Эльбрусоид :: Форум

Аз сёлешген, къайгъысыз турур.
Тик ёргени, тик энгишгеси да болады.
Чалманны аллы къалай башланса, арты да алай барады.
Джылар джаш, атасыны сакъалы бла ойнар.
Ашха уста, юйюнде болсун
Нёгерсизни джолу узун.
Айыбны суу бла джууалмазса.
Намысы болмагъанны, сыйы болмаз.
Джюрекден джюрекге джол барды.
Чомарт къонакъ юй иесин сыйлар.
Адамны сыфатына къарама, сёзюне къара.
Ёгюзню мюйюзлери ауурлукъ этмейдиле.
Терслик кетер, тюзлюк джетер.
Бал ашаргъа сюе эсенг, чибин ургъаннга тёз.
Гугурук къычырмаса да, тангны атары къалмаз.
Эл бла кёргенинг эрелей.
Аманнга алтын чыдамаз.
Ат басханны джер билед.
Гугук кесини атын айтыб къычыргъанча, мен, мен деб нек тураса?
Ётген ёмюр – акъгъан суу.
Сакъалы текени да бар, мыйыгъы киштикни да бар.
Ана къолу ачытмаз.
Эм ашхы къайын ана мамукъ бла башынгы тешер.
Окъуусуз билим – джокъ, билимсиз кюнюнг – джокъ.
Ауурну тюбю бла, дженгилни башы бла джюрюген.
Тилчи тилден къаныкъмаз.
Баш – акъыл ючюн, акъылман – халкъ ючюн.
Гыдай эчки суугъа къараб, мюйюзле кёрмесе, джашма алкъын, дегенди.
Ата – баланы уясы.
Таугъа чыгъаллыкъ эсенг, тюзде къалма.
Эте билген, этген этеди, эте билмеген, юретген этеди!
Сабийни джумушха джибер да, ызындан бар.
Ашлыкъны арба юйге келтирир, чана базаргъа элтир.
Ач къарынны, токъ билмез
Аш берме да, къаш бер.
Акъыл аздырмаз, билим тоздурмаз.
Битмегеннге сакъал – танг.
Айтылгъан сёз ызына къайтмаз.
Нёгер болсанг, тенг бол, тенг болмасанг, кенг бол.
Туз, гырджын аша, тюзлюк бла джаша.
Бермеген къол, алмайды.
Босагъагъа джууукъ орун болса, ашыгъыб тёрге озма.
Тас болгъан бычакъны сабы – алтын.
Ашыкъгъанны этеги бутуна чырмалыр.
Телиге от эт десенг, юйюнге от салыр.
Мухарны эси – ашарыкъда.
Къаллай салам берсенг, аллай джууаб алырса.
Махтаннган къыз, тойда джукълар.
Дженгил джетерикме деб, узун джолну къоюб, къысхасын барма.
Тай асырагъан, атха минер.

Логин:
Пароль:
	Запомнить меня на этом компьютере

Забыли свой пароль?
Регистрация