- Тура эдим джата, къайдан чыкъды хата?
- Кюн – узун, ёмюр – къысха.
- Къаллай салам берсенг, аллай джууаб алырса.
- Ашда – бёрю, ишде – ёлю.
- Термилгенинги табмазса, кюлгенинге тюберсе.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тёрени джагъы джокъ.
- Акъыл сабырлыкъ берир.
- Сабий болмагъан джерде, мёлек болмаз.
- Терек ауса, отунчу – кёб.
- Эринчекге кюн узун.
- Итли къонакъ джарашмаз.
- Бет бетге къараса, бет да джерге къарар.
- Намысы джокъну – дуниясы джокъ.
- Байны оноуу, джарлыгъа джарамаз.
- Чыбыкълыкъда бюгюлмеген, къазыкълыкъда бюгюлмей эди.
- Джеринден айырылгъан – джети джылар, джуртундан айырылгъан – ёлгюнчю джылар.
- Тилчи тилден къаныкъмаз.
- Окъдан джара эртде-кеч болса да бителир, сёз джара, ёмюрге къалыр.
- Къарнынг ауруса, ауузунгу тый
- Сёз садакъдан кючлюдю.
- Битмегеннге сакъал – танг.
- Кенгеш болса, уруш болмаз.
- Тойгъан джерден туугъан джер игиди.
- Ишни аллы бла къууанма да, арты бла къууан.
- Хата – гитчеден.
- Ариу сёз – джаннга азыкъ, аман сёз – башха къазыкъ.
- Адеб базарда сатылмаз.
- Айтылгъан сёз ызына къайтмаз.
- Уллу къашыкъ эрин джыртар.
- Джол бла сёзню къыйыры джокъ.
- Кесине оноу эте билмеген, халкъына да эте билмез.
- Къатын байлыкъны сюер, эр саулукъну сюер.
- Ёлген ийнек сютлю болур.
- Билим ат болуб да чабар, къуш болуб да учар.
- Чёбню кёлтюрсенг, тюбюнден сёз чыгъар.
- Джуртун къоругъан озар.
- Чабакъ башындан чирийди.
- Джырчы джырчыгъа – къарнаш.
- Кёзден кетген, кёлден да кетеди.
- Эски джаугъа ышанма.
- Билеги кючлю, бирни джыгъар, билими кючлю, мингни джыгъар.
- Къонакъ кёб келюучю юйню, къазаны отдан тюшмез.
- Ишлемеген – тишлемез.
- Джахил болса анасы, не билликди баласы?
- Эшекни не къадар тюйсенг да, ат болмаз.
- Кёзню ачылгъаны – иги, ауузну джабылгъаны – иги.
- Джюрекден джюрекге джол барды.
- Эртде тургъан джылкъычыны эркек аты тай табар.
- Урама да – ёледи, сатама да – келеди.
Профиль
|
Ingil
 Эльбрусоид
Cообщений: 4585
Баллов: 3668
Регистрация: 12.12.2011
Последний визит: 09.08.2018 17:48:11
|
 |
|||
|
|
|
|||