Эльбрусоид :: Форум

Aдам боллукъ, сыфатындан белгили.
Билимсиз иш бармаз.
Агъач халкъгъа алтынды, иссиликге салкъынды.
Ана – юйню кюн джарыгъы.
Къыйынлы джети элни къайгъысын этер.
Ойнай-ойнай кёз чыгъар.
Тил – миллетни джаны.
Мал кёб болса, джууукъ кёб болур.
Ат да турмайды бир териде.
Эки элинги тыйсанг, джети элде махталырса.
Адеб этмеген, адеб кёрмез.
Эркишини аманы тиширыуну джылатыр.
Рысхысына кёре, джаш ёсер, къышлыгъына кёре, мал ёсер.
Къуллукъчума, деб махтанма, къуллукъ – хаух джамчыды!
Иесиз малны бёрю ашар.
Чомартны къолу берекет.
Келлик заман – къартлыкъ келтирир, кетген заман – джашлыкъ ёлтюрюр.
Къартны бурнун сюрт да, оноугъа тут.
Харам къарнашдан, халал тенг ашхы.
Эл ауузу – элия.
Тил – кесген бычакъ, сёз – атылгъан окъ.
Къарнынг къанлынга кийирир.
Уллу айтханны этмеген – уллаймаз.
Сагъыш – къартлыкъгъа сюйюмчю.
Адамны аманы адамны бети бла ойнар.
Бетинги сатма, малынгы сат.
Ариу сёз – джаннга азыкъ, аман сёз – башха къазыкъ.
Арба аугъандан сора, джол кёргюзтюучю кёб болур.
Сёз къанатсыз учар.
Къуру гыбыт бек дыгъырдар.
Атынг аманнга чыкъгъандан эсе, джанынг тамагъынгдан чыкъсын.
Джюрекге ариу – кёзге да ариу.
Акъыллы эркиши атын махтар, акъылсыз эркиши къатынын махтар.
Джангыз терек къынгыр ёсер.
Ачыкъ джюрекге джол – ачыкъ.
Ач къарынны, токъ билмез
Эки ойлашыб, бир сёлешген.
Ариу сёз – къылычдан джити.
Тик ёргени, тик энгишгеси да болады.
Аманнга алтын чыдамаз.
Кёзю сокъурдан – къоркъма, кёлю сокъурдан – къоркъ.
Берекет берсин деген джерде, берекет болур.
Адамны бетине къарама, адетине къара.
Аурууну келиую тынч, кетиую – къыйын.
Байлыкъ адамны сокъур этер.
Аджашханны ызындагъы кёреди, джангылгъанны джанындагъы биледи.
Чабакъ башындан чирийди.
Ач да бол, токъ да бол – намысынга бек бол.
Ач, тоймам, дейди, тойгъан, ач болмам, дейди.
Кёз – сюйген джерде, къол – ауругъан джерде.

Логин:
Пароль:
	Запомнить меня на этом компьютере

Забыли свой пароль?
Регистрация