Эльбрусоид :: Форум

Джюз элде джюз ёгюзюм болгъандан эсе, джюз джууугъум болсун.
Къыз тиширыу кеси юйюнде да къонакъды.
Ойнаб айтсанг да, эслеб айт.
Джахил болса анасы, не билликди баласы?
Башсыз урчукъ тюзюне айланмаз.
Джаз бир кюнню джатсанг, къыш талай кюнню абынырса.
Чабакъсыз кёлге къармакъ салгъанлыкъгъа, чабакъ тутмазса.
Бал ашаргъа сюе эсенг, чибин ургъаннга тёз.
Къолунгдан къуймакъ ашатсанг да, атаны борчундан къутулмазса.
Акъыллы айтыр эди, акъылсыз къоймайды.
Мухардан ач ычхынмаз.
Элге къуллукъ этмеген, элге ие болмаз.
Ургъан суудан башынгы сакъла.
Чыкълы кюнде чыкъмагъан, чыкъса къуру кирмеген.
Ишленмеген джаш – джюгенсиз ат, ишленмеген къыз – тузсуз хант.
Гугук кесини атын айтыб къычыргъанча, мен, мен деб нек тураса?
Къартны бурнун сюрт да, оноугъа тут.
Ач отунчуну ачыуу – бурнунда.
Эри аманны, къатыны – аман.
Адам къыйынлыгъын кёлтюрюр, зауукълугъун кёлтюрмез.
Ишни ахырын ойламай, аллын башлама.
Тили узунну, намысы – къысха.
Келгинчи, къонакъ уялыр, келгенден сора, къонакъбай уялыр.
Ашхы тенг джолгъа салыр, аман тенг джолдан тайдырыр.
Булут кёкге джарашыу, уят бетге джарашыу.
Чомарт бергенин айтмаз.
Керти сёзге тёре джокъ.
Къонакъ хазыр болгъанлыкъгъа, къонакъбай хазыр тюлдю.
Сабийни джумушха джибер да, ызындан бар.
Юреннген ауруу къалмаз.
Бек ашыкъгъан меннге джетсин, дегенди аракъы.
Окъдан джара эртде-кеч болса да бителир, сёз джара, ёмюрге къалыр.
Акъыл къартда, джашда тюйюлдю – башдады.
Акъыллы башны – тили къысха.
Алгъанда – джууукъ, бергенде – джау.
Кёбге таш атма.
Бети – къучакълар, джюреги – бычакълар.
Башынга джетмегенни сорма.
Итли къонакъ джарашмаз.
Эки итни арасына сюек атма, эки адамны арасында сёз чыгъарма.
Таякъ этден ётер, тил сюекден ётер.
Чомартха хар кюн да байрамды.
Адамны аты башхача, акъылы да башхады.
Къыз чыгъаргъан – къызыл къымжа.
Сыфатында болмагъаны, суратында болмаз.
Джарлы тюеге минсе да, ит къабар.
Аман адам этегингден тутса, кес да къач.
Суугъа – чабакъ, къаягъа – ыргъакъ.
Бир абыннган – минг сюрюнюр.
Кёбден умут этиб, аздан къуру къалма.

Логин:
Пароль:
	Запомнить меня на этом компьютере

Забыли свой пароль?
Регистрация