Войти на сайт
27 Июня 2026 года

 

  • Мухардан ач ычхынмаз.
  • Сакъламагъан затынга джолукъсанг, не бек къууанаса, не бек ачыйса.
  • Кирсизни – саны таза, халалны – къаны таза.
  • Ата Джуртча джер болмаз, туугъан элча эл болмаз.
  • Огъурлуну сёзю – суу, огъурсузну сёзю – уу.
  • Хоншуну тауугъу къаз кёрюнюр, келини къыз кёрюнюр.
  • Ата джурт – алтын бешик.
  • Окъуу – билимни ачхычы, окъуу – дунияны бачхычы.
  • Билмейме деген – бир сёз
  • Алгъанда – джууукъ, бергенде – джау.
  • Къуру гыбыт бек дыгъырдар.
  • Бети бедерден, намыс сакълама.
  • Айранны сюйген, ийнек тутар.
  • Кийимни бичсенг, кенг бич, тар этген къыйын тюлдю.
  • Адеб базарда сатылмаз.
  • Тенгинг джокъ эсе – изле, бар эсе – сакъла!
  • Игиге айтсанг – билир, аманнга айтсанг – кюлюр.
  • Билеги кючлю, бирни джыгъар, билими кючлю, мингни джыгъар.
  • Элге къуллукъ этмеген, элге ие болмаз.
  • Тешик этген тынчды, аны джамагъан къыйынды.
  • Чабакъ башындан чирийди.
  • Тай асырагъан, атха минер.
  • Ауругъан – джашаудан умутчу.
  • Дуния аламаты сен эсенг да, игиме деб айтма.
  • Ашаса, ашамаса да, бёрюню ауузу – къан.
  • Сабий болмагъан джерде, мёлек болмаз.
  • Тёзген – тёш ашар!
  • Ашыкъгъанны этеги бутуна чырмалыр.
  • Дуния мал дунияда къалады.
  • Къатын байлыкъны сюер, эр саулукъну сюер.
  • Кёлю джокъну – джолу джокъ.
  • Ашхы болсанг, атынг чыгъар, аман болсанг, джанынг чыгъар.
  • Ишни ахырын ойламай, аллын башлама.
  • Къартны сыйын кёрмеген, къартлыгъында сыйлы болмаз.
  • Мадар болса, къадар болур.
  • Эркишиге тары кебек танг кёрюнюр.
  • Къарнынг тойгъунчу аша да, белинг талгъынчы ишле.
  • Сибиртки да сыйлы болду, кюрек да кюнлю болду.
  • Ауругъаннга – кийик саулукъ, джетген къызгъа – чилле джаулукъ.
  • Ачлыкъ отха секиртир.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Адамны артындан къара сабан сюрме.
  • Тулпарлыкъ, билекден тюл – джюрекден.
  • Ишлегенден, къарагъан уста.
  • Телиге от эт десенг, юйюнге от салыр.
  • Ачлыкъда тары гырджын халыуадан татлы.
  • Къонакъ хазыр болгъанлыкъгъа, къонакъбай хазыр тюлдю.
  • Джаш болсун, къыз болсун, акъылы, саны тюз болсун.
  • Къанны къан бла джуума, аманны аман бла къуума.
  • Биреуню къыйынлыгъы бла кесинге джол ишлеме.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 41 42 43 44 45 ... 112 След.
Ответы
 
#1051
Джаратама0
10.10.2011 05:44:26
Эртдеден бери уллу джыйылыулагъа къатышмагъанма. Барс Элни хакъындан боллукъ джыйылыугъа уа барыргъа муратлыма.
Керек болуб къалса уа деб, гитарама да джарау этгенме....
ШАТ
Сапар, "Эльбрусоидни" Нальчикде филиалыны ишчилерини бири сизни табалмадыкъ джыйылыугъа чакъырыргъа дейдиле. Билал берген телефон ишлемейди дейдиле. Шо, телефонугъузну бир билдиригиз.
 
 
 
#1052
Джаратама0
10.10.2011 06:53:56
Ас Салам, ШАТ!

Телефонларындан табылалмамышынг. Интернетни тохтатыргъа кючлери болгъанла огъесе, керек заманда телефонларынгы ишлемез ми етип койдула Чам да болса, болур му болур

Алгъа етилген Елбрусоид Налчик джыйылыуга кошулгъаненг. Джырлагъан хапарынгы да ешитип куанганек. Суратланы да кёргенек. Енди аллай бир джерде видеогъа алгъанла да болуреди. Сакладык, видеола кёрюнмедиле. Болгъанла былайгъа салсала да анга карап джарсыубуз бираз кетереди.

Аллахха аманат бол, Есенлик барыбызгъа!
 
 
 
#1053
Джаратама0
11.10.2011 14:47:54
Sabr

Салам !

Эсен болурса, Аллах айтса !
Газетде информ. ючюн сау бол! Киосклада бар эди да, бир танышла алыб, саугъа этиб бергендиле.
Башха, былай деб, джангылыкъ джокъду. Не болсун къачхы кюнле бир берекетлидиле.
Мен мунда джашагъанлы быллай ариу къач кёрмегенме, джылыды джайдача.
Эсен кёрюшейик.
 
 
 
#1054
Джаратама0
11.10.2011 14:59:02
Сэстренка
Tinibek

Саулукъ - эсенлик сизге !!!
Джыйылыугъа бир джашла бла барырбыз деб, сёлешген эдим.
Келир заманларын сакъладым, келмедиле. Артдан, маршрутка бла барыргъа кеч болгъан эди.
Звонит этиб соргъанымда:
Сапар, непредвиден. обстоят. бир чиновникни алмасакъ боллукъ тюл эди- дедиле.
Тюзю, мен ары барыб да не этерик эдим джырлагъандан башха.
Алай а, Алийни кесине бир энчи ушагъым бар эди да, аны бла да талпыб эдим ары...
Мундан уллу къыйынлыкъдан да Аллах сакъласын, тюбеширбиз, буйюрулса.

Телефон бла интерим бла уа кюрешедиле.......
Къаллай къралда джашагъаныбызны, мен айтмасам да, билесиз.
Илинеме десенг, азмыды адамгъа илинир чурум.
 
 
 
#1055
Джаратама0
11.10.2011 15:11:13
ШАТ
Личканга кир)))
 
 
 
#1056
Джаратама0
11.10.2011 19:09:33
ШАТ
Телефонла аман затдыла:) Куру телефонну тынглап адамны атлагъан атымларын билип анга кёре де мадарла етип коядыла, планларын бузуп. unforeseeable situations:) Енг игъиси телефондан узак болгъанды, ансыз да болмайды ансы:) Бола бола барыр. Енг сонунда Аллахны айтканы болады, ким не етсе етерге кюрешсе де. Хайырлысы болсун. Аллах болушсун. Саулук болсун. :preved:
Кралланы бары да енди айны бола тебрегендиле, globalization..

Айла алгъа "Барс ел джурту деп ертте айтканма" деп джазганенг. Барс ел атны курагъанладан бири де сенсе ол заман. Не сагъышла бла алай айтканенг, Аланла леопарга Парс (Барс) деп айткан мыла. Барс'ны Барс Ел'ни юсюнден билгенлеринги кёргенлеринги джазсанг. :preved:

Мен мунда джашагъанлы быллай ариу къач кёрмегенме, джылыды джайдача. :OK: :preved: :THUMBSUP:
 
 
 
#1057
Джаратама0
12.10.2011 20:19:05
Tinibek

Аллах айтса, иги болурса !
Айыб этме, иш къызкъачханнга ( ашыгъыш джумушха ) джетгенди да,
сорууларынга терк джууаб бералмайма. Билгеними, рахатлы джазарма.
Эгечден туугъанны, Берекетни, китабны хакъындан аууз ачханы бла, ызындан болмасам болмайды.....

Эсенлик !
 
 
 
#1058
Джаратама0
12.10.2011 21:00:07
Берекет, рахатлыкъ эсенлик теджейме !
Ана къарнаш келсе юйню ара багъанысы къымылдар, сагъышларынга къонакъ болгъанма, Аллах айтса, юйюнг оюлмаз, адебсиз этиб, кесиме керексиз махтау излемезме, зараным джетмез.
Вёрстка хазырды Москвада, Саша деб орус тенгимде.
Саша мыжыкъладан тюлдю, аны мангылайына къарачай къойну къаны джагъылгъанды- антлыды, Къарачай ючюн къолундан келгенни этмей къоярыкъ тюлдю. Джумушну табы къалай боллугъун биледи.
Ингирде сеннге звонит этдиртейим.
Эсен бол, къарнаш !
Юйде, уллугъа-гитчеге да, менден Салам бер.
Мен да, кече арасында чапркъланы кетген бояулары зауукъ сынагъан
джерлеге сенден Салам берирме.

Эсен кёрюшейик !

Турна Аууш. Сапар Ёзден.
 
 
 
#1059
Джаратама0
12.10.2011 21:13:10
ШАТ
)
Аллах болушсун, куанчлы болсун, берекетли болсун, джарык болсун... Таза, джарык джюрекли Сабрларыбыз, Оджеанларыбыз, Берекетлерибиз, калган бары таза джарык джюреклилерибиз кёб болсунла, джашаулу болсунла...
"Литературная Балкария и Карачай" газетдеки гитар, кара картал, кара ак булутла, кюн джарык болгъан сурат бек аламатты. Еткенле, чизгенле сау болсунла, бар болсунла. Билал'ны аламат джазыун уа алгадан окуганем, джангыдан окудум.
Бугюнледе хауада булутла да, булутланы тюбюнде кюн джарыклыкла да, хауаны ариулугъу, тазалыгъы да былайда алайды, алайлада да алай болгъанын айтаса, суратта да алайды. )
 
 
 
#1060
Джаратама0
12.10.2011 21:36:48
ШАТ
 
 
 
#1061
Джаратама0
12.10.2011 22:09:29
Сэстренка

Мир и Радость Всем !!!
 
 
 
#1062
Джаратама0
13.10.2011 12:51:12
* * *
35

Джашауну бойну кючлю
Арый билмей ол
Болса да бирде тюрлю
Алгъады хар джол

Барад алыб хар нени
Къуру аллына
Учсузду кенги - эни
Иги бир сына

Болса да бирде ачы
Бирде уа баллай
Болса да кеси къаты
Джаны мамукълай

Джашаугъа къучакъ керген
Кеси да джашау
Саугъагъа бир тюк берген
Алыр ызгъа тау.

27.09.01.
 
 
 
#1063
Джаратама0
14.10.2011 15:06:23
 
 
 
#1064
Джаратама0
15.10.2011 09:16:31
..............
Джашаугъа къучакъ керген
Кеси да джашау
Саугъагъа бир тюк берген
Алыр ызгъа тау.

Алай болуб тургъанды, боллугъу да алайды.
 
 
 
#1065
Джаратама0
16.10.2011 00:04:54
Бюгюн да бир кюн кетди, Шукур Кёкге !

Шукур Кёкге, тангдача, биягъы тубан орам чыракъланы тюбю бла таула таба барады..
 
 
 
#1066
Джаратама0
17.10.2011 16:34:34
EL-HALED

Эсенлик - Рахатлыкъ Сеннге !

Унутмагъанма, эсимдесе.
 
 
 
#1067
Джаратама0
18.10.2011 00:22:57
* * *
36

Элия этиб къойду
Кечени джарты
Джарыгъы булут ойду
Тауушу къаты

Сора ма бир бек теркден
Башланды бир зат
Къуйгъанча ташла кёкден
Тебди табигъат

Къутургъанча бютеу кёк
Башланды джашнау
Тёгюлдю тамчы да кёб
Джер болду армау

Кёргюздю ма кюз айдес
Тебди тюз джайлай
Сейирди мунда адет
Тауда чот былай.

26.09.01.
 
 
 
#1068
Джаратама0
18.10.2011 11:06:59
Бюгюн кюн ариу болду. Таула беллерине дери агъарыбдыла.
Тау тюбледе уа, мутхуз сары мыдах чегетле.
 
 
 
#1069
Джаратама0
19.10.2011 00:58:15
Биджиланы Муссаны салам къагъытына мени джууабым.
Аны таныгъан бар эсегиз, Салам да беригиз, джазгъанымы да билдиригиз.

Сапар Ёзден. Басханстан.
Турна Аууш.

КЪЫЗЫЛ ТАНГДА АТА ДЖУРТУМДА

Джатады арыгъан башым
Анамы джумушакъ джастыгъында къызыл тангда,
Ата джуртумда:

Ол сылайды сагъышладан согъулгъан узун къоллары бла
Анамы бу джастыкъгъа тёкген джыламукъларыны
Къызылын, къарасын, агъын, морун да;

Ачыкъ бола келиб, мутхузгъа бурулгъан тюшлерин;

Мен гитче заманымда бек сюйген, мени ёсдюрген
Ана ёшюнлени джылыуларын;

Мени таба тургъан сагъатда, Анамы ачы къычырыгъын,
Къычырыкъдан толу кёзлерин;

Аны меннге этген, Ай джарыкъгъа ушагъан,
Джылы белляуларыны джаякъларын;

Эринлеримден акъгъан чыммакъ акъ сютюню тьлпыуун,
Сютюню акъ джанын;

Мени тар къарангы къарындан акъ джашаугъа чыгъаргъан
Алтынкёз Къачны
Узунлугъун-кенглигин-мийиклигин-теренлигин;

Мени кёкге-кёкге быргъагъан
Ата къарнашларымы деу къолларыны берчлерин;

Мени кёрюрге келгенлени аякъларын, аякъ басхан ызларын;

Мени эсими алгъан къара булутлу Кёкню
Сабий джюрегими биринчи кере гюрюлдетген ачы гюрюлдеуюн.

Арыгъан башым гюрюлдейди,
Джастыкъдан чёмелтаякъ айланыргъа хазырды.
Алай а анамы джастыгъы башымы джыгъылырын сюймейди:
? Къоркъма-къоркъма, бу джашауду?, ? деб,
Башымы кесине къысады.

Джатады узакъдан келген,
Къууанчны-бушууну, эгечни-къарнашныча билген,
Таукъан башым анамы тюкджан джастыгъында къызыл тангда Ата джуртумда.

Ол сылайды сагъышладан согъулгъан узун къоллары бла
Къумлада къалгъан сабий джылларымы;

Биринчи атлам этген сагъатымда
Джерни дыгъысын кёлтюралмагъан джалан аякъларымы;

Атамы биринчи кере айтхан сёзлерини сейир макъамларын,
Аланы джюрегиме тие озгъан къанатларын;

Аккамы ол мени кёкге атыучу гемуда тобукъларыны юслерин;

Аны ол меннге атагъан джылауукъ къозусуну хырзалы мангылайчыгъын;

Аммамы ол джыйрыкъ бетинде къачхы кёзлерини джазгъы къарамларын;
Аны айраныны акъ татыуун;

Ауаргъа эртде хазыр болгъан эски къабыргъагъа
Тиреулюкге къалгъан чал намазлыгъын;

Аккамы, Аммамы къабыр ичинде джер бетли болгъан,
Джарыкъ кёрюрге термилген этсиз сюеклерин;

Къарачайны кёгюнде турнала бла къушла
Тауушлары бла этген салынмакъ джолланы;

Не къарт, не джаш бола билмеген,
Таулуну сагъышын ангылагъан шам тауларымы;
Аланы дорданларында, къая ранларында
Балалары бла ойнай тургъан шайтан джеллени;

Узакълада поезд чархланы тауушларына кёмюлген
Джыр ауазларымы;

Аулакълада къалгъан мыдах тангларымы джыламукъ кёзлерин,
Алача анда къалгъан айлы кечелерими кюлген тауушларын;

Сууукъ джерледе джалан аякъ айланнган къарыусуз тюнлерими,
Аланы кеслерине эрле этерге излеб айланнган джелбаш
тюшлерими;

Мени эркелетген сепгилджюрек къызланы
Боялгъан чачларыны сюймеклик тылпыуларын;

Мени ёлюрюмю излегенлени мыйыларыны букъуларын,
джашарымы сюйгенлени туз-дамларын,
мангылайларындан акъгъан терлерин;
Мени къабырлагъа алыб баргъан тенглерими мыдах атламларын,
терен сагъьшларыны толкъунларын;
Узакъ ёмюрлени, киши тиймесин деб,
къабырыма къараууллукъ этерик,
кеси да ёлюрге аз-буз къалгъан джанбаш сын ташымы дугъур
юсюн;

Къабыр къарангыгъа ёмюрлюк бала болгъан сюек башымы;
Аны къутукъ ичини ауур хауасыны шошлугъун;

Анга джастыкълыкъ этген
Къарачай топракъны бурунун да, бюгюнюн да, келлик
заманын да.

Арыгъан башым гюрюлдейди,
Джастыкъдан чёмелтаякъ айланыргъа хазыр бола.
Алай а, анамы джастыгъы башымы джыгъылырын сюймейди:
?Къоркъма-къоркъма, бу джашауду,? ? деб,
Башымы кесине къысады.
Джатады арыгъан башым анамы джумушакъ джастыгъында
Къызыл тангда Ата джуртумда.

Джуртдан кете башласанг да, адамны
Джурт сюерге юрет деб, юретдинг;
Джылай турсанг да, адамны
Кюлюрге юрет деб юретдинг;
Джыгъыла барсанг да, адамны
Тургъузургъа юрет деб юретдинг;
Къабыр къаза турсанг да, адамны
Юй тюб къазаргъа юрет деб юретдинг;
Ёлюб башласанг да, адамны
Джашаргъа юрет деб юретдинг.

Сау бол, Ата джуртум!!!
 
 
 
#1070
Джаратама0
19.10.2011 13:20:20
Эшта, Сапар!

Керти кючлю да аламат назму!
Бизни эки халкъыбызда, бизни поэзиябызда быллай назму болгъанына энчи тамгъа салыб, эсде къояргъа керекча, дженгил ангыланыб, дженгил чайналыб-джутулуб къалмазча аллай назму.
Къуанама фахмунгу кертилигине, уллулугъуна, мииклигинеда.

Форумда, бир кюн, биз танышда болмагъан сагъатда, манга джазыб соргъанынгы ызына къайтарама: ?Быллай бир затны джазгъан, сагъышларынг а къаллай бир болурла?..?.

Сау бол! Эсен бол!
 
 
 
#1071
Джаратама0
19.10.2011 14:08:26
Берекет. Биз эки халкъ тюйюлбюз, бир халкъбыз... Сапар а аламат назмула жазады...жырлары бютюн аламат. Муратларыбыз булутла тенгшиде, къайсыбыз тынгыламагъанбыз алагъа.
 
 
 
#1072
Джаратама0
19.10.2011 14:08:28
Аулакълада къалгъан мыдах тангларымы джыламукъ кёзлерин,
Алача анда къалгъан айлы кечелерими кюлген тауушларын;

Сууукъ джерледе джалан аякъ айланнган къарыусуз тюнлерими,
Аланы кеслерине эрле этерге излеб айланнган джелбаш
тюшлерими;

Мени эркелетген сепгилджюрек къызланы
Боялгъан чачларыны сюймеклик тылпыуларын;



Джуртдан кете башласанг да, адамны
Джурт сюерге юрет деб, юретдинг;
Джылай турсанг да, адамны
Кюлюрге юрет деб юретдинг;
Джыгъыла барсанг да, адамны
Тургъузургъа юрет деб юретдинг;
Къабыр къаза турсанг да, адамны
Юй тюб къазаргъа юрет деб юретдинг;
Ёлюб башласанг да, адамны
Джашаргъа юрет деб юретдинг.
 
 
 
#1073
Джаратама0
20.10.2011 00:01:13
Azret-Ali bla Sapar

Azret-Ali bla Shahriza

Azret-Ali, Sapar, Shahriza
 
 
 
#1074
Джаратама0
20.10.2011 00:07:10
Azret-Ali(Esen)
 
 
 
#1075
Джаратама0
20.10.2011 00:13:37
Sapar, ya tut nemnogo nasledila u Vas...

ya znayu, mne mozhno, pravda?!
 
 
 
Страницы: Пред. 1 ... 41 42 43 44 45 ... 112 След.
Читают тему (гостей: 4)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.