Сау болугъуз, мен сюйген адамла !

Джалгъан дунияны да барды иги джерлери.

Ол ИГИЛИКНИ биргелей кёрейик !

ШАТ
Сапар! Мен да къошулама айтылгъан алгъышлагъа. Аллах узакъ емюр берсин. Шукур Аллахха, адамла, не да этиб юслерине аз-буз киер, ашхынларына не болса да бир зат табыб атар, джанларын асырар дыгалас этген, таб, джанларын асырагъан бла къалмай, бир джанындан рекетледен, бир джанындан чиновникледен чырмаусуз къутулур, джанларын сау къалдырыр къайгъыдан озуб, башха зат къайгъылы болалмагъан джылла оздула. Шукур Аллахха, къыйын замандан къалыб (перестройканы, эм да аны ызындан келген джылланы сагъынама былайда), миллет аз-буз болса да джан джюрютгенни тышында "духовная пища"-гъа да узала башлагъан заманнга чыкъдыкъ. Шукур Аллахха, сени, эм да сенича адамларыбызны кючю бла "духовная пища" излеген табады излегенин.

Башында биреулен джазады: "Тутуш бла да, назму-джыр джазыу бла да Халкъыбызны атын айтдыргъанса". Аны айтханындан тутушуучу болгъан болурса деб ангыладым. Ол заманларынгы эсинге тюшюре, кеси кесинге къартыракъча да, къарыусузуракъча да керюне болурса, Сапар)). Алай а ол алай тюлдю. Сен кеб джашладан, къарыулуладан, байладан кючлю багъана боласа таянчакъ излеген адамгъа: кёбле джанлары къыйналгъан кюнлеринде сени джырларынга тынгылаб, назмуларынгы окъуб: "Хы, джангыз мен тюл кереме алай," - деб кеслерине болушлукъ табадыла, керекли сезлени керекли заманда табыб сени джырларынгда, назмуларынга, сени сезюнге таянадыла, бушуу кюнлеринде сени сезюнгде себеб табадыла, къууанч кюнлеринде, къууанчларын ичлерине сыйындыралмай, сезлери джетиб тышына да айталмагъан кезюулеринде сени назмуларынгда, джырларынгда табадыла ол сезлени. Анны айта келиб, бир зат келди дагъыда келюме (философ болуб къалама аздан къаса)) ). Не излесенг да джашау бирча болуб турмайды, бушуу бла къууанч бири-бирин сюргенлей, бир бири, бир да - ол бириси оза-къала барадыла. Шукур Аллахха, сеннге Аллах аллай фахму бергенди, къайсы кюнюбюзде да джан дарман болуб джагъылырлай фахму бергенди сеннге. Хар не игилик да Аллахдан келсин. кесинге да, юйдегинге да. Аллахдан келген фахмунгу сууаб китабынга джазылырча тюз хайырландырырча Аллах аллай насыб берсин. "Эльбрусоидни" да ёмюрю узакъ болсун, биз сеннге ангыбызны танытырча, сен кесинг да миллетни туурасындан къараб, миллетге керек болгъанынга ажымсыз болурча, джангыдан миллет къайгъылы болуб, кесинги сагъышларынгы чачарча мадар берди "Эльбрусоид". Алайды да, ?Эльбрусоид? бла Сапар Узденов, бири-биригизге джарадыгъыз, хайыры уа бизге, миллетге, болду)). Кеб джаша! Саулукъ да, насыб да, берекет да - барысы да "крупнооптовая поставка" бла келсин Аллахдан!

Джашау да, Ёлюм да нек къуралгъандыла, аны магъанасы да неди ?
Биреу сарнауда, биреу зауукъда, аны магъанасы да неди ?
Минг тюрлю джууаб табсам да, ол джууаблагъа, дагъы да, джангы джууабла тууадыла.
Сорууну да къыйры джокъ, джууабны да джокъду къыйыры.......
Орамда уа къачхы танг, тау башлагъа Тейри джарыкъ къонганды.......

Сапар Ёзден. Турна Аууш.
Басханстан.

Сэстренка
спортну устасы деген - мастер спорта?

Хоу, Сапар является мастером спорта по вольной борьбе.
В свое время входил в состав Олимпийского резерва. Что ему помешало стать чемпионом мира или Олимпийским чемпионом - вопрос самому Сапару.
А что мешает Сапару издать книгу - это вопрос к нам всем и конечно же Союзу писателей КЧР И КБР, книжным издательствам КЧР и КБР.

Кетдик арлакъгъа.

* * *
34

Джалан терекде джалан чапыракъ
Аны да юсю къызыл сарыракъ

Джалан ыранда джангыз терекни
Ай ким этгенди нёгер керекли

Берлакъны алсакъ къая джалпакъда
Джашил ийнели омакъ наратла

Узакъ да болмай берги сюремде
Таулу нызыла къызлай сюзюле

Эниш джанында акъсыл къайынла
Бири бирине башны къайыра

Аран къыйырда тюртю кёкенле
Къачхы чегетде отсуз ёртенле

Аргъы бетде уа чегет бауурда
Кийик эчкиле къаудан отлауда

Кесек тюшгенлей чауул тюбюнден
Чокъракъ чыгъады ташлы юйюнден

Чыбчыкъ джырлау а джазда кибикди
Кёкню кёклюгю бир бек кирсизди

Къалай ариуду къачхы табигъат
Кёзбау сыфат бла джанны ариулайд

Къурман болайым таулу джуртума
Баш иймей болмайд джандет къутуна.

28.09.01.

Чаукадан туугъан къушлай учады деселе, ийнанма.
Ит тиллиден адам акъыл сакълама.

Sabr

Саламынг узакъ болсун !
Интерде тынчлыкълы ишлерге ол налатла къоя болмазла....дейме.
Игиме, сау бол !
Сеннге теджегеним да олду.

Тинибек соргъан соруулагъа бир истор. спарвка берилсе керек эди.Сени ол ахыргъы назмунгу хакъындан.



Джарыкъ бетли кёрюшейик !

Интерде тынчлыкълы ишлерге ол налатла къоя болмазла....дейме.
Аланы ишлери ол болур, кайда да алай болурла Ахырда Аллахны айтканы болады. Кимге де Аллах болушур иншаАллах

Ас Салам, ШАТ. Sabr'га сорганымы джуабы назмуларыны ичинде болур. :DUMA:

Бирле келтирелле бизни Шумерден,
Бирле андан джууугьуракъдан.
Хар ким кёлюне келгенни айтады,
Мен а билеме: тюшгенбиз Кёкден.

Да кёктен тюшгенбиз. Адам бла Хаууа кёктен тюшкендиле. Адамлай калганбыз, тилибиз, адетибиз, джоругубузла. Тюрленмейин, джанламайын. :DUMA:

Есенлик, джарыклык

ШАТ

Тауланы беллерине дери къар тюшдю. Чегет бауурлада тубан балачыкъла, бир кёрюне да, бир бугъуна да, бир ариу ойнайдыла.
Анда- мунда семиз булутла уйюбдула. Кёк а, алай ачыкъды, къаралдым кёксюлдю.
Сен салгъан музыкагъа да тынгылай, таулагъа кёзлерим чыракъ кетгендиле.

Бек сейир проза джазаллыкъса, Сапар. "Поэтни прозасы" деген сёз да аны ючюн джюрюй болур. "Тубан балачыкъла", "семиз булутла" дер ючюн, дуниягъа поэ болуб тууаргъа керекди.

Эртдеден бери уллу джыйылыулагъа къатышмагъанма. Барс Элни хакъындан боллукъ джыйылыугъа уа барыргъа муратлыма.
Керек болуб къалса уа деб, гитарама да джарау этгенме....


ШАТ

Алейкюм салам. Саламымыз бирге..

Налчикте аламатла кёптюле. Уллу джыйылыула огъурла, есенликле, берекетле озсун. Аллах болушсун, аман кёзледен саклар иншаАллах.

Тоторкулланы Алий, организатсияланы курагъанла, ШАТ, джыйылыулагъа кошулгъанла, Карачай-Малкар миллети сау болсун, бар болсун.

Ниетле игъи, ишле игъи. Аллах тамамына есенликле ериштирсин. Амин. Амин. Амин.