Эльбрусоид :: Форум

Сабийни джумушха джибер да, ызындан бар.
Аджашханны ызындагъы кёреди, джангылгъанны джанындагъы биледи.
Билим ат болуб да чабар, къуш болуб да учар.
Ариу сёзде ауруу джокъ.
Тешигини къатында, чычхан да батыр болур.
Тилчи тилден къаныкъмаз.
Айырылгъанланы айю ашар, бёлюннгенлени бёрю ашар.
Рысхы – сют юсюнде кёмюк кибикди.
Бермеген къол, алмайды.
Орну джокъну – сыйы джокъ.
Биреуню эскиси биреуге джангы болмайды.
Адамгъа аман кюн соруб келмейди.
Бек ашыкъгъан меннге джетсин, дегенди аракъы.
Чакъырылмагъан къонакъ тёрге атламаз.
Айраннга суу къош, телиге джол бош.
Къонакъ аман болса, къонакъбай джунчур
Чомарт къолда мал къалмаз.
Мадар болса, къадар болур.
Этни бети бла шорпасы.
Чыкълы кюнде чыкъмагъан, чыкъса къуру кирмеген.
Джан саулукъ бермей, сан саулукъ бермезсе.
Кёпюр салгъан кеси ётер, уру къазгъан кеси кетер.
Акъыллы айтыр эди, акъылсыз къоймайды.
Дуния мал дунияда къалады.
Айтылгъан сёз ызына къайтмаз.
Тойчу джашха къарама, къойчу джашха къара.
Аш иеси бла татлыды.
Хата – гитчеден.
Келинин тута билмеген, къул этер, къызын тута билмеген, тул этер.
Мен да «сен», дейме, сен да «кесим», дейсе.
Эркишиге тары кебек танг кёрюнюр.
Ариуну – ауруу кёб.
Къанны къан бла джуума, аманны аман бла къуума.
Кёзю сокъурдан – къоркъма, кёлю сокъурдан – къоркъ.
Къозулугъунда тоймагъан, къойлугъунда тоймаз.
Эл тойса, тоймагъан, эл къойса, къоймагъан.
Джыгъылгъанны сырты джерден тоймаз.
Бет бетге къараса, бет да джерге къарар.
Агъач халкъгъа алтынды, иссиликге салкъынды.
Джюрекге ариу – кёзге да ариу.
Зар адамны насыбы болмаз.
Ачыкъ джюрекге джол – ачыкъ.
Ариу джол аджал келтирмез.
Окъугъанны бети джарыкъ.
Аллахха ийнаннган кишини, Аллах онгдурур ишин.
Сангырау къулакъ эл бузар.
Сакъламагъан затынга джолукъсанг, не бек къууанаса, не бек ачыйса.
Ишлегенден, къарагъан уста.
Джырчы джырчыгъа – къарнаш.
Тюкюрюк баш джармаз, налат кёз чыгъармаз!

Логин:
Пароль:
	Запомнить меня на этом компьютере

Забыли свой пароль?
Регистрация