Эльбрусоид :: Форум :: Башиланы Азамат

Тюзлюк тас болмайды.
Джарлыны эшигин махтагъан джабар.
Аман хансны – урлугъу кёб.
Къарыусузгъа кюлме, онгсузгъа тийме.
Айтылгъан сёз ызына къайтмаз.
Суугъа – чабакъ, къаягъа – ыргъакъ.
Къарт айтханны этмеген, къартаймаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аджалсыз ёлюм болмаз.
Мен да «сен», дейме, сен да «кесим», дейсе.
Иши джокъну, сыйы джокъ.
Юй ишлеген балта эшикде къалыр.
Суу да къайтады чыкъгъан джерине.
Чыкълы кюнде чыкъмагъан, чыкъса къуру кирмеген.
Адамны сыфатына къарама, сёзюне къара.
Билеги кючлю, бирни джыгъар, билими кючлю, мингни джыгъар.
Татлы тилде – сёз ариу, чемер къолда – иш ариу.
Къобан да къуру да къобханлай турмайды, адам да къуру да патчахлай турмайды.
Алма терегинден кери кетмез.
Ишин билген, аны сыйын чыгъарады.
Тынгылагъан тынгы бузар.
Ашхы атаны – джашы ашхы, ашхы ананы – къызы ашхы.
Онгсузну – джакъла, тенгликни – сакъла.
Кенгеш болса, уруш болмаз.
Намыс сатылыб алынмайды.
Сабыр джетер муратха, сабырсыз къалыр уятха.
Шапа кёб болса, аш татымсыз болур.
Тенги кёбню джау алмаз, акъылы кёбню дау алмаз.
Джашлыкъ этмеген, башлыкъ этмез.
Оюмсуз атлагъан, аджалсыз ёлюр.
Ариу сёз джыланны орнундан чыгъарыр.
Билимли ёлмез, билимсиз кёрмез.
Сормай – алма, чакъырылмай – барма.
Тешигини къатында, чычхан да батыр болур.
Къызбайны юйюне дери сюрсенг, батыр болур.
Кесинг сынамагъан затны, адамгъа буюрма.
Ач да бол, токъ да бол – намысынга бек бол.
Асхат ашлыкъ сата, юйдегиси ачдан къата.
Рысхы джалгъанды: келген да этер, кетген да этер.
Иесиз малны бёрю ашар.
Ёзденликни кёбю ётюрюк.
Джаным-тиним – окъуу, билим.
Аманнга игилик этсенг, юйюнге сау бармазса.
Джол бла сёзню къыйыры джокъ.
Керилген да, ургъан кибикди.
Джогъун бар этген, барын бал этген.
Ачыу алгъа келсе, акъыл артха къалады.
Акъыл сабырлыкъ берир.
Башы джабылгъан челекге, кир тюшмез.
Къарт бла баш аша, джаш бла аякъ аша.

Логин:
Пароль:
	Запомнить меня на этом компьютере

Забыли свой пароль?
Регистрация