Эльбрусоид :: Форум

Орну джокъну – сыйы джокъ.
Ач, тоймам, дейди, тойгъан, ач болмам, дейди.
Сёз сёзню айтдырыр.
Арбаз сайлама да, хоншу сайла.
Ашын ашагъанынгы, башын да сыйла.
Мухардан ач ычхынмаз.
Элни кючю – эмеген.
Аджашхан тёгерек айланыр.
Къазанчы аман болса, къазаны къайнамаз.
Ашхы тенг джолгъа салыр, аман тенг джолдан тайдырыр.
Эринчекни аурууу – кёб.
Келинин тута билмеген, къул этер, къызын тута билмеген, тул этер.
Бир онгсуз адам адет чыгъарды, деб эштирик тюлсе.
Ёлюр джаннга, ёкюл джокъ.
Халкъны джырын джырласанг, халкъ санга эжиу этер.
Мал кёб болса, джууукъ кёб болур.
Чарсда алчыны эл кёреди.
Джаш болсун, къыз болсун, акъылы, саны тюз болсун.
Чабакъ башындан чирийди.
Онгсузну – джакъла, тенгликни – сакъла.
Байма, деб да, къууанма, джарлыма, деб да, джылама.
Ётюрюк хапар аякъ тюбю бла джюрюйдю.
Къонагъы джокъну – шоху джокъ.
Тёрени джагъы джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Башы ишлегенни, ауузу да ишлер.
Бек ашыкъгъан меннге джетсин, дегенди аракъы.
Чабакъсыз кёлге къармакъ салгъанлыкъгъа, чабакъ тутмазса.
Кесинге джетмегенни, кёб сёлешме.
Алим болгъандан эсе, адам болгъан къыйынды.
Джуртун къоругъан озар.
Къазанда болса, чолпугъа чыгъар.
Тёзгеннге, джабылгъан эшик ачылыр.
Ашыкъгъанны этеги бутуна чырмалыр.
Бастасын ашагъан, хантусун да ичер.
Сакъалы текени да бар, мыйыгъы киштикни да бар.
Билген билмегенни юретген адетди.
Къоркъакъны кёзю экили кёрюр.
Мураты болгъанны джюрек тебюую башхады.
Акъылсызны джууукъгъа алма, акъыллыны кенгнге салма.
Кёзден кетген, кёлден да кетеди.
Тамырсыз терекге таянма – джыгъылырса.
Башда акъыл болмаса, эки аякъгъа кюч джетер.
Билимсиз иш бармаз.
Ауузу бла къуш тута айланады.
Ёмюрлюк шохлукъну джел элтмез.
Элде адам къалмаса, ит тахтагъа минер.
Эллинг бла джау болсанг да, юйюнг бла джау болма.
Ач келгенни – тойдур, кеч келгенни – къондур.
Аман адамны тепсинге олтуртсанг, къызынгы тилер.

Логин:
Пароль:
	Запомнить меня на этом компьютере

Забыли свой пароль?
Регистрация