Эльбрусоид :: Форум :: Башиланы Азамат

Аш берме да, къаш бер.
Айран ичген – къутулду, джугъусун джалагъан – тутулду.
Баш болса, бёрк табылыр.
Кийиминг бла танылма, адамлыкъ бла таныл.
Айтханы чапыракъдан ётмеген.
Ариу сёз – джаннга азыкъ, аман сёз – башха къазыкъ.
Тёзген – тёш ашар!
Чёбню кёлтюрсенг, тюбюнден сёз чыгъар.
Уллу айтханны этмеген – уллаймаз.
Атлыны ашхысы, ат тизгининден билинир
Кюл тюбюндеги от кёрюнмейди.
Джашынгы кесинг юретмесенг, джашау юретир.
Тойгъа алгъа да барма, тойда артха да къалма.
Къар – келтирди, суу – элтди.
Телини эшигин, махтау джабар.
Къарыусузгъа кюлме, онгсузгъа тийме.
Окъугъан – асыу, окъумагъан – джарсыу.
Дууулдаса – бал чибин, къонса – къара чибин.
Кютгени беш эчки, сызгъыргъаны уа, джерни джарады.
Байны оноуу, джарлыгъа джарамаз.
Джаз бир кюнню джатсанг, къыш талай кюнню абынырса.
Башы ишлегенни, ауузу да ишлер.
Джюрекге ариу – кёзге да ариу.
Хаухну атма, ёнгкючню сатма.
Адамны аты башхача, акъылы да башхады.
Ашыкъгъанны этеги бутуна чырмалыр.
Айыбны суу бла джууалмазса.
Эркиши – от, тиширыу – суу.
Билмейме деген – бир сёз
Халкъны джырын джырласанг, халкъ санга эжиу этер.
Ашхы тенг джолгъа салыр, аман тенг джолдан тайдырыр.
Ач къарным, тынч къулагъым.
Ач отунчуну ачыуу – бурнунда.
Джюрекден джюрекге джол барды.
Чомарт джарлы болмаз.
Кирсизни – саны таза, халалны – къаны таза.
Къартны сыйын кёрмеген, къартлыгъында сыйлы болмаз.
Байлыкъдан саулукъ ашхыды.
Насыблы элин сюер, насыбсыз кесин сюер.
Атадан ёксюз – бир ёксюз, анадан ёксюз – эки ёксюз.
Джарлы тюеге минсе да, ит къабар.
Соргъан айыб тюлдю, билмеген айыбды.
Биреу ашаб къутулур, биреу джалаб тутулур.
Айран тёгюлсе, джугъусу къалыр.
Эртде тургъан бла эртде юйленнген сокъуранмаз.
Аманны эки битли тону болур, бирин сеннге кийдирир, бирин кеси киер.
Сагъыш – къартлыкъгъа сюйюмчю.
Уллу атлама – абынырса, уллу къабма – къарылырса.
Хар зат кесини орнуна иги.
Бозаны арты дауур болур.

Логин:
Пароль:
	Запомнить меня на этом компьютере

Забыли свой пароль?
Регистрация