Эльбрусоид :: Форум

Туз, гырджын аша, тюзлюк бла джаша.
Къозулугъунда тоймагъан, къойлугъунда тоймаз.
Тура эдим джата, къайдан чыкъды хата?
Тойну къарнашы – харс, джырны къарнашы – эжиу.
Хансыз джомакъ болмаз.
Юйюнгден чыкъдынг – кюнюнгден чыкъдынг.
Гугук кесини атын айтыб къычыргъанча, мен, мен деб нек тураса?
Ёмюрлюк шохлукъну джел элтмез.
Тиширыусуз юй – отсуз от джагъа.
Кёзю сокъурдан – къоркъма, кёлю сокъурдан – къоркъ.
Эки итни арасына сюек атма, эки адамны арасында сёз чыгъарма.
Дуния малгъа сатылма, кесингден телиге къатылма.
Кенгеш болса, уруш болмаз.
Ойнай-ойнай кёз чыгъар.
Кечеси – аяз, кюню – къыш, джарлы къаргъагъа бир аш тюш!
Сабийни джумушха джибер да, ызындан бар.
Окъугъанны бети джарыкъ.
Ашда уялгъан – мухар, ишде уялгъан – хомух.
Ишлерге уял да, ашаргъа табма.
Ачлыкъ отха секиртир.
Огъурлуну сёзю – суу, огъурсузну сёзю – уу.
Хар адамгъа кеси миннген тау кибик.
Шайтан алдады, тюзлюк къаргъады.
Ичимден чыкъды хата, къайры барайым сата?
Кёпюр салгъан кеси ётер, уру къазгъан кеси кетер.
Башы ишлегенни, ауузу да ишлер.
Билим насыб берир, билим джолну керир.
Къызын тута билмеген, тул этер, джашын тута билмеген, къул этер.
Эркиши – от, тиширыу – суу.
Эм ашхы къайын ана мамукъ бла башынгы тешер.
Чоюнну башы ачыкъ болса, итге уят керекди.
Ёзденликни кёбю ётюрюк.
Тёрени джагъы джокъ.
Ёгюзню мюйюзлери ауурлукъ этмейдиле.
Ата – билек, ана – джюрек!
Тыш элде солтан болгъандан эсе, кесинги элде олтан болгъан игиди!
Орну джокъну – сыйы джокъ.
Билимсиз иш бармаз.
Къуллукъчума, деб махтанма, къуллукъ – хаух джамчыды!
Сабий кёргенин унутмаз.
Алма терегинден кери кетмез.
Тёгюлген тюгел джыйылмайды.
Насыблы элин сюер, насыбсыз кесин сюер.
Билмегенинги, билгеннге сор.
Ариу – кёзге, акъыл – джюрекге.
Юй ишлеген балта эшикде къалыр.
Къонакъны къачан кетерин сорма, къачан келлигин сор.
Кийимни бир кюнню аясанг, минг кюннге джарар.
Ханнга да келеди хариблик.
Атлыны кёрсе, джаяуну буту талыр.

Логин:
Пароль:
	Запомнить меня на этом компьютере

Забыли свой пароль?
Регистрация