- Дуния малгъа сатылма, кесингден телиге къатылма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Туз, гырджын аша, тюзлюк бла джаша.
- Чарсда алчыны эл кёреди.
- Оюмсуз атлагъан, аджалсыз ёлюр.
- Этим кетсе да, сюегим къалыр.
- Байлыкъдан саулукъ ашхыды.
- Сютден ауузу кюйген, суугъа юфгюре эди.
- Джырчы ёлсе, джыры къалыр.
- Ариу сёз аурууунгу алыр.
- Ашхы – джыяр, аман – джояр.
- Адам туугъан джеринде, ит тойгъан джеринде.
- Джигер – джаннга къыйынлыкъ.
- Тили узунну, намысы – къысха.
- Тёзген – тёш ашар!
- Кийим тукъум сордурур.
- Адамны сыфатына къарама, сёзюне къара.
- Сютню башын джалагъан къутулур, тюбюн ичген тутулур.
- Къаллай салам берсенг, аллай джууаб алырса.
- Байлыкъ адамны сокъур этер.
- Къонагъынгы артмагъын алма да, алгъышын ал.
- Аууздан келген, къолдан келсе, ким да патчах болур эди.
- Джарлы эскисин джамаса, къууаныр.
- Аджашханны ызындагъы кёреди, джангылгъанны джанындагъы биледи.
- Арыгъан къош чамчы болур.
- Миллетни бойну – базыкъ, аны бла кюрешген – джазыкъ.
- Байлыкъ тауусулур, билим тауусулмаз.
- Ашда – бёрю, ишде – ёлю.
- Аман эсирсе, юйюн ояр.
- Чомарт къолда мал къалмаз.
- Къумурсхала джыйылсала, пилни да джыгъадыла.
- Алма терегинден кери кетмез.
- От кюйдюрген, сау болса да, тот кюйдюрген, сау болмаз.
- Къартны сыйын кёрмеген, къартлыгъында сыйлы болмаз.
- Тёгюлген тюгел джыйылмайды.
- Эл бла кёргенинг эрелей.
- Адамны аманы адамны бети бла ойнар.
- Къайтырыкъ эшигинги, къаты уруб чыкъма.
- Байлыкъ келсе, акъыл кетер.
- Ишлегенден, къарагъан уста.
- Аманны тукъумуна къарама, игини тукъумун сорма.
- Хазыр ашха – терен къашыкъ.
- Билими азны – ауузунда кирит.
- Агъач – джерни чырайы, кийим – эрни чырайы.
- Ичимден чыкъды хата, къайры барайым сата?
- Тай асырагъан, атха минер.
- Сабийликде юретмесенг, уллу болса – тюзелмез.
- Нарт сёз – тилни бети.
- Кесинге джетмегенни, кёб сёлешме.
- Ариуну – ауруу кёб.
Профиль
|
Piece of Happiness
 Эльбрусоид
Cообщений: 1816
Баллов: 1452
Регистрация: 12.12.2011
Последний визит: 03.02.2022 18:09:53
|
|
||||||||
|
|
|
||||||||