Эльбрусоид :: Форум

Тойгъан антын унутур.
Чомартха хар кюн да байрамды.
Тюз сёз баргъан сууну тыяр.
Къонакъ хазыр болгъанлыкъгъа, къонакъбай хазыр тюлдю.
Байлыкъдан саулукъ ашхыды.
Кёз – сюйген джерде, къол – ауругъан джерде.
Уллу къазанда бишген эт, чий къалмаз.
Сибиртки да сыйлы болду, кюрек да кюнлю болду.
Къартха ушагъан джаш – акъыллы, джашха ушагъан къарт – тели.
Бал ашаргъа сюе эсенг, чибин ургъаннга тёз.
Этни да ашады, бетни да ашады.
Биреуню эскиси биреуге джангы болмайды.
Аз сёлеш, кёб ишле.
Кёкдеги болмаса, джердегин кёрмейди.
Къазанны башы ачыкъ болса, итге уят керекди.
Душманны тышы – акъ, ичи – къара.
Тау башында, тау болмаз, джангыз терек, бау болмаз.
Аман къатын сабий табса, бий болур…
Магъанасыз сёз – тауушсуз сыбызгъы.
Джан саулукъ бермей, сан саулукъ бермезсе.
Ашлыкъ – бюртюкден, джюн – тюкден.
Джолунга кёре – джюрюшюнг, джагъанга кёре – юлюшюнг.
Чакъырылмагъан къонакъ тёрге атламаз.
Намыс болмагъан джерде, насыб болмаз.
Атлыны ашхысы, ат тизгининден билинир
Ашха уста, юйюнде болсун
Мухар, кеси тойса да, кёзю тоймаз.
Чомарт къолда мал къалмаз.
Шекер бла туз – бир болмаз, ушамагъан – юй болмаз.
Баланы адам этген анады.
Аууз сакълагъан – джан сакълар.
Джеринден айырылгъан – джети джылар, джуртундан айырылгъан – ёлгюнчю джылар.
Ёлген ийнек сютлю болур.
Сютден ауузу кюйген, суугъа юфгюре эди.
Адамны сабийин сюйген джюреги, бычакъча, джитиди.
Сабыр джетер муратха, сабырсыз къалыр уятха.
Къая джолда джортма, ачыкъ сёзден къоркъма.
Аманнга да, игиге да оноусуз къатышма.
Асхат ашлыкъ сата, юйдегиси ачдан къата.
Ёлген аслан – сау чычхан.
Ёлген эшек бёрюден къоркъмайды.
Джашны джигитлиги сорулур, къызны джигерлиги сорулур.
Бозаны арты дауур болур.
Сыфатында болмагъаны, суратында болмаз.
Мухардан ач ычхынмаз.
Урунуу – насыбны анасы.
Байлыкъ адамны сокъур этер.
Ишлегенден, къарагъан уста.
Термилгенинги табмазса, кюлгенинге тюберсе.
Сютню башын джалагъан къутулур, тюбюн ичген тутулур.

Логин:
Пароль:
	Запомнить меня на этом компьютере

Забыли свой пароль?
Регистрация