- Адамны сабийин сюйген джюреги, бычакъча, джитиди.
- Эл элде бирер малынг болгъандан эсе, бирер тенгинг болсун.
- Керек ташны ауурлугъу джокъ.
- Айтылгъан сёз ызына къайтмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бетинги сатма, малынгы сат.
- Айырылмаз джууугъунга, унутмаз сёзню айтма.
- Къуру гыбыт бек дыгъырдар.
- Уллу сёлешме да, уллу къаб.
- Адамны джюреги нени кёрюрге сюйсе, кёзю да аны кёрюрге ёч болады.
- Аман киши кеси юйюнде – къонакъ.
- Къартны сыйын кёрмеген, къартлыгъында сыйлы болмаз.
- Адамны бетине къарама, адетине къара.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашыкъгъан cуу, тенгизге джетмез.
- Дженгил джетерикме деб, узун джолну къоюб, къысхасын барма.
- Ашхы атаны – джашы ашхы, ашхы ананы – къызы ашхы.
- Тамырсыз терекге таянма – джыгъылырса.
- Келлик заман – къартлыкъ келтирир, кетген заман – джашлыкъ ёлтюрюр.
- Тойгъан джерден туугъан джер игиди.
- Накъырда – кертини келечиси.
- Абынмазлыкъ аякъ джокъ, джангылмазлыкъ джаякъ джокъ.
- Тешигини къатында, чычхан да батыр болур.
- Адам туугъан джеринде, ит тойгъан джеринде.
- Эр сокъур болсун, къатын тилсиз болсун.
- Адам боллукъ, атламындан белгили болур.
- Тас болгъан бычакъны сабы – алтын.
- Тулпарлыкъ, билекден тюл – джюрекден.
- Уллу айтханны этмеген – уллаймаз.
- От кюйдюрген, сау болса да, тот кюйдюрген, сау болмаз.
- Джашны джигитлиги сорулур, къызны джигерлиги сорулур.
- Сабий кёргенин унутмаз.
- Айран ичген – къутулду, джугъусун джалагъан – тутулду.
- Тенги кёбню джау алмаз, акъылы кёбню дау алмаз.
- Аманнга игилик этсенг, юйюнге сау бармазса.
- Айранын берсенг, челегин да къызгъанма.
- Биреуге кёлтюрген таягъынг, кесинги башынга урур.
- Айырылгъанланы айю ашар, бёлюннгенлени бёрю ашар.
- Хунаны тюбюн къазсанг, юсюнге ауар.
- Уллу сёзде уят джокъ.
- Байма, деб да, къууанма, джарлыма, деб да, джылама.
- Чомартха Тейри да борчлуду.
- Бети бедерден, намыс сакълама.
- Тели турса – той бузар.
- Сормай – алма, чакъырылмай – барма.
- Ханнга да келеди хариблик.
- Нёгерсизни джолу узун.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джерни букъусу кёкге къонмаз.
- Этим кетсе да, сюегим къалыр.
Профиль
|
darling
 Эльбрусоид
Cообщений: 236
Баллов: 188
Регистрация: 12.12.2011
Последний визит: 02.10.2023 23:25:57
|
|
||||||||||
|
|
|
||||||||||