- Нёгер болсанг, тенг бол, тенг болмасанг, кенг бол.
- Окъугъан – асыу, окъумагъан – джарсыу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аджалсыз ёлюм болмаз.
- Джиби бир къат джетмей эди да, эки къат тарта эди.
- Ауузу бла къуш тута айланады.
- Бермеген къол, алмайды.
- Аякъларынгы джууургъанынга кёре узат.
- Джогъун бар этген, барын бал этген.
- Джылар джаш, атасыны сакъалы бла ойнар.
- Джырына кёре эжиую.
- Аман къатын сабий табса, бий болур…
- Уллу суу бла уллу ауруудан башынгы сакъла.
- Ёлген ийнек сютлю болур.
- Къатыны харакетли болса, эри къымсыз болур.
- Ашхы сёз таш тешер.
- Малны кют, джерни тюрт.
- Хатерли къул болур.
- Билимден уллу байлыкъ джокъду.
- Ашда уялгъан – мухар, ишде уялгъан – хомух.
- Кёб джашагъан – кёб билир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джангыз терек къынгыр ёсер.
- Аджашхан тёгерек айланыр.
- Байма, деб да, къууанма, джарлыма, деб да, джылама.
- Байны оноуу, джарлыгъа джарамаз.
- Этек чакъмакълары баш джаргъан, сёлешген сёзлери таш джаргъан.
- Ёксюзню къалачы уллу кёрюнюр.
- Къызны минг тилер, бир алыр.
- Аманнга игилик этсенг, юйюнге сау бармазса.
- Гугук кесини атын айтыб къычыргъанча, мен, мен деб нек тураса?
- Магъанасыз сёз – тауушсуз сыбызгъы.
- Тамчы таш тешер.
- Айырылгъанланы айю ашар, бёлюннгенлени бёрю ашар.
- Ётген ёмюр – акъгъан суу.
- Къайгъы тюбю – тенгиз.
- Байлыкъ келсе, акъыл кетер.
- Чакъырылмагъан къонакъ къачан кетерин сормаз.
- Акъыллы эркиши атын махтар, акъылсыз эркиши къатынын махтар.
- Тойгъа алгъа да барма, тойда артха да къалма.
- Аз айтсам, кёб ангылагъыз.
- Адеб джокъда, намыс джокъ.
- Ёлген аслан – сау чычхан.
- Ариу сёзде ауруу джокъ.
- Адам сёзге тынгыла, акъыл сёзню ангыла.
- Кюн кёрмеген, кюн кёрсе, кюндюз чыракъ джандырыр.
- Джаханимни кёрмей, джандетге кёл салмазса.
- Ашда – бёрю, ишде – ёлю.
- Аман киши кеси юйюнде – къонакъ.
- Ач, тоймам, дейди, тойгъан, ач болмам, дейди.
Профиль
|
|
|
|||