- Чомарт джарлы болмаз.
- Эки ойлашыб, бир сёлешген.
- Кечеси – аяз, кюню – къыш, джарлы къаргъагъа бир аш тюш!
- Иги – алгъыш этер, аман – къаргъыш этер.
- Ургъан суудан башынгы сакъла.
- Ач – эснер, ат – кишнер.
- Келинни – келгинчи, бёркню кийгинчи кёр.
- Эшекни не къадар тюйсенг да, ат болмаз.
- Урунуу – насыбны анасы.
- Адебсиз адам – джюгенсиз ат.
- Шекер бла туз – бир болмаз, ушамагъан – юй болмаз.
- Айтхан – тынч, этген – къыйын.
- Мен да «сен», дейме, сен да «кесим», дейсе.
- Ариу сёз аурууунгу алыр.
- Айыбны суу бла джууалмазса.
- Ачлыкъда тары гырджын халыуадан татлы.
- Чомартха хар кюн да байрамды.
- Игиге айтсанг – билир, аманнга айтсанг – кюлюр.
- Ашхы – джыяр, аман – джояр.
- Гугурук къычырмаса да, тангны атары къалмаз.
- Чабакъ башындан чирийди.
- Айтхан сёзюне табылгъан.
- Джашны джигитлиги сорулур, къызны джигерлиги сорулур.
- Сёз – кюмюш, джыр – алтын.
- Арбаз сайлама да, хоншу сайла.
- Ач къалгъандан, кеч къалгъан къолай.
- Тёзген – тёш ашар!
- Тойну къарнашы – харс, джырны къарнашы – эжиу.
- Азыкъ аз болса, эртде орун сал.
- Ана къойну – балагъа джандет.
- Босагъа таш юйге кирмей эди, тыбыр таш эшикге чыкъмай эди.
- Тилде сюек болмаса да, сюек сындырыр.
- Кийиминг бла танылма, адамлыкъ бла таныл.
- Ата джурт – алтын бешик.
- Иши джокъну, сыйы джокъ.
- Джукъу тёшек сайламайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Элде адам къалмаса, ит тахтагъа минер.
- Эринчекге кюн узун.
- Ёлюр джаннга, ёкюл джокъ.
- Къая джолда джортма, ачыкъ сёзден къоркъма.
- Алим болгъандан эсе, адам болгъан къыйынды.
- Къобан да къуру да къобханлай турмайды, адам да къуру да патчахлай турмайды.
- Ашхы сёз таш тешер.
- Алтыда кюлмеген, алтмышда кюлмез.
- Къарыусузгъа кюлме, онгсузгъа тийме.
- Джогъун бар этген, барын бал этген.
- Эринчекни эр алмаз, эр алса да, кёл салмаз, кёл салса да, кёб бармаз!
- Иги сёз – джаннга азыкъ, аман сёз башха – къазыкъ.
- Кесине оноу эте билмеген, халкъына да эте билмез.
Профиль
|
Ingil
 Эльбрусоид
Cообщений: 4585
Баллов: 3668
Регистрация: 12.12.2011
Последний визит: 09.08.2018 17:48:11
|
 |
|||
|
|
|
|||