Эльбрусоид :: Форум

Акъыллы эркиши атын махтар, акъылсыз эркиши къатынын махтар.
Къайтырыкъ эшигинги, къаты уруб чыкъма.
Айтхан сёзюне табылгъан.
Телиге акъыл салгъандан эсе, ёлгеннге джан салырса.
Джумушакъ терекни къурт ашар.
Иги бла джюрюсенг, джетерсе муратынга, аман бла джюрюсенг, къалырса уятха.
Адеб этмеген, адеб кёрмез.
Арбаз къынгырды да, ийнек сауалмайма.
Ата Джуртун танымагъан, атасын да танымаз.
Зарда марда джокъ.
Ашарыкъда сайлагъаннга – чий гырджын.
Рысхысына кёре, джаш ёсер, къышлыгъына кёре, мал ёсер.
Билимсиз иш бармаз.
Таугъа чыгъаллыкъ эсенг, тюзде къалма.
Ашыкъгъанны этеги бутуна чырмалыр.
Суугъа – таянма, джаугъа – ийнанма.
Элге къуллукъ этмеген, элге ие болмаз.
Бермеген къол, алмайды.
Агъач – джерни чырайы, кийим – эрни чырайы.
Эм ашхы къайын ана мамукъ бла башынгы тешер.
Башы ишлегенни, ауузу да ишлер.
Башынга джетмегенни сорма.
Эл тойса, тоймагъан, эл къойса, къоймагъан.
Келинни – келгинчи, бёркню кийгинчи кёр.
Окъуу – билимни ачхычы, окъуу – дунияны бачхычы.
Келлик заман – къартлыкъ келтирир, кетген заман – джашлыкъ ёлтюрюр.
Джылкъыдан – ат чыгъар, тукъумдан – джаш чыгъар.
Махтаннган къыз, тойда джукълар.
Рысхы джалгъанды: келген да этер, кетген да этер.
Башы джабылгъан челекге, кир тюшмез.
Этни да ашады, бетни да ашады.
Эки ойлашыб, бир сёлешген.
Сакъалы текени да бар, мыйыгъы киштикни да бар.
Эки къатын алгъанны къулагъы тынгнгаймаз.
Баргъанынга кёре болур келгенинг.
Ариу сёз аурууунгу алыр.
Мухар, кеси тойса да, кёзю тоймаз.
Джауумдан сора, кюн кюйдюрюр, ётюрюкден сора, айыб кюйдюрюр.
Джаралыны джастыгъында сау ёлюр.
Джаш болсун, къыз болсун, акъылы, саны тюз болсун.
Азыгъы аз, алгъа къабар, аты аман, алгъа чабар.
Уллу сёзде уят джокъ.
Кенгеш болса, уруш болмаз.
Итли къонакъ джарашмаз.
Гыдай эчки суугъа къараб, мюйюзле кёрмесе, джашма алкъын, дегенди.
Джыланны къуйругъундан басарынг келсе, аны башы болгъанын унутма.
Сормай – алма, чакъырылмай – барма.
Игини сыйлагъан адетди.
Бек анасы джыламаз.
Насыб бютеу халкъны юлюшюдю.

Логин:
Пароль:
	Запомнить меня на этом компьютере

Забыли свой пароль?
Регистрация