынча, шох болуб,
Сууукъ къыш бла джай.

Мухол да, кюлген да джокъ, къуру зауукълукъ.
Семиз да, арыкъ да токъ,
Неде да саулукъ.

Кёксыман, акъсыл кимит, къызылдым да кёб.
Ой, кюн да джашил киииб,
Нюрлю эди кёк.

Къарамым, ташдан чартлаб, джырды да кёкню.
Къайтды да алам аулаб,
Билдирди кёбню.

24.09.05.
Турна Аууш.
 
 
 
#895
Джаратама0
24.07.2011 00:03:17
ШАТ
 
 
 
#896
Джаратама0
24.07.2011 15:55:28
Ocean

Аллах Сеннге да Онг Берсин !!!

Этген игилигинги унутмагъанма.
Эсен бол !
 
 
 
#897
Джаратама0
25.07.2011 00:27:30
* * *
15

О къой барын, къууан бала, джангы кюннге
Ючкюл тюлдю, туруб турад ол тогъай.
Эштемисе, къууанч эте джайгъы тюннге,
Соза турад джангы джырын бир торгъай

О къой барын, ышар бала, джангы кюннге.
Кел, чыгъайыкъ былай ары таулагъа.
Мийикледен, аралайыкъ, дангыл тюзге,
Къаялада кийиклеге - буулагъа.

О къой барын, къууан бала, джангы кюннге.
Кетген кетди, бойсунайыкъ келгеннге.
Сау саламат джетген эсек биз бюгюннге,
Чыгъа барыб, баш урайыкъ Бергеннге.

08.01.02.
 
 
 
#898
Джаратама0
25.07.2011 00:46:14
ШАТ

О къой барын, къууан бала, джангы кюннге
Ючкюл тюлдю, туруб турад ол тогъай.
Эштемисе, къууанч эте джайгъы тюннге,
Соза турад джангы джырын бир торгъай

kyunde kyuyub yuige djiyildim Goryu! djilik, k'ara dug'umla djiib keldim
 
 
 
#899
Джаратама0
25.07.2011 02:08:36
Ocean

Шатны къууандыргъан, бютеу поэзиябызны къууандыргъанча бир затды. Шатха игилик этген - бютеу адабиятыбызгъа, культурабызгъа игилик этеди. Джерни бир этегинде тургъанлай, кесинги усталыгъынг да литература бла байламлы болмагъанлай, миллет культурабызгъа джан аурутханынг - багъа джетмез затды. Сенича адамлары болгъан халкъыбыз, инша Аллах, тыйыншлы орнун алгъанлай джашар дунияда.
 
 
 
#900
Джаратама0
25.07.2011 02:38:01
Sabr
Bir biribizni k'uandirg'andan basha ne bardi bu duniyada? Sau bolug'uz, sizsiz bizni tilibiz
 
 
 
Страницы: Пред. 1 ... 34 35 36 37 38 ... 112 След.
Читают тему (гостей: 21)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.