- Кёлсюзден сёзсюз тууар.
- Аман адам элни бир-бирине джау этер.
- Ач къалгъандан, кеч къалгъан къолай.
- Кёл ашады да, кеси ашады.
- Чыкълы кюнде чыкъмагъан, чыкъса къуру кирмеген.
- Кёл – къызбай, къол – батыр.
- Адамны сыфатына къарама, сёзюне къара.
- Тёрдеги кюлсе, эшикдеги ышарыр.
- Джюрекден джюрекге джол барды.
- Къыз келсе, джумуш эте келеди, къатын келсе, ушакъ эте келеди.
- Ариуну – ауруу кёб.
- Акъдан къара болмаз.
- Акъыллы эркиши атын махтар, акъылсыз эркиши къатынын махтар.
- Джарлыны тону джаз битер.
- Сютден ауузу кюйген, суугъа юфгюре эди.
- Джашынгы кесинг юретмесенг, джашау юретир.
- Бичгенде ашыкъма, тикгенде ашыкъ.
- Чакъырылмагъан джерге барма, чакъырылгъан джерден къалма.
- Билмезни кёзю кёрмез, этмезни къулагъы эшитмез.
- Аджал соруб келмез, келсе, къайтыб кетмез.
- Ач отунчуну ачыуу – бурнунда.
- Кюн – узун, ёмюр – къысха.
- Окъуу – билимни ачхычы, окъуу – дунияны бачхычы.
- Этек чакъмакълары баш джаргъан, сёлешген сёзлери таш джаргъан.
- Харам къарнашдан, халал тенг ашхы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билим насыб берир, билим джолну керир.
- Джумушакъ сёз къаты таякъны сындырыр.
- Минг тенг да азды, бир джау да кёбдю.
- Къыйынлы джети элге оноу этер.
- Къонакъ болсанг, ийнакъ бол.
- Тойгъанлыкъ къойгъа джарашады.
- Адамны джюреги нени кёрюрге сюйсе, кёзю да аны кёрюрге ёч болады.
- Биреуню тёрюнден, кесинги эшик артынг игиди.
- Шапа кёб болса, аш татымсыз болур.
- Уллу атлама – абынырса, уллу къабма – къарылырса.
- Аманны тукъумуна къарама, игини тукъумун сорма.
- Адам къыйынлыгъын кёлтюрюр, зауукълугъун кёлтюрмез.
- Намыс болмагъан джерде, насыб болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Гугук кесини атын айтыб къычыргъанча, мен, мен деб нек тураса?
- Иесиз малны бёрю ашар.
- Билими азны – ауузунда кирит.
- Башынга джетмегенни сорма.
- Чомартха Тейри да борчлуду.
- Джашда акъыл джокъ, къартда къарыу джокъ.
- Окъугъан – асыу, окъумагъан – джарсыу.
- Эки ойлашыб, бир сёлешген.
- Ётюрюк хапар аякъ тюбю бла джюрюйдю.
- Ашда – бёрю, ишде – ёлю.
Профиль
|
|
|
|||