- Шапа кёб болса, аш татымсыз болур.
- Тойгъан джерге джети къайт.
- Уллу суу бла уллу ауруудан башынгы сакъла.
- Айран ичген – къутулду, джугъусун джалагъан – тутулду.
- Джаз бир кюнню джатсанг, къыш талай кюнню абынырса.
- Къарнынг ауруса, ауузунгу тый
- Эки къатын алгъан – эки ташны ортасына башын салгъан.
- Эшекни не къадар тюйсенг да, ат болмаз.
- Джахил болса анасы, не билликди баласы?
- Адамны артындан къара сабан сюрме.
- Алтыда кюлмеген, алтмышда кюлмез.
- Уллу къашыкъ эрин джыртар.
- Намыс сатылыб алынмайды.
- Чомарт къолда мал къалмаз.
- Билген билмегенни юретген адетди.
- Дуния малгъа сатылма, кесингден телиге къатылма.
- Ата – баланы уясы.
- Ауругъан – джашаудан умутчу.
- Къар – келтирди, суу – элтди.
- Джигер – джаннга къыйынлыкъ.
- Ашда – бёрю, ишде – ёлю.
- Кёб джат да, бек чаб.
- Аман къатын сабий табса, бий болур…
- Сёз – кюмюш, джыр – алтын.
- Тура эдим джата, къайдан чыкъды хата?
- Ишлерге уял да, ашаргъа табма.
- Къумурсхала джыйылсала, пилни да джыгъадыла.
- Атадан ёксюз – бир ёксюз, анадан ёксюз – эки ёксюз.
- Aдам боллукъ, сыфатындан белгили.
- Тойгъа барсанг, тоюб бар, эски тонунгу къоюб бар.
- Кютгени беш эчки, сызгъыргъаны уа, джерни джарады.
- Башсыз урчукъ тюзюне айланмаз.
- Ойнай билмеген, оюн бузар.
- Сагъыш – къартлыкъгъа сюйюмчю.
- Джашлыкъ этмеген, башлыкъ этмез.
- Мухардан ач ычхынмаз.
- Иги джашны ышаны – аз сёлешиб, кёб тынгылар.
- Мухарны эси – ашарыкъда.
- Ойнаб айтсанг да, эслеб айт.
- Хунаны тюбюн къазсанг, юсюнге ауар.
- Къыз тиширыу кеси юйюнде да къонакъды.
- Къатыны харакетли болса, эри къымсыз болур.
- Кёбден умут этиб, аздан къуру къалма.
- Билим – акъылны чырагъы.
- Ишин билген, аны сыйын чыгъарады.
- Байлыкъдан саулукъ ашхыды.
- Бюгюн дуния кибик, тамбла ахыратды.
- Аз сёлешген, къайгъысыз турур.
- Тюзлюк тас болмайды.
- Таукел адам тау тешер.
Профиль
|
Вопросег
 Эльбрусоид
Cообщений: 6530
Баллов: 5324
Регистрация: 12.12.2011
Последний визит: 17.11.2024 16:36:01
|
||||
|
|
|
|||