- Бети къызарыучу адамны, джюреги харам болмаз.
- Эл тойса, тоймагъан, эл къойса, къоймагъан.
- Таш ата билмеген, башына урур.
- Хаухну атма, ёнгкючню сатма.
- Суугъа – чабакъ, къаягъа – ыргъакъ.
- Чабакъ башындан чирийди.
- Этни бети бла шорпасы.
- Биреуню тёрюнден, кесинги эшик артынг игиди.
- Таукел адам тау тешер.
- Сабий кёргенин унутмаз.
- Ашда – бёрю, ишде – ёлю.
- Ана кёлю – балада, бала кёлю – талада.
- Алма терегинден кери кетмез.
- Къазанда болса, чолпугъа чыгъар.
- Уллу сёлешме да, уллу къаб.
- Ариу сёз – къылычдан джити.
- Агъач – джерни чырайы, кийим – эрни чырайы.
- Элге къуллукъ этмеген, элге ие болмаз.
- Байны къызы баймакъ болса да, юйде къалмаз!
- Кийимни бир кюнню аясанг, минг кюннге джарар.
- Ишлемеген – тишлемез.
- Ишлегенде эринме, ишде чолакъ кёрюнме.
- Эки къатын алгъан – эки ташны ортасына башын салгъан.
- Юйлю уругъа ит чабмаз.
- Тёрдеги кюлсе, эшикдеги ышарыр.
- Этим кетсе да, сюегим къалыр.
- Келинин тута билмеген, къул этер, къызын тута билмеген, тул этер.
- Къонакъ аз олтурур, кёб сынар.
- Акъдан къара болмаз.
- Къонагъы джокъну – шоху джокъ.
- Тойгъанлыкъ къойгъа джарашады.
- Кёб джат да, бек чаб.
- Башда акъыл болмаса, эки аякъгъа кюч джетер.
- Тин – байлыгъынг, терен саулугъунг.
- Адам туугъан джеринде, ит тойгъан джеринде.
- Къуллукъчума, деб махтанма, къуллукъ – хаух джамчыды!
- Къыз тиширыу кеси юйюнде да къонакъды.
- Акъылсызны джууукъгъа алма, акъыллыны кенгнге салма.
- Джогъун бар этген, барын бал этген.
- Мал кёб болса, джууукъ кёб болур.
- Суугъа – таянма, джаугъа – ийнанма.
- Айырылгъанланы айю ашар, бёлюннгенлени бёрю ашар.
- Юйюнг бла джау болгъандан эсе, элинг бла джау бол.
- Ач да бол, токъ да бол – намысынга бек бол.
- Эл бла кёргенинг эрелей.
- Ата Джуртун танымагъан, атасын да танымаз.
- Гырджын – тепсини тамадасы.
- Ач къарынны, токъ билмез
- Ёксюзню къалачы уллу кёрюнюр.
- Окъдан джара эртде-кеч болса да бителир, сёз джара, ёмюрге къалыр.
Профиль
|
|
|
|||