Эльбрусоид :: Форум

Сёз сёзню айтдырыр.
Эри аманны, къатыны – аман.
Айтылгъан сёз ызына къайтмаз.
Адамны аты башхача, акъылы да башхады.
Джерни букъусу кёкге къонмаз.
Аз сёлешген, къайгъысыз турур.
Къайтырыкъ эшигинги, къаты уруб чыкъма.
Хоншуну тауугъу къаз кёрюнюр, келини къыз кёрюнюр.
Ётюрюк хапар аякъ тюбю бла джюрюйдю.
Байдан умут эте, джарлыдан ёгюз багъасы къорады.
Сыфатында болмагъаны, суратында болмаз.
Билимден уллу байлыкъ джокъду.
Къонакъ аман болса, къонакъбай джунчур
Тынгылагъан тынгы бузар.
Урама да – ёледи, сатама да – келеди.
Джаш болсун, къыз болсун, акъылы, саны тюз болсун.
Кёзюнде тереги болгъан, чёбю болгъаннга кюле эди.
Джумушакъ терекни къурт ашар.
Эте билген, этген этеди, эте билмеген, юретген этеди!
Айран тёгюлсе, джугъусу къалыр.
Байлыкъ болгъан джерде, тынчлыкъ джокъду.
Илму – джашауну джолу.
Хар адамгъа кеси миннген тау кибик.
Къарнынг бла ёч алма.
Тил бла келеди джыр да.
Ёлмесенг да, къарт дамы болмазса?
Адам сёзге тынгыла, акъыл сёзню ангыла.
Малны кют, джерни тюрт.
Чомартха хар кюн да байрамды.
Айныгъанлы алты кюн, тогъайгъанлы тогъуз кюн.
Къарны аманнга къазан такъдырма, къолу аманнга от джакъдырма.
Рысхы – насыбха къор.
Суу кетер, таш къалыр.
Дуния аламаты сен эсенг да, игиме деб айтма.
Бозанг болмагъан джерге, къалагъынгы сукъма.
Киштикге къанат битсе, чыпчыкъ къалмаз эди.
Къыйынлы джети элге оноу этер.
Борчунг бар эсе, хурджунунга ойлаб узал.
Иги бла джюрюсенг, джетерсе муратынга, аман бла джюрюсенг, къалырса уятха.
Чакъырылмагъан джерге барма, чакъырылгъан джерден къалма.
Ач отунчуну ачыуу – бурнунда.
Чакъырылмай келген къонакъ сыйланмай кетер.
Эл ауузу – элия.
Джиби бир къат джетмей эди да, эки къат тарта эди.
Туз, гырджын аша, тюзлюк бла джаша.
Намыс сатылыб алынмайды.
Билгенни къолу къарны джандырыр.
Олтуруб кёрюнмей эди да, ёрге туруб кёрюне эди.
Акъдан къара болмаз.
Тойну къарнашы – харс, джырны къарнашы – эжиу.

Логин:
Пароль:
	Запомнить меня на этом компьютере

Забыли свой пароль?
Регистрация