Войти на сайт
4 Сентября 2026 года

 

  • Бетинги сатма, малынгы сат.
  • Ач къарынны, токъ билмез
  • Аманны тукъумуна къарама, игини тукъумун сорма.
  • Байлыкъ адамны сокъур этер.
  • Сууда джау джокъ, кёб сёзде магъана джокъ.
  • Мухар, кеси тойса да, кёзю тоймаз.
  • Ханы къызы буюгъа-буюгъа киштик болду.
  • Ашлыкъ – бюртюкден, джюн – тюкден.
  • Адамны бетине къарама, адетине къара.
  • Джаш болсун, къыз болсун, акъылы, саны тюз болсун.
  • Ичимден чыкъды хата, къайры барайым сата?
  • Ашда – бёрю, ишде – ёлю.
  • Келинин тута билмеген, къул этер, къызын тута билмеген, тул этер.
  • Чомарт бергенин айтмаз.
  • Сютден ауузу кюйген, суугъа юфгюре эди.
  • Ач бёрюге мекям джокъ.
  • Къызын тута билмеген, тул этер, джашын тута билмеген, къул этер.
  • Онгсузну – джакъла, тенгликни – сакъла.
  • Иги – алгъыш этер, аман – къаргъыш этер.
  • Аманны къуугъан, аманлыкъ табар.
  • Къайгъыны сюйген, къайгъы табар.
  • Кийимни бир кюнню аясанг, минг кюннге джарар.
  • Оюмсуз атлагъан, аджалсыз ёлюр.
  • Окъ къызбайны джокълайды.
  • Мал кёб болса, джууукъ кёб болур.
  • Чомартны къолу берекет.
  • Ашаса, ашамаса да, бёрюню ауузу – къан.
  • Итли къонакъ джарашмаз.
  • Къартны бурнун сюрт да, оноугъа тут.
  • Эки элинги тыйсанг, джети элде махталырса.
  • Юреннген ауруу къалмаз.
  • Тулпарлыкъ, билекден тюл – джюрекден.
  • Эшекни не къадар тюйсенг да, ат болмаз.
  • Чёбню кёлтюрсенг, тюбюнден сёз чыгъар.
  • Накъырданы арты керти болур.
  • Керилген да, ургъан кибикди.
  • Юйюнг бла джау болгъандан эсе, элинг бла джау бол.
  • Уллу сёзде уят джокъ.
  • Битмегеннге сакъал – танг.
  • Кёзню ачылгъаны – иги, ауузну джабылгъаны – иги.
  • Урама да – ёледи, сатама да – келеди.
  • Аурууну келиую тынч, кетиую – къыйын.
  • Эли джокъну – кёлю джокъ.
  • Илму – джашауну джолу.
  • Къазанда болса, чолпугъа чыгъар.
  • Бичгенде ашыкъма, тикгенде ашыкъ.
  • Биреуню эскиси биреуге джангы болмайды.
  • Намысы джокъну – дуниясы джокъ.
  • Адам боллукъ, атламындан белгили болур.
  • Джангыз терек къынгыр ёсер.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 35 36 37 38 39 ... 112 След.
Ответы
 
#901
Джаратама0
27.07.2011 17:51:01
Bilal LAYPAN

ЮЧЮНЧЮ ДУНИЯНЫ АДАМЫ

ХХХ

Бир терк къозгъалды да аяз,
Кенгнге ачылды терезем.
Эй, сора, джетди бир ауаз,
Туугъан ? кюндюзден-кечеден.

Турдум кесекни мен къымсыз,
Къараб ма ары ? тышына:
Кёрдюм алайын ажымсыз ?
Ачы джарыды къыбыла.

Анда орамда терекле
Къоша ауазгъа тауушла,
Келгенча салыб мёлекле ?
Тюшген эдим мен таурухха.

Болуб, джырчылай, бир арсар,
Туруб къарадым сейирге:
Шашарча, ачыкъды къадар ?
Кёзюм тюртюлдю Тейриге.

Аяз шошланды алай терк,
Орам ич болду бир къымсыз.
Къалай къалдым болмай тентек,
Эсим бла ётдю минг сагъыш.

Джете тобукъгъа сакъалы,
Тураед кёкде Акъсакъал.
Акъсыл эд бютеу санлары,
Алай агъаралмайды къар.

Ма, сора, къагъа къанатла,
Болуб къымыжа, хауалай,
Анга шыбырдай бир затла,
Къонду къолуна джыджанай.

Бир таб эд саулай тёгерек,
Сынай эди не да зауукъ.
Нюрден нюрлендим да бир бек,
Изледим джаугъа да саулукъ.

Эй, сора, джетди бир аяз,
Ызгъа джабылды терезем.
Ала бла кетди ол ауаз,
Келликмиди, билмейме мен.

ХХХ

Ташайды аргъы джаннга,
Кетди Ай кёзден.
Булгъанды къара къаннга
Бютеу кёрюннген.

Алай а, ма чынг башда,
Тёрюнде Кёкню,
Ачылса булут ара,
Кёреме Кёзню.

ЁЗДЕНЛАНЫ Сапар
05.06.01. Басханстан.

Къалежчи:
?Бу назмула орус тилде болсала, "гениальные стихотворения" деб, джазарыкъ эдиле. Бизде уа, "къайсы болса да бири ангылар" деб, Сапар кеси айтханлай да болгъа эди. Быллай назмула китаб болуб чыкъсала, бизни литературабызны, поэзиябызны джангы дараджагъа чыгъарыргъа себеб боллукъ эдиле. Да не этейик, аны да "къайсы болса да бир ангылар"...

Керти шайыр бу дунияны не ол дунияны адамы тюлдю. Кеси къурагъан сёз дунияда джашайды ол. Алай а, къайсы́ дуния да Сёз бла байламлыды. Сёзден башланады адам улуну тарихи, адам кеси да. Сёзюне, тилине сакъ болмагъанны, тюз турмагъанны, керти болмагъанны, бек болмагъанны ? сыйы къалмайды. Сёзюн, тилин тас этген ? адамлыгъын, халкълыгъын да тас этеди. Аны себебли, миллетни сакълауда поэт энчи орун алады. Поэтни Тейриси Сёздю, тилди ? Сёзге къуллукъ этеди ол. Ахыр шайыр ёлгюнчю, тил (алай демек ? Халкъ) ёллюк тюлдю. Аны себебли, башхасын къойсакъ да, къуру аны ючюн огъуна, поэтге артыкъ эс бёлюнюрге, энчи эс бёлюнюрге керекди.

Аздыла бу затны ангылагъанла, алай а ? бардыла. ?Эльбрусоид? интернет-сайтны форумундан бир юзюкню келтирейик.

Шат - Oкean:
Аза, кючюнг кёб болсун !
Моноблокну да, принтерни да Турна Ауушха келтирдим.
Дуниялыкъда не игилик излей эсенг, Аллах анга тюберча этсин...
Къарачай халкъны аты бла этген саугъанг ючюн, керти, сабийча, къууандым....
Басханстан. Турна Аууш.
Сапар Ёзден.

Океан ? ШАТ:
Биз барыбыз да сабийлебиз.

Сабр ? Oкean:
Шатны къууандыргъан, бютеу поэзиябызны къууандыргъанча бир затды. Шатха игилик этген ? бютеу адабиятыбызгъа, культурабызгъа игилик этеди. Джерни бир этегинде тургъанлай, кесинги усталыгъынг да литература бла байламлы болмагъанлай, миллет культурабызгъа джан аурутханынг ? багъа джетмез затды. Сенича адамлары болгъан халкъыбыз, инша Аллах, тыйыншлы орнун алгъанлай джашар дунияда.

Океан ? Sabr:
?Бир-бирибизни къууандыргъандан башха, не барды дунияда?
Сау болугъуз, сизсиз бизни тилибиз?,- Къочхарланы Аза.

Азаны сёзюню магъанасы терен, айтылгъаны таб болгъанына асры сейирсиннгенден, къайтарыб, чертиб, джазама: ?Бир-бирибизни къууандыргъандан башха, не барды дунияда? Сау болугъуз, сизсиз бизни тилибиз?.

Джырчы-назмучу Сапарны фахмусун ангылаб, иги сёзле да айтыб, компьютер да ийиб, аны кёлюн кёлтюргенди. Тилибизге, поэзиябызгъа, культурабызгъа къайгъыргъандан этгенди бу саугъаны дохтур къыз, ансы джуртдан узакъда, Ингилизде, кесини къайгъысы азмыды Азаны? ?Бир-бирибизни къууандыргъандан башха, не барды бу дунияда?? деб, джашауну магъанасын алай ангылагъан, ?сау болугъуз, сизсиз бизни тилибиз? деб, поэтлеге алай къарагъан бек аз адам болур халкъыбызда. Азача адамла кёбюрек болсала, Сапар китабын чыгъаралмай къыйынлашыб турмаз эди.

Назму джазаргъа фахму керекча, аны окъуб, ангыларгъа, багъалатыргъа да керекди фахму. Аза, кеси фахмулу адам болгъаны себебли, ангылаялгъанды Сапарны Кюн таякълы поэзиясын ? тилибизге, культурабызгъа аны къалай кереклисин да.

?Бир-бирибизни къууандыргъандан башха, не барды дунияда?
Сау болугъуз, сизсиз бизни тилибиз?.
Былай джазады бир таулу къыз Ингилизден.
Кетерлеми бу сёзле эсибизден?

?Сау болугъуз, си́зсиз бизни тилибиз?.
Шайырлагъа алай айтхан болгъанмыды?
Иги сёз ? ол Алхаммыды, балхаммыды?
Иги сёзден кюч алады кёлюбюз.

?Бир-бирибизни къууандыргъандан башха,
Не барды бу дунияда??. Алайды.
Джуртда Джангыз Терек да Къадау Ташха,
Ол сёзлени айта-айта джашайды.
 
 
 
#902
Джаратама0
05.08.2011 18:46:22
Салам !

Бусагъат келликди ол,айтыр энтда хапарла.
 
 
 
#903
Джаратама0
06.08.2011 01:30:16
* * *
16
Джол беригиз адамла
Мычытмагъыз баргъанны
Ант этгенме ма тамбла
Кишенлерге Заманны

Къоюб кетди Заманым
Ийгенимде солургъа
Алай тюлдю къадарым
Бош къалыргъа бошуна

Эркелетсенг керексиз
Хар неде да алайды
Сен къаласа нёгерсиз
Сыйлагъанынг алдайды

Заман менден бош къачды
Тез джанлады иеден
Алай этген терс хатды
Туугъанчады тюз итден

Джол беригиз адамла
Терк къорагъыз аллымдан
Нек билмейсиз къаргъала
Къуш юркмейди къаргъадан.

08.01.02.
 
 
 
#904
Джаратама0
06.08.2011 04:11:44
ШАТ
Ас-салам! Тынч болурса, Аллах айтса.

Кёрюнмегенинге ары-берими кетгенсе экен деб тургъанма.
Джангылыкъ болмаз. Вёрсткангы да джибермедиле не эсе да...
 
 
 
#905
Джаратама0
06.08.2011 15:43:44
Sabr

Саламынг узакъ болсун !
Юй турмуш бир джумушла болдула да, аны бла мычыдым кёрюнмей.
Бир эки кюнню сескекли болдукъ, ырхы келди таудан. шахарны Ырхы Джан деген тийреси тюз ырхны туурасында турады. Башында энтда джыйыла турады дейдиле. Мени джашагъаным да былайдады. Юйню тогъузунчу къатындан ырхыны келирин сакълаб турама.
Башха джаны бла хатам джокъду.
Сашагъа чыгъалмайма, отпускада болуб, бир джары кетген болур.
Джангы хапар болса билдирликме.

Эсенлик излейме, Аллахгъа аманатса.

Сапар Ёзден. Турна Аууш.
 
 
 
#906
Джаратама0
06.08.2011 16:18:33
ШАТ

Тейри, ырхы бек къоркъуулу затды. Тамадала аны къайгъысын эте болмазла ансы, совет властны кёзюуюнде ырхыдан къоркъуу болмаучан шой эди. Бир-эки айгъа юйдегинги да алыб Джёгетейге кетиб къалырча мадарынг болса эди...
Да къайдагъын да сакълаучу Кюч сакъласын сени да.
Эсен кёрюшейик.
 
 
 
#907
Джаратама0
06.08.2011 16:51:21
Ырхы деген а алай келеди,алай келеди, тели- акъыллы да къоркъурча.
Бери сала билмейме ансы суратха- видеогъа алыннган затла бардыла.
Башында кёб зат джыйылгъанды дейдиле, бир иги эркек джангур болгъанлай, ол бары энишге къотарыллыкъды.
Аллах айтса, бек хаталы болмаз, ёлген сабийиме да, ёлген джырларыма да тёзгенме. Мунга тёзерге да Аллах онг берсин.

Кесинг къалайса, Билал ?

Океан да,Тинибек да эсен болурла, не эсе да, форумда да кёрмейме.

Барыгъызны да къучакълайма.

Басханстан.
Турна Аууш.
 
 
 
#908
Джаратама0
07.08.2011 09:22:47
* * *
17

Кюзгюге аралма ой
Чюйреди иши
Солну ол этеди онг
Къарачы иги

Джашаугъа кёб бёлме эс
Джашау да кюзгю
Кёзюу бла берсе да дерс
Бирде ол тюрлю

Адам да кюзгюдю бил
Толуду кеми
Ётгеннге сыйрат юс бла
Андады керти

Анда джокъ мунда кемлик
Алдау кюзгюлей
Анда джокъ эки бетлик
Хар не тюзюнлей.

22.01.11.
 
 
 
#909
Джаратама0
07.08.2011 22:58:22
Хазырлан, ол сеннге келлик, келе турады !
 
 
 
#910
Джаратама0
08.08.2011 14:44:42
Джашауну не тюрлю болумуна да хазырма.
Келе берсин къаллайы да.
 
 
 
#911
Джаратама0
08.08.2011 15:12:30
* * *
18

Айт, дей эсенг, айтайым
Мен юч затны санайым
Бу затланы сен эсингден быргъама
Ёхтемлик бла эсенлик
Андан сора сюймеклик
Насыб башда эм сыйлыла былалла

Миннген кибик терекге
Байлыкъ деген кесекге
Ол терек а сыныб кетед къууланса
Махтаулукъ да бир кёзюу
Ахыр кюню аны кюу
Берилелле ма бу затла джубанчха

Мен барма деб ёхтемлен
Аны билиб бол эсен
Кёк башны да кёк тюбню да сюе бил
Шохай этсенг ючюсюн
Зыраф болмаз бир тюгюнг
Ёлгенде да кюрме болмаз джанда тил.

19.10.01.
 
 
 
#912
Джаратама0
09.08.2011 05:21:50
Кёк башны да кёк тюбню да сюе бил

ariyu
 
 
 
#913
Джаратама0
10.08.2011 12:06:57
Ocean



Эсенлик теджейме !
 
 
 
#914
Джаратама0
11.08.2011 00:54:06
* * *
19

Биреуню бели тала
Биреуню джаны
Биреулен алтын таба
Бири уа ангы

Биреулен семиз джашай
Бири уа арыкъ
Биреулен халал ашай
Бири уа пасыкъ

Хар джан да дуния эсе
Дунияла толу
Бирсиси сауут эте
Бири уа чолпу

Шо Аллахым айтчы бир
Тюзлюк эсенг Сен
Ийманлы джыя битир
Муртат а эсен

Сен байгъа бере эсенг
Джарлыгъа да бер
Хар джанны да этда тенг
Юлюш тюз джибер.

21.10.01.
 
 
 
#915
Джаратама0
11.08.2011 18:41:09
Сапар, в каком возрасте Вы написали эту песню? Если помните, очень интересно было бы узнать историю написания этой песни.

http://media.elbrusoid.com/details.php?image_id=15 32&sessionid=1e4bc6286eda9a507f5391a1f527a975

Тюз ангылай эсем джырны аты "О нарт халкъым" деб алайды. Алаймыды?
 
 
 
#916
Джаратама0
11.08.2011 20:41:13
http://media.elbrusoid.com/details.php?image_id=15 43
 
 
 
#917
Джаратама0
11.08.2011 21:44:36
Сэстренка

Салам !

Сен айтхан джырны аты, фондда джазылгъаны ОСИЯТды.
Халкъда джюрюген аты уа, Сен айтханчады.
Зурият эгечибиз аны бир ариу айтады.
Джырны талай варианты барды. ( Коммунистлен заманында цензураны къалай болгъанын менден эсе иги билесе )
Алдаб къоймайым, 76 - 78 джыллада джазгъан болур эдим дейме.

Эсен бол, джуукъгъа - тенгнге Салам бер.
Фатимагъа официально....



Турна Аууш. Сапар Ёз.
 
 
 
#918
Джаратама0
11.08.2011 21:53:38
Ocean
 
 
 
#919
Джаратама0
11.08.2011 22:10:12
* * *
Чам джыр
20

Кирсиз орамны тютюн бла бокълай
Алкан барады шыша тюб джокълай

Эртден джюрюшю джоргъа кибикди
Ингир атламы тюе кибикди

Неле этсе да къалай этсе да
Таба биледи капек тюмен да

Тюбден башдан да кире биледи
Ата юйю да къуру тюкенди

Мынчакъ орнуна чагъыр шышасы
Тобукъ бюкгени батмакъ арасы

Тенглик тутханы кирли-кирли бла
Некях этгени тели - тели бла

Сюйсе джукълайды сюйсе къобады
Ичсе тенгизди бирде къобанды

Ауаз берсе уа аууз ачарса
Ичиб барса уа кюлюб къатарса

Ичсе келеди къуртлу токълулай
Джашны къартны да ийис бла бокълай

Джашаб барса да чагъыр кефинде
Ахыр къаллыкъды азаб чегиуде

Джашай баргъан а къолу къалтырай
Къалыб кетеди джаны мангырай.
 
 
 
#920
Джаратама0
12.08.2011 11:12:15
ШАТ
Сапар, салам!
Саламынг узакъ болсун, айтырма, тас этмей, суутмай айтырма).

Сен айтхан джырны аты, фондда джазылгъаны ОСИЯТды.
Къайдам тоба)), ол мен фондда керген аты уа "Track 6" - ди))) URL
Кертда бир табсыз болады джырланы атлары джазылмайын номерлери джазылгъаны.

"Осият"-ха 35 джыл болады сора быйыл! МашаЛла, БаракаЛла! Аллах саулукъ, узакъ емюр берсин санга! Джырларынг а энтда джюз джылладан да джырлана, аланы юсю бла къарачайны - нарт халкъны историясы эсде къалыр, деб, мени кезюме алай магъаналы керюнедиле. Кертиси да алай болур.
 
 
 
#921
Джаратама0
12.08.2011 19:45:26
Сэстренка

Сау бол, айтхан алгъышларынгы барыбыз да кёрейик !




456 ? 291

Учады шынкъарт джилтин
Къонуб аязгъа.
Башында булут джыйын-
Башлыкъды таугъа.

Чайкъалады къарт нарат,
Шууулдай бутакъ.
Батыш джанда ай джанад,
Кеси да - чууакъ.

Джырлайды басхан суу да
Джырын таулуну.
Ёлгенни кийик ууда,
Джарсыуун сауну.

Сыйынмайла кёк ичге,
Бир кёбдю джулдуз.
Тие да бири ? бирге,
Агъа къарыусуз.

Болса да гырхы кече,
Джылыды шынкъарт.
Себеди сууукъ терек
Отха чапыракъ.

Табигъат бла, бюгюнде,
Болгъанма татах.
Билеме, мийик джюзде,
Ышарад Аллах.

13.09.05.

Басханстан. Турна Аууш.
 
 
 
#922
Джаратама0
13.08.2011 02:25:18
Китабны баргъаны былайды...

* * *
21

Шош отоуда шошма мен
Алама да теренден
Кесимденди шошлугъуму чуруму
Алай болад ашыкъсанг
Уллу къабыб къарылсанг
Болмазлыкъгъа элтиб урсанг бурнунгу

Узалдым да кёкге мен
Джукъ юзерге ёргеден
Джулдуз бошду туталмадым джарыгъын
Чынгадым да кёкге мен
Къараргъа деб ёргеден
Эсим кете тюз тепбеден джагъылдым

Болмаз джерге чабышсанг
Чабышда да абынсанг
Къыйын болад бери къобхан джангыдан
Кёб абына арысанг
Мыдахлыкъгъа чалышсанг
Тирилиуюнг айнымайды сагъышдан

Шош отоуда шошма мен
Некме былай сорма сен
Хал аманды бир аманды асыры
Кюч иймесе кёк манга
Салынмаса кёл джанга
Ахыргъады сагъышымы ахыры.

19.10.01.
 
 
 
#923
Джаратама0
13.08.2011 13:36:17
EL-HALED, Салам !

Басханстандан, талай кере, Салам ийдим.
Сеннге джетмезча, алагъа, тыйгъыч болгъан, не зат кюч болду?

Къайда болсанг да, эсен бол !

Сапар Ёз.
 
 
 
#924
Джаратама0
13.08.2011 13:57:26
EL_HALED

Бу темагъа къарагъаным сайын- эсимдесе.
Сен эшитмейсе, ансы, алгъышым да кёбдю.

Аллаху Акбар - тюбеширикбиз !

479 - 314
EL_HALEDге

Аламны аргъы джанын, башын эм тюбюн,
Агъартса Уллу Джарыкъ,
Тууады минг кюн.

Кюнле да, кюйедиле, себелей джылыу.
Джылыула, ой недиле?
Джашаугъа тылпыу.

Алам турмуш не затды, магъана да не.
Андан да, шо, не барды,
Джашасакъ терде.

Аргъы джанда не болум, ётсенг ёлюмден.
Анда да, джашау джолунг,
Ётемид, кёрден.

Ой, не этгин, этмеим, сагъышым бир кёб.
Эсни бёлмей не этгин.
Учсуз эсе Кёк.

12.02.06.
Турна Аууш.

Сапар Ёз.
 
 
 
#925
Джаратама0
14.08.2011 02:30:23
Дуниялыкъгъа мен салмайма зарауат.
Зарауат анга кеси-кесинденди.
Иги сагъыш этсенг, алай эскерликсе алайын...
 
 
 
Страницы: Пред. 1 ... 35 36 37 38 39 ... 112 След.
Читают тему (гостей: 6)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.