ШАТ

4.Сени бир назмунг барды: Кёкню алты къатына гитарангы алты къылы чыгъарыр, джетинчиге уа - иман.
Китабны 7 кесекге юлешсенг: биринчи бёлюмде гитараны бир къылы юсюнде бир джазыу бла (назму тизгин дейик); экинчи бёлюмде гитараны экинчи къылы - анда да бир башха джазыу. Алай эте, алтынчы къыл бошалады, аны ызындан а - джетинчи бёлюм: алайда иманны графически кёргюзтюрге керекди, юсюнде да бир джазыу бла. Айтыргъа, бир художник-график керекди. Ким биледи, Атаев эталырмы?
Алай бла китабны бёлюмлери сени рухунгу Кёкге чыгъыб баргъанын кёргюзтюрге керекдиле - Джангы Джёгетейден Эски Джетегейлиге дери. Сагъыш эт.

Sabr ;

ШАТ

4.Сени бир назмунг барды: Кёкню алты къатына гитарангы алты къылы чыгъарыр, джетинчиге уа - иман.
Китабны 7 кесекге юлешсенг: биринчи бёлюмде гитараны бир къылы юсюнде бир джазыу бла (назму тизгин дейик); экинчи бёлюмде гитараны экинчи къылы - анда да бир башха джазыу. Алай эте, алтынчы къыл бошалады, аны ызындан а - джетинчи бёлюм: алайда иманны графически кёргюзтюрге керекди, юсюнде да бир джазыу бла. Айтыргъа, бир художник-график керекди. Ким биледи, Атаев эталырмы?
Алай бла китабны бёлюмлери сени рухунгу Кёкге чыгъыб баргъанын кёргюзтюрге керекдиле - Джангы Джёгетейден Эски Джетегейлиге дери. Сагъыш эт.

Билал, не аламат оюм айтдынг, керти, мен сюйгенча, китаб боллукъ эди алай болса.
Ёска да эталлыкъ эди, аны бла уа эртдеден бери тюбешмегенме, хапарсызма..
Этеме десе, Айнар бек таб этерик эди.
Сашагъа, Айнаргъа да ий- деген эдим вёрстканы..
Айнаргъа бир айтайым...

Саулукъ - Эсенлик.

Сапар Ёз. Турна Аууш.

Кюндюз а тюшюм
Айланады джарлы джаным абына

Bilal LAYPAN

КЪАДАУ ТАШДА КЪЫЛ КЪОБУЗ
Ёзденланы Сапаргъа ? Джырчыгъа

Суу джанында Къадау Ташда,
Кесилген Джангыз Терекни къатында,
Кимден эсе да къалыб кетген
Зынгырдайды къыл къобуз.

Кюнде джылтыраб кеси да,
Къаматады кёзюмю.
Аны сокъгъан кюн таякъды,
Кюн таякъны тутхан къол а ?
Кёрюнмейди ? Кёкдеди.

Кюн, булутха кирсе да,
Ол зынгырдайд тохтамай.
Къачхы аязны джазгъы къолу
Сылайд аны аяулу.

Бюгюн а къыл къобузда
Мен кёрдюм илячинни:
Огъесе,
О́л ? къанатлана́ тургъан ?
Къыл къобузну джанымед?

Къадау ташны юсюнде
Зынгырдайды къыл къобуз.
Зынгырдайды тауушсуз,
Алай а, эшитеме мен.

Нени эшитеме мен:
Джангыз Терекни джырын, кюуюн да;
Минг джылны тынгылаб тургъан,
Кёб палахны сынаб, чыдаб,
Ичинден, тышындан да кюйюб,
Къаралыб, къатыб тургъан,
Къадау Ташны ауазын, сёзюн да.

Къыл къобузну согъады табигъат:
Тынгылайма Къадау Ташха, Джангыз Терекге.
Саугъа, ёлгеннге да тынгылайма,
Туру, таша дуниягъа да тынгылайма,
Эки дуниягъа да тынгылайма,
Ангыларгъа кюрешеме Кёкню, джерни да.

Зынгырдайды къыл къобуз тохтаусуз.
Къыллары асры къызгъандан,
От тиллеге ушайдыла бир-бирде.
Алагъа суу тамчыларын чача да, сууута,
Къыл къобузну суусабын да кесе,
Кетиб барады Къобан да тохтаусуз.

Ата джуртду джюрекни ашы:
Къобанны
Ичеме сууун, джалайма ташын.
Къыл къобуз зынгырдайды, уята эсими.
Кетиб баргъан Къобан сууда,
Тохтаб тургъан Къадау ташда,
Кесилген Джангыз Терекде да
Кёреме кесими.

Къыл къобуз а зынгырдайды.
Кёкдемид, джердемид ? къайдады ?
Билмейме, аны иеси.
Кимди иеси ? аны да билмейме.

Бир-бирде къулагъыма
Таныш джер макъам, сёз да келеди:
?Тауларыбыз тебмесинле,
Къартларыбыз ёлмесинле,
Тургъаныча турсун Таш, Агъач?.

Кёбюсю уа,
Джети къат Кёкден эне келген,
Дуния энди эшитирик
Макъамладыла, Сёзледиле.

Къыл къобузну къылларына тийиб,
Аланы зынгырдатыб, тиллендириб,
Дунияны тёрт джанына чачылгъан
Ол джарыкъны
Къалай эслемейсиз сиз?
Къадер кечени джарыгъыча бир затды ол.

Къадау Ташны юсюнде зынгырдай тургъан къыл къобуз.
Аны тауушу Ауалгъа, Ахыргъа да джетиб,
Къалюбаладан, Ахырзамандан да айтады хапар.

Таш бла Терекден, Джер бла Кёкдендиле
Ёзю, бети, макъамы, сёзю да къыл къобузну.
Ёмюрлюкню ёлюмсюз ауазы
Чыгъады Къадау Ташны юсюнде къыл къобуздан.

Сезигиз, эшитигиз, кёрюгюз.
Тынгылагъыз, ангылагъыз:
Бизни ючюн согъулады къыл къобуз.

Шатны интернети ишлемейди - аны ючюн киралмайды бери.
Башха хатасы джокъду.

Къуш тюкню Басхан суугъа тийириб, къачхы чапракълада джазгъы назмуларын джазады. Аллах онг берсин Сапар тутхан къаламгъа.

Сапар ЁЗДЕН

291

Туугъан элим, сен энтда да бир сагъышлы:
Джаз ала да ушамайса сен джазгъа.
Кёгюнгде да ? боз булутла бир къайгъылы,
Бири-бирин хазырдыла таларгъа.

Келгенликге тансыкъ ала мен джуртумдан,
Къарайма да, берир затынг ? мыдахлыкъ.
Алай, ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа излемейме мен намазлыкъ,
Намазлыкъны эм игиси ? джуртумду.
Сен барлыкъда, сынамайды джаным ачлыкъ.
Санга кёлюм ? сенден эсе, уллуду.

Биягъынлай, ма тамбла да джолум тюзге.
Мен да, энтда, ашхы джолгъа барайым.
Сен, къайдан да эсен къайтар, Аллах, юйге ?
Мен кёрюме баба джуртда джатайым.

"Ата джуртуна намазлыкъгъача киреди Сапар" деб, бу назмуну окъугъандан сора джазгъанды Лайпанланы Билал.

Шийирлеринги окъуб, башымы чайкъай, олтуруб турама. Бир джангылыгъы болмагъан назмунг джокъду. "Европагъа терезе ачханбыз" деб къууаннгандыла. Сен а Кёкге ачханса терезе. Сени Сёзюнг - Кёкге ачылгъан терезеди. Джаша, Сапар. Сени назмуларынг китаб болуб чыгъыб, халкъны къолуна тюшмей тургъанлары - бек уллу терсликди. Къуру сени аллынгда тюл, бютеу адабиятыбызны аллында да.

Салам, Сапар!
Юй телефонунг, хурджун телефонунг да ишлемейле. СКАЙПынг бла да байланырча тюлдю. СКАЙПда атым: bilal.l

ШАТ
Uzdenov07 бу СКАЙПда барды, алай а сени бла связаться эталмайма.
"Не отвечает" деб барады.

Sabr

Салам !

Иги болурса, Аллах айтса !
Мени да джокъду хатам, шукур Дуниягъа !
Сашадан хайыр хапар да алдым...

ШАТ


Tuug`an kyunyugyuzbla alg`yshlaima, Sapar!!!! Auruusuz, chirmausuz bolug`uz! Etken muratlarig`yzg`a djetigiz!!!Kelir bu zamang` k`uanchbla, djangi nazmulabla, djirlabla sizda, sizni syuigenleda djeteik!!!

ШАТ



Кобрин - Предмет и задачи биофизики