Эльбрусоид :: Форум :: Девушка Гор

Кёрмегеннге кебек – танг, битмегеннге сакъал – танг.
Айныгъанлы алты кюн, тогъайгъанлы тогъуз кюн.
Ишин билген, аны сыйын чыгъарады.
Хар сёзню орну барды.
Аз сёлешген, къайгъысыз турур.
Аз айтсам, кёб ангылагъыз.
Сормай – алма, чакъырылмай – барма.
Къызны минг тилер, бир алыр.
Ана къойну – балагъа джандет.
Шайтан алдады, тюзлюк къаргъады.
Айырылгъанланы айю ашар, бёлюннгенлени бёрю ашар.
Юйюнг бла джау болгъандан эсе, элинг бла джау бол.
Ач да бол, токъ да бол – намысынга бек бол.
Къарнынг бла ёч алма.
Аман адам этегингден тутса, кес да къач.
Эрине къаргъыш этген къатын, эрнин къабар.
Ётюрюк хапар аякъ тюбю бла джюрюйдю.
Ашатыргъа иш – ашхы, ишлетирге аш – ашхы.
Эл ауузу – элия.
Ауругъаннга – кийик саулукъ, джетген къызгъа – чилле джаулукъ.
Кюл тюбюндеги от кёрюнмейди.
Эшекге миннген – биринчи айыб, андан джыгъылгъан – экинчи айыб.
Кёзню ачылгъаны – иги, ауузну джабылгъаны – иги.
Аджалсыз ёлюм болмаз.
Эл бла кёргенинг эрелей.
Аман адам элни бир-бирине джау этер.
Уруну арты – къуру.
Экеулен сёлеше тура эселе, орталарына барыб кирме.
Къонакъны къачан кетерин сорма, къачан келлигин сор.
Чабакъсыз кёлге къармакъ салгъанлыкъгъа, чабакъ тутмазса.
Тёгюлген тюгел джыйылмайды.
Юйюнгден чыкъдынг – кюнюнгден чыкъдынг.
Айтылгъан сёз ызына къайтмаз.
Адамны сабийин сюйген джюреги, бычакъча, джитиди.
Азыкъ аз болса, эртде орун сал.
Эте билген, этген этеди, эте билмеген, юретген этеди!
Агъач – джерни чырайы, кийим – эрни чырайы.
Къонакъ аз олтурур, кёб сынар.
Джерни букъусу кёкге къонмаз.
Чомартны къолун джокълукъ байлар.
Чомарт къолда мал къалмаз.
Джарлы эскисин джамаса, къууаныр.
Айраннга суу къош, телиге джол бош.
Мал тутхан – май джалар.
Бир онгсуз адам адет чыгъарды, деб эштирик тюлсе.
Эртде тургъан джылкъычыны эркек аты тай табар.
Кеси юйюмде мен да ханма.
Къуллукъчума, деб махтанма, къуллукъ – хаух джамчыды!
Бозанг болмагъан джерге, къалагъынгы сукъма.
Тулпарлыкъ, билекден тюл – джюрекден.

Логин:
Пароль:
	Запомнить меня на этом компьютере

Забыли свой пароль?
Регистрация