Эльбрусоид :: Форум

Къоркъакъны кёзю экили кёрюр.
Намысы джокъну – дуниясы джокъ.
Ишлегенде эринме, ишде чолакъ кёрюнме.
Ач къарным, тынч къулагъым.
Татлы сёз – балдан татлы.
Кёкдеги болмаса, джердегин кёрмейди.
Ашхы – джыяр, аман – джояр.
Чабакъсыз кёлге къармакъ салгъанлыкъгъа, чабакъ тутмазса.
Аз сёлешген, къайгъысыз турур.
Окъдан джара эртде-кеч болса да бителир, сёз джара, ёмюрге къалыр.
Къонакъ кёб келюучю юйню, къазаны отдан тюшмез.
Тойчу джашха къарама, къойчу джашха къара.
Тилчи бир сагъатха айлыкъ хата этер.
Джыйырма къойну юч джыйырма эбзе кюте эди.
Душманны тышы – акъ, ичи – къара.
Джырчы джырчыгъа – къарнаш.
Чакъырылмагъан джерге барма, чакъырылгъан джерден къалма.
Ханнга да келеди хариблик.
Туз, гырджын аша, тюзлюк бла джаша.
Джаз бир кюнню джатсанг, къыш талай кюнню абынырса.
Онгсузну – джакъла, тенгликни – сакъла.
Аджаллыгъа окъсуз шкок атылыр.
Тёзген – тёш ашар!
Кийимни бичсенг, кенг бич, тар этген къыйын тюлдю.
Кюн – узун, ёмюр – къысха.
Сакъалы текени да бар, мыйыгъы киштикни да бар.
Чыкълы кюнде чыкъмагъан, чыкъса къуру кирмеген.
Ачылгъан эт джабылыр, кёрген кёз унутмаз.
Къатын байлыкъны сюер, эр саулукъну сюер.
Битмегеннге сакъал – танг.
Билимсиз иш бармаз.
Чыбыкълыкъда бюгюлмеген, къазыкълыкъда бюгюлмей эди.
Чакъырылмагъан къонакъ – орунсуз.
Тюзню ётмеги тюзде къалса да, тас болмаз.
Телиге акъыл салгъандан эсе, ёлгеннге джан салырса.
Къартха ушагъан джаш – акъыллы, джашха ушагъан къарт – тели.
Башсыз урчукъ тюзюне айланмаз.
Айырылгъанланы айю ашар, бёлюннгенлени бёрю ашар.
Шайтан алдады, тюзлюк къаргъады.
Джюрек кёзден алгъа кёрюр.
Окъ къызбайны джокълайды.
Адамны бетине къарама, адетине къара.
Джигер – джаннга къыйынлыкъ.
Азыгъы аз, алгъа къабар, аты аман, алгъа чабар.
Джуртун къоругъан озар.
Ишин билген, аны сыйын чыгъарады.
Адам къаллай бир ишленмесе, аллай бир кесин уллу кёреди.
Билген билмегенни юретген адетди.
Аман эсирсе, юйюн ояр.
Акъыл бла адеб эгизледиле.

Логин:
Пароль:
	Запомнить меня на этом компьютере

Забыли свой пароль?
Регистрация