Эльбрусоид :: Форум :: изяшниперсон

Хатерли къул болур.
Аман адамны тепсинге олтуртсанг, къызынгы тилер.
Бетинги сатма, малынгы сат.
Билмезни кёзю кёрмез, этмезни къулагъы эшитмез.
Таугъа чыгъаллыкъ эсенг, тюзде къалма.
Ана къолу ачытмаз.
Окъуу – билимни ачхычы, окъуу – дунияны бачхычы.
Ёлген ийнек сютлю болур.
Ашлыкъ – бюртюкден, джюн – тюкден.
Биреуге аманлыкъ этиб, кесинге игилик табмазса.
Ашхы сёз таш тешер.
Ким бла джюрюсенг, аны кёзю бла кёрюнюрсе.
Аман киши кеси юйюнде – къонакъ.
Билим насыб берир, билим джолну керир.
Аманнга игилик этсенг, юйюнге сау бармазса.
Тили узунну, намысы – къысха.
Джылкъыдан – ат чыгъар, тукъумдан – джаш чыгъар.
Ауругъаннга – кийик саулукъ, джетген къызгъа – чилле джаулукъ.
Сагъыш – къартлыкъгъа сюйюмчю.
От этилмеген джерден тютюн чыкъмайды.
Накъырданы арты керти болур.
Aдам боллукъ, сыфатындан белгили.
Кюн – узун, ёмюр – къысха.
Ханнга да келеди хариблик.
Айран тёгюлсе, джугъусу къалыр.
Термилгенинги табмазса, кюлгенинге тюберсе.
Сууда джау джокъ, кёб сёзде магъана джокъ.
Ач къарным, тынч къулагъым.
Байлыкъ келсе, акъыл кетер.
Джигер – джаннга къыйынлыкъ.
Бир онгсуз адам адет чыгъарды, деб эштирик тюлсе.
Уллу сёлешме да, уллу къаб.
Акъыллы айтыр эди, акъылсыз къоймайды.
Байлыкъ тауусулур, билим тауусулмаз.
Къарт болгъан джерде, берекет болур, сабий болгъан джерде, оюн болур.
«Ёгюз, джаргъа джууукъ барма, меннге джюк боллукъса», - дегенди эшек.
Онгсузну – джакъла, тенгликни – сакъла.
Эл ауузу – элек, анга ийнаннган – халек.
Миллетни бойну – базыкъ, аны бла кюрешген – джазыкъ.
Къыз чыгъаргъан – къызыл къымжа.
Зар адам ашынгы ашар, кесинги сатар.
Кюлме джашха – келир башха.
Къолу уллу – асыу, аягъы уллу – джарсыу.
Тёрени джагъы джокъ.
Джарлы тюеге минсе да, ит къабар.
Ашыкъгъанны этеги бутуна чырмалыр.
Билимли ёлмез, билимсиз кёрмез.
Кёб джат да, бек чаб.
Иги адамны бир сёзю эки болмаз.
Билим къая тешер.

Логин:
Пароль:
	Запомнить меня на этом компьютере

Забыли свой пароль?
Регистрация