- Башланнган иш битер, къымылдагъан тиш тюшер.
- Башы ишлегенни, ауузу да ишлер.
- Кечеси – аяз, кюню – къыш, джарлы къаргъагъа бир аш тюш!
- Иги сеники эсе да, сюйген кесимикин этеме.
- Кёпюр салгъан кеси ётер, уру къазгъан кеси кетер.
- Джюз элде джюз ёгюзюм болгъандан эсе, джюз джууугъум болсун.
- Бюгюн дуния кибик, тамбла ахыратды.
- Тойгъанлыкъ къойгъа джарашады.
- Атадан ёксюз – бир ёксюз, анадан ёксюз – эки ёксюз.
- Ариу джол аджал келтирмез.
- Ариу – кёзге, акъыл – джюрекге.
- Акъыл бла адеб эгизледиле.
- Билмегенинги, билгеннге сор.
- Къолу уллу – асыу, аягъы уллу – джарсыу.
- Джырчы джырчыгъа – къарнаш.
- Джиби бир къат джетмей эди да, эки къат тарта эди.
- Къобан да къуру да къобханлай турмайды, адам да къуру да патчахлай турмайды.
- Ишни ахырын ойламай, аллын башлама.
- Урунуу – насыбны анасы.
- Ариу сёз – джаннга азыкъ, аман сёз – башха къазыкъ.
- Соргъан айыб тюлдю, билмеген айыбды.
- Къызны минг тилер, бир алыр.
- Алма терегинден кери кетмез.
- Аз сёлешген, къайгъысыз турур.
- Аш кетер да бет къалыр.
- Тилчиден кери бол.
- Джуртун къоругъан озар.
- Этни да ашады, бетни да ашады.
- Таш ата билмеген, башына урур.
- Кёкдеги болмаса, джердегин кёрмейди.
- Бал ашаргъа сюе эсенг, чибин ургъаннга тёз.
- Аман киши кеси юйюнде – къонакъ.
- Ишин билген, аны сыйын чыгъарады.
- Тюзлюк тас болмайды.
- Эринчекге кюн узун.
- Шайтан алдады, тюзлюк къаргъады.
- Айныгъанлы алты кюн, тогъайгъанлы тогъуз кюн.
- Джангыз терек къынгыр ёсер.
- Кюн кёрмеген, кюн кёрсе, кюндюз чыракъ джандырыр.
- Игиге айтсанг – билир, аманнга айтсанг – кюлюр.
- Рысхы – сют юсюнде кёмюк кибикди.
- Къыз келсе, джумуш эте келеди, къатын келсе, ушакъ эте келеди.
- Юй кюйдю да, кюйюз чыкъды, ортасындан тюйюш чыкъды.
- Душманны тышы – акъ, ичи – къара.
- Адам сёзге тынгыла, акъыл сёзню ангыла.
- Тойгъа алгъа да барма, тойда артха да къалма.
- Хатерли къул болур.
- Арыгъан къош чамчы болур.
- Ата – билек, ана – джюрек!
- Ёзденликни кёбю ётюрюк.
Профиль
|
|
|
|||