- Джырына кёре эжиую.
- Керилген да, ургъан кибикди.
- Мал кёб болса, джууукъ кёб болур.
- Къыз келсе, джумуш эте келеди, къатын келсе, ушакъ эте келеди.
- Кесине гебен этелмеген, биреуге черен эте эди.
- Джетген къыз джерли эшекни танымаз.
- Кийим тукъум сордурур.
- Танг атмайма десе да, кюн къоярыкъ тюйюлдю.
- Кеси юйюмде мен да ханма.
- Хата – гитчеден.
- Джол бла сёзню къыйыры джокъ.
- Адам туугъан джеринде, ит тойгъан джеринде.
- Аман къатын сабий табса, бий болур…
- Чыбыкълыкъда бюгюлмеген, къазыкълыкъда бюгюлмей эди.
- Ауузу бла къуш тута айланады.
- Акъыллы айтыр эди, акъылсыз къоймайды.
- Эл ауузу – элек, анга ийнаннган – халек.
- Асхат ашлыкъ сата, юйдегиси ачдан къата.
- Биреуге аманлыкъны тилеме да, кесинге ашхылыкъны тиле.
- Суугъа – таянма, джаугъа – ийнанма.
- Билим насыб берир, билим джолну керир.
- Хар сёзню орну барды.
- Къонагъынгы артмагъын алма да, алгъышын ал.
- Акъыл аздырмаз, билим тоздурмаз.
- Иши джокъну, сыйы джокъ.
- Джаш къарыу бла кючлю, къарт акъыл бла кючлю.
- Адамны артындан къара сабан сюрме.
- Тойгъан антын унутур.
- Ач уят къоймаз.
- Татлы тилде – сёз ариу, чемер къолда – иш ариу.
- Къыйынлы джети элге оноу этер.
- Сабий болмагъан джерде, мёлек болмаз.
- Атынг аманнга чыкъгъандан эсе, джанынг тамагъынгдан чыкъсын.
- Акъыл бла адеб эгизледиле.
- Олтуруб кёрюнмей эди да, ёрге туруб кёрюне эди.
- Берекет берсин деген джерде, берекет болур.
- Къарт болгъан джерде, берекет болур, сабий болгъан джерде, оюн болур.
- Бир онгсуз адам адет чыгъарды, деб эштирик тюлсе.
- Джети тилни билген джети кишиди.
- Билеги кючлю, бирни джыгъар, билими кючлю, мингни джыгъар.
- Сёлеш деб шай берген, тохта деб, сом берген.
- Нарт сёз – тилни бети.
- Ётюрюкден тюбю джокъ, кёлтюрюрге джиби джокъ.
- Сютню башын джалагъан къутулур, тюбюн ичген тутулур.
- Телини эшигин, махтау джабар.
- Чоюнну башы ачыкъ болса, итге уят керекди.
- Босагъагъа джууукъ орун болса, ашыгъыб тёрге озма.
- Ачыкъ джюрекге джол – ачыкъ.
- Рысхы джалгъанды: келген да этер, кетген да этер.
- Баш болса, бёрк табылыр.
Профиль
|
|
|
|||