- Илму – джашауну джолу.
- Джаралыны джастыгъында сау ёлюр.
- Акъыл бла адеб эгизледиле.
- Адеб этмеген, адеб кёрмез.
- Борчунг бар эсе, хурджунунга ойлаб узал.
- Къазанны башы ачыкъ болса, итге уят керекди.
- Келлик заман – къартлыкъ келтирир, кетген заман – джашлыкъ ёлтюрюр.
- Намыс болмагъан джерде, насыб болмаз.
- Игиге айтсанг – билир, аманнга айтсанг – кюлюр.
- Къонакъ болсанг, ийнакъ бол.
- Кирсизни – саны таза, халалны – къаны таза.
- Хунаны тюбюн къазсанг, юсюнге ауар.
- Туз, гырджын аша, тюзлюк бла джаша.
- Ат басханны джер билед.
- Къууут – джелге, берне – бошха.
- Ишин билген, аны сыйын чыгъарады.
- Ач къалгъандан, кеч къалгъан къолай.
- Джырына кёре эжиую.
- Эки къатын алгъан – эки ташны ортасына башын салгъан.
- Бир онгсуз адам адет чыгъарды, деб эштирик тюлсе.
- Тик ёргени, тик энгишгеси да болады.
- Сагъыш – къартлыкъгъа сюйюмчю.
- Миллетни бойну – базыкъ, аны бла кюрешген – джазыкъ.
- Азыкъ аз болса, эртде орун сал.
- Биреуге аманлыкъ этиб, кесинге игилик табмазса.
- Таула не мийик болсала да, аууш табылыр.
- Чомарт джарлы болмаз.
- Халкъны юйю – туугъан джери.
- Суу да къайтады чыкъгъан джерине.
- Этек чакъмакълары баш джаргъан, сёлешген сёзлери таш джаргъан.
- Окъумагъан сокъурду, сокъур ташха абыныр!
- Башда акъыл болмаса, эки аякъгъа кюч джетер.
- Таш ата билмеген, башына урур.
- Аман къатын алгъан, арыр, иги къатын алгъан джарыр.
- Таукелге нюр джауар.
- Таукел адам тау тешер.
- Чакъырылмагъан джерге барма, чакъырылгъан джерден къалма.
- Байлыкъ тауусулур, билим тауусулмаз.
- Мадар болса, къадар болур.
- Окъуусуз билим – джокъ, билимсиз кюнюнг – джокъ.
- Биреуню тёрюнден, кесинги эшик артынг игиди.
- Суу кетер, таш къалыр.
- Къатыны харакетли болса, эри къымсыз болур.
- Дуния аламаты сен эсенг да, игиме деб айтма.
- Оюмсуз атлагъан, аджалсыз ёлюр.
- Ойнаб айтсанг да, эслеб айт.
- Киштикге къанат битсе, чыпчыкъ къалмаз эди.
- Чыбыкълыкъда бюгюлмеген, къазыкълыкъда бюгюлмей эди.
- Ишлерге уял да, ашаргъа табма.
- Адам къыйынлыгъын кёлтюрюр, зауукълугъун кёлтюрмез.
Профиль
|
|
|
|||