- Кёб ант этген, кёб ётюрюк айтыр.
- Сууда джау джокъ, кёб сёзде магъана джокъ.
- Аджашхан тёгерек айланыр.
- Ашхы – джыяр, аман – джояр.
- Тойгъа барсанг, тоюб бар, эски тонунгу къоюб бар.
- Эки къатын алгъан – эки ташны ортасына башын салгъан.
- Атынг аманнга чыкъгъандан эсе, джанынг тамагъынгдан чыкъсын.
- Ишлерге уял да, ашаргъа табма.
- Джарлыны эшигин махтагъан джабар.
- Кёлсюзден сёзсюз тууар.
- Элиб деген, элге болушур.
- Чабар ат – джетген къыз.
- Джеринден айырылгъан – джети джылар, джуртундан айырылгъан – ёлгюнчю джылар.
- Джаш къарыу бла кючлю, къарт акъыл бла кючлю.
- Джаным-тиним – окъуу, билим.
- Шайтан алдады, тюзлюк къаргъады.
- Джол бла сёзню къыйыры джокъ.
- От этилмеген джерден тютюн чыкъмайды.
- Ач келгенни – тойдур, кеч келгенни – къондур.
- Бёрю да ач къалмасын, эчки да ашалмасын.
- Джыгъылгъанны сырты джерден тоймаз.
- Ёнгкюч къууана барыр, джылай келир.
- Ариуну – ауруу кёб.
- Орну джокъну – сыйы джокъ.
- Билим насыб берир, билим джолну керир.
- Эринчекни эр алмаз, эр алса да, кёл салмаз, кёл салса да, кёб бармаз!
- Тенгинг джокъ эсе – изле, бар эсе – сакъла!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёз – сюйген джерде, къол – ауругъан джерде.
- Кюн кёрмеген, кюн кёрсе, кюндюз чыракъ джандырыр.
- Къарнынг бла ёч алма.
- Къар – келтирди, суу – элтди.
- Биреуге аманлыкъны тилеме да, кесинге ашхылыкъны тиле.
- Чомарт бергенин айтмаз.
- Эркишиге тары кебек танг кёрюнюр.
- Аманнга да, игиге да оноусуз къатышма.
- Акъыл сабырлыкъ берир.
- Къарыусузгъа кюлме, онгсузгъа тийме.
- Аманны эки битли тону болур, бирин сеннге кийдирир, бирин кеси киер.
- Ач отунчуну ачыуу – бурнунда.
- Тулпарлыкъ, билекден тюл – джюрекден.
- Эрине къаргъыш этген къатын, эрнин къабар.
- Кютгени беш эчки, сызгъыргъаны уа, джерни джарады.
- Кесинге джетмегенни, кёб сёлешме.
- Билим къая тешер.
- Туз, гырджын аша, тюзлюк бла джаша.
- Дууулдаса – бал чибин, къонса – къара чибин.
- Джырчы джырчыгъа – къарнаш.
- Биреуню тёрюнден, кесинги эшик артынг игиди.
- Айырылгъанланы айю ашар, бёлюннгенлени бёрю ашар.
Профиль
|
Shine
 Эльбрусоид
Cообщений: 844
Баллов: 675
Регистрация: 12.12.2011
Последний визит: 02.09.2016 18:35:41
|
|
||||||||
|
|
|
||||||||