Эльбрусоид :: Форум

Биреу къой излей, биреу той излей.
Ариу джол аджал келтирмез.
Кийимни бир кюнню аясанг, минг кюннге джарар.
Ариу сёзде ауруу джокъ.
Таукел къуру къалмаз.
Эл элде бирер малынг болгъандан эсе, бирер тенгинг болсун.
Чакъырылмай келген къонакъ сыйланмай кетер.
Аманны къуугъан, аманлыкъ табар.
Аджашханны ызындагъы кёреди, джангылгъанны джанындагъы биледи.
Къумурсхала джыйылсала, пилни да джыгъадыла.
Къарны аманнга къазан такъдырма, къолу аманнга от джакъдырма.
Тюзлюк шохлукъну бегитир.
Джангыз терек къынгыр ёсер.
Сабий кёргенин унутмаз.
Ат басханны джер билед.
Ишин билген, аны сыйын чыгъарады.
Тулпарлыкъ, билекден тюл – джюрекден.
Кенгеш болса, уруш болмаз.
Иши джокъну, сыйы джокъ.
Башы джабылгъан челекге, кир тюшмез.
Аджашхан тёгерек айланыр.
Гугурук къычырмаса да, тангны атары къалмаз.
Ушамагъан – джукъмаз.
Ким бла джюрюсенг, аны кёзю бла кёрюнюрсе.
Къарнынг тойгъунчу аша да, белинг талгъынчы ишле.
Ишлегенде эринме, ишде чолакъ кёрюнме.
Тау башында, тау болмаз, джангыз терек, бау болмаз.
Джукъу тёшек сайламайды.
Окъ къызбайны джокълайды.
Чакъырылмагъан къонакъ къачан кетерин сормаз.
Аджалсыз ёлюм болмаз.
«Ёгюз, джаргъа джууукъ барма, меннге джюк боллукъса», - дегенди эшек.
Керти сёзге тёре джокъ.
Кюлме джашха – келир башха.
Адам сёзге тынгыла, акъыл сёзню ангыла.
Тешик этген тынчды, аны джамагъан къыйынды.
Ач отунчуну ачыуу – бурнунда.
Акъыл къартда, джашда тюйюлдю – башдады.
Ашхы тенг джолгъа салыр, аман тенг джолдан тайдырыр.
Джыгъылгъанны сырты джерден тоймаз.
Ашлыкъны арба юйге келтирир, чана базаргъа элтир.
Джарлы тюеге минсе да, ит къабар.
Келлик заман – къартлыкъ келтирир, кетген заман – джашлыкъ ёлтюрюр.
Суу да къайтады чыкъгъан джерине.
Ётюрюкню башын керти кесер.
Эл тойса, тоймагъан, эл къойса, къоймагъан.
Сууда джау джокъ, кёб сёзде магъана джокъ.
Сагъыш – къартлыкъгъа сюйюмчю.
Атадан ёксюз – бир ёксюз, анадан ёксюз – эки ёксюз.
Адам боллукъ, атламындан белгили болур.

Логин:
Пароль:
	Запомнить меня на этом компьютере

Забыли свой пароль?
Регистрация