- Сангырау къулакъ эл бузар.
- Джаш къарыу бла кючлю, къарт акъыл бла кючлю.
- Бойнуму джети джерден кессенг да, мен ол ишни этеллик тюлме.
- Нарт сёз къарт болмаз.
- Кёб ант этген, кёб ётюрюк айтыр.
- Бермеген къол, алмайды.
- Ач да бол, токъ да бол – намысынга бек бол.
- Халкъгъа джарагъан, джарлы къалмаз.
- Иесиз малны бёрю ашар.
- Тили узунну, намысы – къысха.
- Джукъу тёшек сайламайды.
- Юй кюйдю да, кюйюз чыкъды, ортасындан тюйюш чыкъды.
- Ат басханны джер билед.
- Хунаны тюбюн къазсанг, юсюнге ауар.
- Алгъанда – джууукъ, бергенде – джау.
- Зарда марда джокъ.
- Аллахдан тилесенг, кёб тиле.
- Гугурук къычырмаса да, тангны атары къалмаз.
- Къызгъанчдан ычхыныр, мухардан ычхынмаз.
- Джангызны оту джарыкъ джанмаз!
- Къралынгы – душмандан, башынгы от бла суудан сакъла.
- Кёл ашады да, кеси ашады.
- Джерни букъусу кёкге къонмаз.
- Байлыкъдан саулукъ ашхыды.
- Джолунга кёре – джюрюшюнг, джагъанга кёре – юлюшюнг.
- Бозанг болмагъан джерге, къалагъынгы сукъма.
- Эр сокъур болсун, къатын тилсиз болсун.
- Къартны сыйын кёрмеген, къартлыгъында сыйлы болмаз.
- Аш хазыр болса, иш харам болур.
- Къатыны харакетли болса, эри къымсыз болур.
- Хазыр ашха – терен къашыкъ.
- Къарнынг ауруса, ауузунгу тый
- Башда акъыл болмаса, эки аякъгъа кюч джетер.
- Эки къатын алгъанны къулагъы тынгнгаймаз.
- Мадар болса, къадар болур.
- Уруну арты – къуру.
- Къанны къан бла джуума, аманны аман бла къуума.
- Джарашыу сюйген – джалынчакъ.
- Чомартны къолун джокълукъ байлар.
- Кесине гебен этелмеген, биреуге черен эте эди.
- Рысхы – сют юсюнде кёмюк кибикди.
- Тойгъан антын унутур.
- Айтханы чапыракъдан ётмеген.
- Эринчекге кюн узун.
- Окъумагъан сокъурду, сокъур ташха абыныр!
- Ашын ашагъанынгы, башын да сыйла.
- Тойгъанлыкъ къойгъа джарашады.
- Гитче джилтин уллу элни джандырыр.
- Рысхысына кёре, джаш ёсер, къышлыгъына кёре, мал ёсер.
- Бал – татлы, балдан да бала – татлы.
Профиль
|
|||||||||||||
|
|
|
||||||||||||