- Аш берме да, къаш бер.
- Къартны сыйын кёрмеген, къартлыгъында сыйлы болмаз.
- Чомартха хар кюн да байрамды.
- Хата – гитчеден.
- Къуллукъчума, деб махтанма, къуллукъ – хаух джамчыды!
- Эски джаугъа ышанма.
- Кёбден умут этиб, аздан къуру къалма.
- Ашарыкъда сайлагъаннга – чий гырджын.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ишлерге уял да, ашаргъа табма.
- Уллу сёлешме да, уллу къаб.
- Къыйынлы джети элни къайгъысын этер.
- Къан бла кирген, джан бла чыгъар.
- Иги сеники эсе да, сюйген кесимикин этеме.
- Хар ишни да аллы къыйынды.
- Тойгъандан сора, ашны сёкме.
- Ёксюзню тилеги къабыл болур.
- Ётген ёмюр – акъгъан суу.
- Телини эшигин, махтау джабар.
- Иши джокъну, сыйы джокъ.
- Ханы къызы буюгъа-буюгъа киштик болду.
- От этилмеген джерден тютюн чыкъмайды.
- Джарлыны тону джаз битер.
- Ишни аллы бла къууанма да, арты бла къууан.
- Абынмазлыкъ аякъ джокъ, джангылмазлыкъ джаякъ джокъ.
- Къартны бурнун сюрт да, оноугъа тут.
- Элде адам къалмаса, ит тахтагъа минер.
- Джетген къыз джерли эшекни танымаз.
- Минг тенг да азды, бир джау да кёбдю.
- Чалманны аллы къалай башланса, арты да алай барады.
- Бозанг болмагъан джерге, къалагъынгы сукъма.
- Ауурну тюбю бла, дженгилни башы бла джюрюген.
- Джол бла сёзню къыйыры джокъ.
- Къарыусузгъа кюлме, онгсузгъа тийме.
- Акъыллы башны – тили къысха.
- Ашын ашагъанынгы, башын да сыйла.
- Окъугъанны бети джарыкъ.
- Чоюнну башы ачыкъ болса, итге уят керекди.
- Джаш къарыу бла кючлю, къарт акъыл бла кючлю.
- Джогъун бар этген, барын бал этген.
- Джыланны къуйругъундан басарынг келсе, аны башы болгъанын унутма.
- Бети къызарыучу адамны, джюреги харам болмаз.
- Тёрде – темир таякълы, къаяда – чыпчыкъ аякълы.
- Эр сокъур болсун, къатын тилсиз болсун.
- Эрни эр этерик да, къара джер этерик да, тиширыуду.
- Къарт болгъан джерде, берекет болур, сабий болгъан джерде, оюн болур.
- Къонакъ хазыр болгъанлыкъгъа, къонакъбай хазыр тюлдю.
- Уллу сёзде уят джокъ.
- Дженгил джетерикме деб, узун джолну къоюб, къысхасын барма.
- Джангыз торгъай джырламаз.
Профиль
|
Башиланы Азамат
 Эльбрусоид
Cообщений: 105
Баллов: 84
Регистрация: 12.12.2011
Последний визит: 11.07.2018 23:54:34
|
|
||||||
|
|
|
||||||