Войти на сайт
4 Сентября 2026 года

 

  • Билмезни кёзю кёрмез, этмезни къулагъы эшитмез.
  • Тамбла алтындан бюгюн багъыр ашхы.
  • Аман адам элни бир-бирине джау этер.
  • Хатерли къул болур.
  • Ач, тоймам, дейди, тойгъан, ач болмам, дейди.
  • Билгенни къолу къарны джандырыр.
  • Телиге от эт десенг, юйюнге от салыр.
  • Хунаны тюбюн къазсанг, юсюнге ауар.
  • Ариу – кёзге, акъыл – джюрекге.
  • Халкъны юйю – туугъан джери.
  • Ётюрюкню башын керти кесер.
  • Тойгъанлыкъ къойгъа джарашады.
  • Кесине гебен этелмеген, биреуге черен эте эди.
  • Окъугъанны бети джарыкъ.
  • Акъыл бла адеб эгизледиле.
  • Битмегеннге сакъал – танг.
  • Ургъан суудан башынгы сакъла.
  • Чакъырылмагъан къонакъ – орунсуз.
  • Къууут – джелге, берне – бошха.
  • Артына баргъанны, къатына барма.
  • Бетинги сатма, малынгы сат.
  • Элни кючю – эмеген.
  • Берекет берсин деген джерде, берекет болур.
  • Аз айтсам, кёб ангылагъыз.
  • Атынг аманнга чыкъгъандан эсе, джанынг тамагъынгдан чыкъсын.
  • Ётюрюкден тюбю джокъ, кёлтюрюрге джиби джокъ.
  • Чомарт бергенин айтмаз.
  • Нарт сёз къарт болмаз.
  • Тюкюрюк баш джармаз, налат кёз чыгъармаз!
  • Телини эшигин, махтау джабар.
  • Айтханы чапыракъдан ётмеген.
  • Джигер – джаннга къыйынлыкъ.
  • Таукелге нюр джауар.
  • Таула не мийик болсала да, аууш табылыр.
  • Аманны къуугъан, аманлыкъ табар.
  • Бети бедерден, намыс сакълама.
  • Эрине къаргъыш этген къатын, эрнин къабар.
  • Керек ташны ауурлугъу джокъ.
  • Тик ёргени, тик энгишгеси да болады.
  • Татлы сёз – балдан татлы.
  • Сабыр джетер муратха, сабырсыз къалыр уятха.
  • Шапа кёб болса, аш татымсыз болур.
  • Джаханимни кёрмей, джандетге кёл салмазса.
  • Къазанда болса, чолпугъа чыгъар.
  • Ашлыкъны арба юйге келтирир, чана базаргъа элтир.
  • Къызны минг тилер, бир алыр.
  • Кёл – къызбай, къол – батыр.
  • Ат басханны джер билед.
  • Тил – миллетни джаны.
  • Ариу джол аджал келтирмез.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 36 37 38 39 40 ... 112 След.
Ответы
 
#926
Джаратама0
14.08.2011 17:20:38



* * *
22

Къая ыранда бир эчки сюрюу
Эчкиде джокъду бир-бирден юркюу

Ташлы шахарда бир адам сюрюу
Мында адетди бир-бирни кютюу

Кютген адам а джукъну билмейди
Кютюлюб турад аны сезмейди

Хар бир тилчиге экишер тилчи
Эшек мыйылыд хар бир экинчи

Эчки сюрюуде адет ашхыды
Оноу бегитген къуру башчыды

Сюрюу бир эсе адет да бирди
Адет ичинде хар ким эркинди

Адам джыйында джорукъ башхады
Тили узунну иши алгъады

Джашаса эди эчки шахарда
Адам сюрюу а, анда, ыранда.

18.10.01. Басханстан.
 
 
 
#927
Джаратама0
14.08.2011 17:39:41
ШАТ
 
 
 
#928
Джаратама0
14.08.2011 17:42:01
Ташлы шахарда бир адам сюрюу
Мында адетди бир-бирни кютюу


Адам джыйында джорукъ башхады
Тили узунну иши алгъады
 
 
 
#929
Джаратама0
15.08.2011 01:30:48
Ай, Аллах Сеннге эсенлик берсин!
Скайпдан башлаб, къалгъан затлагъа дери, моноблокну джарашдырдыкъ.
 
 
 
#930
Джаратама0
16.08.2011 00:07:15
* * *
23

Кюз айлай болубса бир такъыр
Сёз бла мен болалмайма эсеб
Сора къуй эринме да чагъыр
Зауукъну башларбыз биз эслеб.

Хар болгъан тюшер да туурагъа
Хар боллукъ келир джууугъуракъ
Биз алгъыш къуярбыз дуниягъа
Ёлюмню да этмей учхаракъ.

Къойчу къой сен болмачы такъыр
Ма кёресе кюз да бир ариу
Сагъышны тюбюн этген чагъыр
Ол барда о не затды джарсыу

Бары да болгъан иш аламат
Бир джары о тартмачы салах
Кюз кетди деб этме къазауат
Этгенин кеси билед Аллах.

17.10.01. Орта Къарачай.
 
 
 
#931
Джаратама0
16.08.2011 00:46:25
Ай, Аллах Сеннге эсенлик берсин!
Амин Аллах! Айза!))))

Скайпдан башлаб, къалгъан затлагъа дери, моноблокну джарашдырдыкъ.

ШАТ
Сапар! Тохтагъыз, кишиге селешмей туругъуз))), биринчи меннге селеширсиз!!!))))))))
 
 
 
#932
Джаратама0
16.08.2011 13:00:04
Сэстренка

Салам !

Эсен болурса, Аллах айтса!

Хоу,биринчи Сени бла сёлешейим. Гитарамы да хазыр этгенме.

Прямой эфирде талай джыр да айтырма.

Эсенлик излейме !



Сапар Ёз.
 
 
 
#933
Джаратама0
16.08.2011 15:41:37
ШАТ
Сапар, салам!)
АлхамдулиЛла эсенме, Аллах тынчлыкъ-эсенлик берсин сизге да.
Эх, не осилила я технику((. Разы бол, Сапар, джолгъа чыгъаргъа керекме, ишни юсю бла барама, къалырча тюлдю(.
Аллах огъурлу этсин техникангы, скайпынга да къуру да къууанч хапарла келиб турурча этсин!
 
 
 
#934
Джаратама0
16.08.2011 16:27:46
ШАТ

Alamat!

On-line translyatsiya biteu forumg`a eterge bollu`kmudu?
 
 
 
#935
Джаратама0
16.08.2011 19:24:28
Сэстренка

Сау бол, алгъыщларынг барыбызгъа да джетсин !
Ишингден къууан !

Кесингден хапар билдире тур.
 
 
 
#936
Джаратама0
16.08.2011 19:25:45
У меня друг один в один пел песни Сапара в студенческие годы))
 
 
 
#937
Джаратама0
16.08.2011 19:29:03
Ocean

Видеокамерасы, неси да ишлейди. Боллукъду трансляция этерге.

Алай а, мени трансл. кимге керекди, не уа форумну иеси аны огъурарыкъмыды ?

Эсенлик излей
Сапар Ёз.
 
 
 
#938
Джаратама0
16.08.2011 19:42:08
ШАТ



da har kim kelip kolyune kelgenin djazadi minda, seni auzinga tinglasak` ne bolluk`tu, neda seni enemliking religiozniy deyatelyadan azg`ami sanaladi?
 
 
 
#939
Джаратама0
16.08.2011 19:44:37
Hotim on-line Koncert Sapara Uzdenova!!!!
 
 
 
#940
Джаратама0
17.08.2011 00:14:20
Айтыр затым а кёб эди.
Алай а, мени айтханым, бир къауум адамгъа тик барлыкъды.

Айтыр затыма а кёб эди.
Алай а, мени айтханым кимге керекди.
 
 
 
#941
Джаратама0
17.08.2011 04:35:55
Hotim on-line Koncert Sapara Uzdenova!!!!

Лучше поздно, чем никогда!
 
 
 
#942
Джаратама0
17.08.2011 04:41:55
Айтыр затым а кёб эди.
Алай а, мени айтханым, бир къауум адамгъа тик барлыкъды.
Айтыр затыма а кёб эди.
Алай а, мени айтханым кимге керекди.


Джукъ айтыргъа керекмиди?
Назмуларынгы окъусанг, джырларынгы джырласанг да джетерик болур.
Алада хар не да айтылыбды!
 
 
 
#943
Джаратама0
17.08.2011 14:13:30
Sabr

Салам !

Эсен болурса, Аллах айтса.
Мени да джокъду хатам, биягъы эски къагъытла бла кюрешеме.
Моноблокда интер кетиб къалады, аны бла сёлешмей турама.
Бу эки кюнде, хар несин да, иги этерикдиле.
Китабны хакъындан джангылыкъ джокъду.

Эсен бол, Билал !
 
 
 
#944
Джаратама0
17.08.2011 19:35:35
Бу да, былайда барсын.


* * *
24

Тюшюмде тюшсем а мен тюшгге
Кёз къамар алайды бир джарыкъ
Аллай зат кёрюнмейди тюнде
Ай джарыкъ анга кёре джазыкъ

Аллай зат кёрюнмейди тюнде
Шаркъ таба кёксюл къатыш кимит
Бек джашил башдача эм тюбде
Къан тору кёкде да бир кийик

Гюл джашнау алады да эсни
Сора мен джатама ханслагъа
Унутуб тюзнюча хар терсни
Шам сёзле теджейме Аллахгъа

Сора не тебрейди джабалакъ
Къарчыкъла да тюлдюле сууукъ
Хар неге къарайма осмакълаб
Мен джукъда да кёрмейме бузукъ.

Тюшюмден тюшсем а мен тюннге
Бурулуб хар не да чюйреге
Джокъ салам саугъа не ёлгеннге
Дуниямы хазырма чюйлерге.

17.10.01.
 
 
 
#945
Джаратама0
18.08.2011 01:29:34
Сапар ЁЗДЕН

ХХХ

Джукъумда тюшсем а мен тюшге,
Кёз къамар алайды бир джарыкъ.
Аллай зат кёрюнмейди тюнде,
Ай джарыкъ анга кёре - джазыкъ.

Аллай зат кёрюнмейди тюнде -
Шаркъ таба кёксюл къатыш кимит.
Бек джашил - башда эм тёбенде,
Къантору кёкде да бир кийик.

Гюл джашнау алады да эсни,
Сора мен джатама кырдыкга.
Унутуб, тюзнюча, хар терсни,
Шам сёзле теджейме Аллахха.

Сора не - тебрейди джабалакъ,
Къарчыкъла да тюлдюле сууукъ.
Хар неге къарайма осмакълаб,
Мен джукъда да кёрмейме бузукъ.

Тюшюмден тюшсем а мен тюннге,
Бурулуб хар не да чюйреге,
Джокъ салам - саугъа не ёлгеннге -
Дуниямы хазырма чюйлерге.

Нени юсюнденди бу назму??????????????????????????????????????
 
 
 
#946
Джаратама0
18.08.2011 01:53:03
Нени юсюнденди бу назму?

Хурзукну, Мараны, Чапай элни юсюнден да тюлдю. Къарачайгъа, Малкъаргъа да къурман болайым деб да айтылмайды. Алай болса, Тау этегинде джырланнган бир джырчыкъ болуб къаллыкъ эди.

Бу назму уа къайсы тилге кёчюрюлсе да, назмулай къаллыкъды. Хар окъугъан - башха джерли, башха тилли, башха динли болса да - кесича ангыларча, сагъышланырча, бир магъана табарыкъды. Джети къат Кёкча, назму джети къатлы болмаса, аны поэзия дараджасы мийик болалмайды. Сёз бир джерге байланыб къалса, къанатлы сёз болалмайды, учалмайды. Сапарны назмулары тагъылгъан назмула тюлдюле - андады аланы аламатлыкълары...

Тизгинледе басым бузулмай баргъаны уа? "Чюйреге - чюйлерге" дегенча аламат рифмала уа?

Сапарны быллай сейир поэзиясын эслеялмагъан адабиятчыларыбызгъа, культура, басма къуллукъчуларыбызгъа не айтыргъа билмейме: айтаса да - эшитмейле, айтмай тынгылаб да туралмайса. Эшда, бу да ана тилибизни, миллет культурабызны не халда болгъанын кёргюзтген зат болур.
 
 
 
#947
Джаратама0
18.08.2011 19:40:52


Sabr

Былай бек махтама, къауумла шашаргъа боллукъдула.
Сора, дагъы да, бери тишле чакъдырлыкъдыла.
Мен а, аллай къутсуз затланы кёре эрикгенме.
 
 
 
#948
Джаратама0
19.08.2011 11:22:28
Мики, Салам !

Уллу - гитче да эсен болурсуз.

Нек кёрюнмейсе. Ол джумушну юсюнден, бир хапар айтсанг, огъайым- джокъ эди.
Эсенлик излей
Сапар Ёз.
 
 
 
#949
Джаратама0
19.08.2011 13:34:14
Тынгылачы бери, ойюмлашчы мунга.

493 ? 328

Шагъат мынга танг алада джангы чирчик
Ахыр чапракъ, джангыз къалгъан терекде
Отха, бузгъа зарланмадым, кесим билиб,
Бир бергеннге, эки бердим, бергенде.

Шагъат мынга -танг алада джангы къарчыкъ
Ахыр къарчыкъ, эрий тургъан джазгъыда.
Чалман юйде белляу эштген сары джашчыкъ
Джырчы ишде хан-бий болду халкъында.

Шагъат мынга ана сютден джангы уртлам
Ахыр сагъат, къонакъ болгъан кёзлеге.
Хаджи болуб, ичмесем да зем-зем суудан
Къаты Ийнам,бегиб турад, джюрекге.

Шагъат мынга, адам бетли тууар джыйын,
Кюн таягъы, тангны джыргъан эртденде.
Кесим билиб, ашамадым шайтан къыйын.
Мёлек хакъ да, ашамадым, мен, кёкде.

Бармакъ бюгюб, санамадым ачха тизгин.
Джыр юзюк а, мен кёб къойдум миллетге.
Шагъат мынга, джаз алада джангы чирчик,
Ахыр чапракъ сыртдан тюшген ма джелге.

02.03.06.

Сапар Ёз.
 
 
 
#950
Джаратама0
20.08.2011 02:35:07
* * *
25

Итден туугъан биреулен
Иги уруб кендирген
Солгъа-онга аман сёзле ынгырдайд
Тура-туруб адамлай
Тауушу да азанлай
Тёгерекге итлесиз деб къычырад

Чотну кёрюб бир къатын
Къаблан этиб атламын
Ай пасыкъ деб муну таба джол алды
Тез онг къолну керди да
Ит джухуна берди да
Мылы джерге тюз сыртындан къаблады.

Кесек туруб кендирчи
Кеси-кесин эскерди
Ол заманнга чыгъыб эди кёкде ай
Эсин джыйыб къараса
Башын салыб ма мынга
Джата эди кеси кибик бир калкай.

30.09.01.
Турна Аууш.
 
 
 
Страницы: Пред. 1 ... 36 37 38 39 40 ... 112 След.
Читают тему (гостей: 11)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.