Войти на сайт
27 Июня 2026 года

 

  • Сёз садакъдан кючлюдю.
  • Алма терегинден кери кетмез.
  • Керилген да, ургъан кибикди.
  • Кёб къычыргъандан – къоркъма, тынч олтургъандан – къоркъ.
  • Къазанда болса, чолпугъа чыгъар.
  • Адам къаллай бир ишленмесе, аллай бир кесин уллу кёреди.
  • Окъугъанны бети джарыкъ.
  • Гугук кесини атын айтыб къычыргъанча, мен, мен деб нек тураса?
  • Чакъырылмагъан къонакъ тёрге атламаз.
  • Суу ичген шауданынга тюкюрме.
  • Нёгерсизни джолу узун.
  • Келгинчи, къонакъ уялыр, келгенден сора, къонакъбай уялыр.
  • Аякъларынгы джууургъанынга кёре узат.
  • Джаз бир кюнню джатсанг, къыш талай кюнню абынырса.
  • Асхат ашлыкъ сата, юйдегиси ачдан къата.
  • Байлыкъдан саулукъ ашхыды.
  • Кесинг сынамагъан затны, адамгъа буюрма.
  • Ишин билген, аны сыйын чыгъарады.
  • Элде адам къалмаса, ит тахтагъа минер.
  • Къонагъы джокъну – шоху джокъ.
  • Чыкълы кюнде чыкъмагъан, чыкъса къуру кирмеген.
  • Тойчу джашха къарама, къойчу джашха къара.
  • Бет бетге къараса, бет да джерге къарар.
  • Телиге от эт десенг, юйюнге от салыр.
  • Алим болгъандан эсе, адам болгъан къыйынды.
  • Байны оноуу, джарлыгъа джарамаз.
  • Насыб бютеу халкъны юлюшюдю.
  • Адамны аманы адамны бети бла ойнар.
  • Айраннга суу къош, телиге джол бош.
  • Тил – кесген бычакъ, сёз – атылгъан окъ.
  • Элге къуллукъ этмеген, элге ие болмаз.
  • Сёлеш деб шай берген, тохта деб, сом берген.
  • Ишлегенде эринме, ишде чолакъ кёрюнме.
  • Къонакъны къачан кетерин сорма, къачан келлигин сор.
  • Билмезни кёзю кёрмез, этмезни къулагъы эшитмез.
  • Аманнга игилик этсенг, юйюнге сау бармазса.
  • Кюл тюбюндеги от кёрюнмейди.
  • Ариу сёз джыланны орнундан чыгъарыр.
  • Ашын ашагъанынгы, башын да сыйла.
  • Къан бла кирген, джан бла чыгъар.
  • Сабий болмагъан джерде, мёлек болмаз.
  • Окъуусуз билим – джокъ, билимсиз кюнюнг – джокъ.
  • Иги сеники эсе да, сюйген кесимикин этеме.
  • Ойнай-ойнай кёз чыгъар.
  • Тюз сёз баргъан сууну тыяр.
  • Танг атмайма десе да, кюн къоярыкъ тюйюлдю.
  • Ариу – кёзге, акъыл – джюрекге.
  • Ишленмеген джаш – джюгенсиз ат, ишленмеген къыз – тузсуз хант.
  • «Ма», - дегенни билмесенг, «бер», - дегенни билмезсе.
  • Татлы сёз – балдан татлы.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 37 38 39 40 41 ... 112 След.
Ответы
 
#951
Джаратама0
20.08.2011 14:39:21
Sabr

Салам !

Эсенлик - рахатлыкъ излейме. Игисе деб, ышанама.

Мени да джокъду хатам, Аллахха шукур !

Бусагъатда Сашадан хапар алдым. Воронеждеди, келир ыйыкъда Батча улугъа тюберикди.

Сеннге да,рахатлыкъ теджей, Салам береди. Ол къагъытланы сеннге табдырыр хапар да айтды.
Юйде, барына, Салам бер.

Къучакълайма.
Джарыыкъ бетли тюбешейик !

Сапар Ёзден. Турна Аууш.
 
 
 
#952
Джаратама0
20.08.2011 15:37:42
ШАТ
Алейкум салам!
Сакълайыкъ. Аллах айтса, иш орнундан тюбер.
Эгеч да, халкъ Москвагъа джыйыла эсе, дуниягъа болушуучу бла сёлеширча билдиргенди. Кёрейик.
Сашагъа мени адресими бер:bilallaypan@hotmail.com
Шимал Джолоучу.
 
 
 
#953
Джаратама0
20.08.2011 21:50:04
Sabr

Билал Хаджи, Сашагъа адресинги билдирдим.

Сора, къарарса да, ол сеннге джетген джумушну, рахатлы бир эт.
Къалгъан ишибиз а - Аллахны къолундады.

Дуния игилик теджей

Сапар Ёзден. Басханстан. Турна Аууш.
 
 
 
#954
Джаратама0
21.08.2011 02:01:54
* * *
26

Бир ёмюрню ахыры
Бирсини аллы
Бир ёмюрню ашхамы
Бирсини тангы

Биринден бирге кёчюу
Болса да сейир
Тохтамады къан тёгюу
Адам энтда кир

Дуниягъа оноу этген
Муртат бла тентек
Былагъа темир четен
Олду ма керек.

Башланнган къанлымыды
Боллукъмуд башха
Ушамай къаллыкъмыды
Къарнаш къарнашха.

28.29.01.
 
 
 
#955
Джаратама0
21.08.2011 20:57:37


 
 
 
#956
Джаратама0
21.08.2011 23:09:20
ШАТ
Салам!

Сашадан келген зат джокъду. Юйюнде интернети, компьютери бар эсе - китаблыкъны манга ийген - такъыйкъалыкъ ишди. Джокъ эсе - шахаргъа чыгъыб, интернет-кафеден ийген да, кёб заман аллыкъ тюлдю. Вёрстка этилмей тура эсе уа - не айтыргъа да билмейме.
Не эсе да - къол джазманг манга джетсе - этилликни терк этиб, ызына ашырлыкъма. Къайгъылы болма. Келгенлей, билдирирме.
 
 
 
#957
Джаратама0
22.08.2011 11:59:07
Бара-барса,бир джерден бир зат чыгъар...

Лайпанланы Билалгъа эртденнги сёзюм.

25

Турна Ауушда,
Бу джел тауушда,
Эсим мени бурунлагъа ташайгъанд.
Ёлген джырым да,
Сау къалгъаны да,
Бурунлача, узакъ джерде ташадад.

Тырны Ауушда,
Бу джел тауушда,
Бюгюн халны, сора эсенг, сен менге.
Саным джердеди,
Эсим кёкдеди,
Эсим кибик, джан да къачды ёргеге.

Тырны Ауушда,
Бу джел тауушда,
Зауукъмуду, дженгилдиле санларым.
Шахар ичинден,
Шашхан миллетден,
Къаныкъ эдим, иги болду къачханым.

Тырны Ауушда,
Бу джел тауушда,
Мен къалайма, киши билмейд халымы.
Джангы тангымда,
Джангы ангымда
Бише турад джангы джыры халкъымы.

04.10.98.
Басханстан. Турна Аууш.
 
 
 
#958
Джаратама0
22.08.2011 17:02:03
Пушкинни 175 джылны мындан алгъа джазылгъан назмусу эсиме тюшдю

ПАМЯТНИК

Я памятник себе воздвиг нерукотворный,
К нему не зарастет народная тропа,
Вознесся выше он главою непокорной
Александрийского столпа.

Нет, весь я не умру ? душа в заветной лире
Мой прах переживет и тленья убежит ?
И славен буду я, доколь в подлунном мире
Жив будет хоть один пиит.

Слух обо мне пойдет по всей Руси великой,
И назовет меня всяк сущий в ней язык,
И гордый внук славян, и финн, и ныне дикой
Тунгус, и друг степей калмык.

И долго буду тем любезен я народу,
Что чувства добрые я лирой пробуждал,
Что в мой жестокий век восславил я свободу
И милость к падшим призывал.

Веленью божию, о муза, будь послушна;
Обиды не страшась, не требуя венца,
Хвалу и клевету приемли равнодушно
И не оспоривай глупца.
 
 
 
#959
Джаратама0
23.08.2011 16:51:06
ШАТ

http://www.elbrusoid.org/phorum/index.php?action=v thread&forum=8&topic=12282&page=8

Былайда, "Мудрые песни и стихи для мудрых" деген темада орус тилде талай назмунг салыныб турады.
Ала къайдан алыннган болурла эмда орус тилге ким кёчюргенди экен?
 
 
 
#960
Джаратама0
24.08.2011 16:49:39
Sabr

Салам!

Эсен болурса,Аллах айтса !

Билал, назмуланы Володя кёчюрте тургъанды. Эсингдемиди, общагада Хамзатны хоншусу.
Тольяттиде " ГОРОД" журналны редакторуду. Дипломный подстроч. бир экземпл. Володяда эди. Хапарым да болмай тургъанлай этилгендиле
переводла.
Джугъунг да керек тюлдю, ий построч. дейди. Мена, кесим, джюрегим сюйгенча эталмайма.

Этерик эсем да, переводла деб,уллу талпыгъан джерим джокъду.

Бери, форумгъа да, интерн. алыб салгъан болурла.

Эсен кёрюшейик !
Сапар Ёз.
Басханстан. Турна Аууш.
 
 
 
#961
Джаратама0
25.08.2011 17:28:56
* * *
27

Аралгъанды акъ тубан
Тауладан элге
Эй аны бери къуугъан
Тюшюргенд терге

Ёргеси акъсыл бетли
Тюбю къаралдым
Этекле шимал джелли
Ара джаны дынг

Батыш джан эниш сюрем
Олбир джан терсге
Къайда тубаннга джюген
Джолу джер-джерге

Тюрленди хауа болум
Башланады кюз
Таулада тубан оюн
Анданды сёзсюз.

16.09.01.
 
 
 
#962
Джаратама0
26.08.2011 00:40:46
Sabr

Джукъумда тюшсем а мен тюшге,

Тюшюмде тюшсем а мен тюшге.

Ангылашыргъа сен редактировать этген табды.

Мен а кесими халымы айтайым. Мен тюшюмде кёб кёреме тюш.

Ийнан СЁЗЮМЕ - ХАКЪДЫ.
 
 
 
#963
Джаратама0
26.08.2011 01:29:37
ШАТ

Воля автора священна и никто не может лучше знать автора, почему строка написана так, а не по-другому. Поэтому так нужен "Скайп". Но если не работает Skype, будем делать так: как получу вёрстку, отредактирую и отправлю тебе. Посмотришь, внесешь свои изменения и сам отправишь по нужному адресу. Так что, все будет ОК.
 
 
 
#964
Джаратама0
27.08.2011 03:44:19
Салам, Билал !
Иги болурса деб, ышанама.

Мени да джокъду хатам, Аллахха Шукур !
Саша бла сёлешдим.
Бу эки кюнде вёрстканы аллыкъса.

Эсенлик теджей

Сапар Ёз.
 
 
 
#965
Джаратама0
27.08.2011 03:58:13
Алейкум салам, Сапар!

Бу эки кюнде вёрстканы аллыкъса.
Аламат. "Skype" ишлерча этерге бир кюреш. Тырнауузда мен билген компьютер уста бар эсе, бир сагъыш этейим. Табылмаса да, аны ючюн ишни асхатмазбыз.
Аллах кюч берсин барыбызгъа да.
Шимал Джолоучу.
 
 
 
#966
Джаратама0
27.08.2011 07:28:38
Къарангыды алкъа. Кёкде уа джулдула бир ачыкъдыла. Джылтырагъанлары чууакъды, бу хал къачны джууукъ болгъаныны шартыды.
Тюнене сау кюнню джаууб турду. Энди тубан чачылгъанды.Анда, мийикде, къарангы кёкге тюртюлген джерде богъан акъды.
Сора, къар тау башланы къой, этеклени да агъартханды.
Таулагъа къач келди.
 
 
 
#967
Джаратама0
29.08.2011 09:06:45
* * *
28
Къачхы таулада къачхы шахарда
Къачхы орамда къачхы адамла

Къачхы чегетде къачхы терекле
Къачхы терекде къачхы кёгетле

Джити башлада мермер чыранла
Чууакъ кёкде да акъсыл зурнала

Къууанчды кюз да сюе билгеннге
Насыбды къач да аны сюйгеннге

Кючленчин джаным къачхы асыуудан
Уянчы тангча джайгъы къалкъыудан

Келир кюзге да былай тюберге
Тилек ийейик Алтын Тейриге.
 
 
 
#968
Джаратама0
30.08.2011 00:35:31
Sabr

Салам !

Саулукъ - эсенлик иги болур деб ышанама.
Мени да джокъду хатам.

Саша джукъ ийдими сени таба.
Алгъан эсенг, къыйналсанг да, джангыдан бир къат сюрмелеб бир чыкъ назмуланы.

Этген игилигинги, ангылаб- билиб турама.

Къууанч бетли тюбеширге Аллах буйюрсун !!!

Сапар Ёз. Турна Аууш.
 
 
 
#969
Джаратама0
30.08.2011 01:28:32
ШАТ
Салам!

1.Саша манга ийгенин санга да ийген болур. Ол верска программада мен джукъ тюрлендиралмайма. Сашагъа джазгъанма:для того, чтобы вносить поправки в текст, мне нужен файл с разрешением .doc, набранный в программе Microsoft Word. Сен Сашагъа назмуланы ийген программады ол. Мен анда назмуларынгы редактировать этиб чыкъсам, Саша биягъы программасына алай салыр.
2.Назмуланы башчыкъларына бир белгичикле салынса иги боллукъ эди, къуру санла салыныб бармай.
3.Ал сёз джокъду - артда салынныкъ тюл эсе. Алай а, анга да къараргъа керек боллукъду.
4.Саша бу вёрстканы къагъытха тюшюрюб, керекли адамлагъа тюберге боллукъду - заманны тас этмез ючюн. Не да - халатларын тюзетгенибизден сора, хар неси да типографиягъа барырча болгъандан сора.
Меннге джетгенни, созмай тындырлыкъма. Аллах айтса.
 
 
 
#970
Джаратама0
30.08.2011 02:23:03
Sabr

Билал, Саша энтда юч-тёрт ккюннге Воронежге кетеди.
Экисине, эгечден туугъанлагъа да джибергенди Вёрстканы. ( Борислеге айтама )

Бу джумушну бир джанына бир болмагъанын кёремисе.

Эсенлик !
 
 
 
#971
Джаратама0
30.08.2011 05:52:45
ШАТ

Оллахий, вёрстканы электрон адрес бла ийгенден хайыр болмаз. Къагъытха тюшюрюб, 500-чапракълыкъ назму джыйымдыгъынгы алыб барыб, бетден бетге сёлешсе иги боллукъ эди Саша. Халатларын артда тюзете да барырбыз - ала алай кёб да тюлдюле. Охо да, юч-тёрт кюнден къайытырыкъ эсе.
Сау тангнга.
 
 
 
#972
Джаратама0
31.08.2011 01:58:31
Sabr

Сентябрда, бизге керекли адамла, ишлерине бир келлик болурла.
Саша да джумушундан бир къутулсун, сора, анга кёре, этербиз къалгъанны.

Эсен бол !
 
 
 
#973
Джаратама0
01.09.2011 01:21:42
Китабны къалгъаны былай барады....

* * *
29

Айтылады, эски юйде, эски макъам
Тышында уа ойнай джелде къарчыкъла
Игимисе, мен бек сюйген, сыйлы адам
Батыбмыса, мени кибик, къайгъыгъа

Эй, огъесе, джашаймыса зауукъ эте
Къатынгда да мыс-мыс эте мыйыкълы
Сен къалайса, бусагъатда, ингир джете
Сылаймыса тюксюз башын сылыкъны

Турамыды тил учунгу къаргъыш ууу
Ол сау эсе, ол, аны да, къурутур
Кимге бердинг юсюнгдеги адам къутну
Къутунг сени Ибилисни джунчутур

Эсге тюшюб алдынг эсни сормай менге
Унутдуруб, ариулугъун, макъамны
Къора менден, санамайма, энди, тенге
Сылай берчи тюксюз башын джартыны.

29.12.98.
 
 
 
#974
Джаратама0
01.09.2011 05:30:48
ШАТ

Дата: 18 Авг 2011 16:40
Былай бек махтама, къауумла шашаргъа боллукъдула.
Сора, дагъы да, бери тишле чакъдырлыкъдыла.
Мен а, аллай къутсуз затланы кёре эрикгенме.

Бусагъатда эслей турама. Махтагъанмы этеме, къайда бир къарайыкъ:

"Бу назму уа къайсы тилге кёчюрюлсе да, назмулай къаллыкъды. Хар окъугъан - башха джерли, башха тилли, башха динли болса да - кесича ангыларча, сагъышланырча, бир магъана табарыкъды. Джети къат Кёкча, назму джети къатлы болмаса, аны поэзия дараджасы мийик болалмайды. Сёз бир джерге байланыб къалса, къанатлы сёз болалмайды, учалмайды. Сапарны назмулары тагъылгъан назмула тюлдюле - андады аланы аламатлыкълары...

Тизгинледе басым бузулмай баргъаны уа? "Чюйреге - чюйлерге" дегенча аламат рифмала уа?

Сапарны быллай сейир поэзиясын эслеялмагъан адабиятчыларыбызгъа, культура, басма къуллукъчуларыбызгъа не айтыргъа билмейме: айтаса да - эшитмейле, айтмай тынгылаб да туралмайса. Эшда, бу да ана тилибизни, миллет культурабызны не халда болгъанын кёргюзтген зат болур".

Былайда махтау сёз, харс джокъду, кертиси айтылгъан болмаса. Керти поэзия къаллай болургъа керекди дегенни ангылатыргъа кюрешгенме.
Махталыргъа тыйыншлы болуб, биз эслемей тургъан назмула, назмучула бар эселе - бери, арагъа, бир чыкъсынла. Бир кёрейик, къууанайыкъ.

Тишлерин чакъдыргъанла бар эселе уа, не этейик. Джангыз, джашыртын къабаргъа кюрешмесинле да, айтырларын ачыкъ бир айтсынла. Алай тюл эсе уа - ат чабса, ит чабады. Хар ким кесини ишин этеди. Аны ючюн сен назму джазгъанны къоймазса, мен да сени да, башхаланы да поэзияларын сюзерими къоймазма.

Алай а, къарайма да назмучу-джазыучу болуб, бу форумда экибизден сора кишини эслемейме. Къалгъанла бу форумгъа нек кирмегенлерин, акъылман сёзлерин нек айтмагъанларын а билмейме - компьтерлери, интернетлери болмаз, айыб этерча да тюлдю: джылы 50-ден атламагъан бизде джазыучу джокъду.

Бизни литературабыз бла ким кюреширикди тамбла - бек къоркъуулу заманлагъа джетгенбиз.
 
 
 
#975
Джаратама0
01.09.2011 17:07:04
ШАТ
Бир заманда сен да "детская спортивная школа Олимпийского резервада" шой эдинг. Былайгъа бир къара:
http://www.elbrusoid.org/phorum/index.php?action=v thread&forum=22&topic=12372&page=21
КЧР-де не бола турады деген темагъа. Бу статьяда айтылгъаннга не дериксе? Къарачай спортсменлеге КЧР-де джол болмагъаны кертимиди?
 
 
 
Страницы: Пред. 1 ... 37 38 39 40 41 ... 112 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.