- Джюз элде джюз ёгюзюм болгъандан эсе, джюз джууугъум болсун.
- Акъыл неден да кючлюдю.
- Аман хансны – урлугъу кёб.
- Дуния малгъа сатылма, кесингден телиге къатылма.
- Аман къатын алгъан, арыр, иги къатын алгъан джарыр.
- Зар адам ашынгы ашар, кесинги сатар.
- Булут кёкге джарашыу, уят бетге джарашыу.
- Таукел къуру къалмаз.
- Эки къатын алгъанны къулагъы тынгнгаймаз.
- Садакъачыны джаны – къапчыгъында.
- Иги – алгъыш этер, аман – къаргъыш этер.
- Элиб деген, элге болушур.
- Ач къарынны, токъ билмез
- Тас болгъан бычакъны сабы – алтын.
- Къарны аманнга къазан такъдырма, къолу аманнга от джакъдырма.
- Аманнга алтын чыдамаз.
- Билим – акъылны чырагъы.
- Тин – байлыгъынг, терен саулугъунг.
- Ёгюзню мюйюзюнден тутадыла, адамны сёзюнден тутадыла.
- Чабар ат – джетген къыз.
- Тешигини къатында, чычхан да батыр болур.
- Къонакъ болсанг, ийнакъ бол.
- Бек анасы джыламаз.
- Узун джолну барсанг, бюгюн келирсе, къысха джолну барсанг, тамбла келирсе.
- Эки итни арасына сюек атма, эки адамны арасында сёз чыгъарма.
- Джерни букъусу кёкге къонмаз.
- Чомарт къонакъ юй иесин сыйлар.
- Билмегенинги, билгеннге сор.
- Бир абыннган – минг сюрюнюр.
- Баланы адам этген анады.
- Сабийни джумушха джибер да, ызындан бар.
- Акъылсызны джууукъгъа алма, акъыллыны кенгнге салма.
- Кёзню ачылгъаны – иги, ауузну джабылгъаны – иги.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Намысы болмагъанны, сыйы болмаз.
- Насыб бютеу халкъны юлюшюдю.
- Башсыз урчукъ тюзюне айланмаз.
- Къолунгдан къуймакъ ашатсанг да, атаны борчундан къутулмазса.
- Иги сёз – джаннга азыкъ, аман сёз башха – къазыкъ.
- Сютню башын джалагъан къутулур, тюбюн ичген тутулур.
- Илму – джашауну джолу.
- Иги адамны бир сёзю эки болмаз.
- Джылар джаш, атасыны сакъалы бла ойнар.
- Асхат ашлыкъ сата, юйдегиси ачдан къата.
- Аджалсыз ёлюм болмаз.
- Ариу – кёзге, акъыл – джюрекге.
- Этни бети бла шорпасы.
- Тойгъа барсанг, тоюб бар, эски тонунгу къоюб бар.
- Джангыз торгъай джырламаз.
- Ата – баланы уясы.
Профиль
|
|
|
|||