- Къоркъакъны кёзю экили кёрюр.
- Иги сеники эсе да, сюйген кесимикин этеме.
- Тойгъа барсанг, тоюб бар, эски тонунгу къоюб бар.
- Ашхы – джыяр, аман – джояр.
- Агъач – джерни чырайы, кийим – эрни чырайы.
- Таукел тауну аудурур.
- Адеби болмагъан къыз – тузсуз хант.
- Кёзден кетген, кёлден да кетеди.
- Ач, тоймам, дейди, тойгъан, ач болмам, дейди.
- Кёлю джокъну – джолу джокъ.
- Юй кюйдю да, кюйюз чыкъды, ортасындан тюйюш чыкъды.
- Къартны бурнун сюрт да, оноугъа тут.
- Айраннга суу къош, телиге джол бош.
- Байлыкъ адамны сокъур этер.
- Чабакъ башындан чирийди.
- Къарнынг ауруса, ауузунгу тый
- Ойнаб айтсанг да, эслеб айт.
- Узун джолну барсанг, бюгюн келирсе, къысха джолну барсанг, тамбла келирсе.
- Кийимни бир кюнню аясанг, минг кюннге джарар.
- Телиге от эт десенг, юйюнге от салыр.
- Ашыкъгъан cуу, тенгизге джетмез.
- Джахил болса анасы, не билликди баласы?
- Джаханимни кёрмей, джандетге кёл салмазса.
- Тыш элде солтан болгъандан эсе, кесинги элде олтан болгъан игиди!
- Таш бла ургъанны, аш бла ур.
- Акъыл сабырлыкъ берир.
- Босагъагъа джууукъ орун болса, ашыгъыб тёрге озма.
- Къызын тута билмеген, тул этер, джашын тута билмеген, къул этер.
- Суу да къайтады чыкъгъан джерине.
- Бети – къучакълар, джюреги – бычакълар.
- Билмегенинги, билгеннге сор.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эте билген, этген этеди, эте билмеген, юретген этеди!
- Ауругъанны сау билмез, ач къарынны токъ билмез.
- Акъдан къара болмаз.
- Кесинге джетмегенни, кёб сёлешме.
- Болджал ишни бёрю ашар.
- Айранын берсенг, челегин да къызгъанма.
- Экеулен сёлеше тура эселе, орталарына барыб кирме.
- Атынг аманнга чыкъгъандан эсе, джанынг тамагъынгдан чыкъсын.
- Урунуу – насыбны анасы.
- Къазанда болса, чолпугъа чыгъар.
- Зар адамны насыбы болмаз.
- Алтыда кюлмеген, алтмышда кюлмез.
- Ёксюзню тилеги къабыл болур.
- Джаш болсун, къыз болсун, акъылы, саны тюз болсун.
- Тили узунну, намысы – къысха.
- Джумушакъ терекни къурт ашар.
- Ата Джуртуму башы болмасам да, босагъасында ташы болайым.
- Тау башында, тау болмаз, джангыз терек, бау болмаз.
Профиль
|
Мелиан
 Эльбрусоид
Cообщений: 4843
Баллов: 3874
Регистрация: 12.12.2011
Последний визит: 13.11.2020 23:07:03
|
|
||||||
|
|
|
||||||