- Кёб джашагъан – кёб билир.
- Этни бети бла шорпасы.
- Джырчы ёлсе, джыры къалыр.
- Ётюрюкден тюбю джокъ, кёлтюрюрге джиби джокъ.
- Гугурук къычырмаса да, тангны атары къалмаз.
- Чоюнну башы ачыкъ болса, итге уят керекди.
- Байлыкъ келсе, акъыл кетер.
- Тенгни тенглиги джашай барсанг билинир.
- Ач бёрюге мекям джокъ.
- Ашына кёре табагъы, балына кёре къалагъы.
- Кийиминг бла танылма, адамлыкъ бла таныл.
- Бастасын ашагъан, хантусун да ичер.
- Хансыз джомакъ болмаз.
- Ишге юренсин къоллары, халкъ бла болсун джоллары.
- Эркиши – от, тиширыу – суу.
- Къазанда болса, чолпугъа чыгъар.
- Уллу сёлешме да, уллу къаб.
- Тели турса – той бузар.
- Болджал ишни бёрю ашар.
- Хар адамгъа кеси миннген тау кибик.
- Сёз къанатсыз учар.
- Татлы сёз – балдан татлы.
- Биреуню эскиси биреуге джангы болмайды.
- Бек анасы джыламаз.
- Джогъун бар этген, барын бал этген.
- Накъырда – кертини келечиси.
- Айран ичген – къутулду, джугъусун джалагъан – тутулду.
- Тилчиден кери бол.
- Суу да къайтады чыкъгъан джерине.
- Ач къарынны, токъ билмез
- Кечеси – аяз, кюню – къыш, джарлы къаргъагъа бир аш тюш!
- Ачылгъан эт джабылыр, кёрген кёз унутмаз.
- Мухардан ач ычхынмаз.
- Сескекли кесин билдирир.
- Аман хансны – урлугъу кёб.
- Ойнай билмеген, оюн бузар.
- Акъыл аздырмаз, билим тоздурмаз.
- Тил – миллетни джаны.
- Кёлсюзден сёзсюз тууар.
- Акъыл къартда, джашда тюйюлдю – башдады.
- Эрни эр этерик да, къара джер этерик да, тиширыуду.
- Эки элинги тыйсанг, джети элде махталырса.
- Ишлегенде эринме, ишде чолакъ кёрюнме.
- Къар – келтирди, суу – элтди.
- Сабийликде юретмесенг, уллу болса – тюзелмез.
- Ашхы тенг джолгъа салыр, аман тенг джолдан тайдырыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Баргъанынга кёре болур келгенинг.
- Джылар джаш, атасыны сакъалы бла ойнар.
- Сабыр джетер муратха, сабырсыз къалыр уятха.
Профиль
|
cheLOVEchek
 Эльбрусоид
Cообщений: 551
Баллов: 440
Регистрация: 10.12.2011
Последний визит: 15.11.2015 21:31:34
|
|
||||||
|
|
|
||||||